automobile
||Rajyadainik||

आजको ाचार

चलायमान हुन थाल्यो अटोमोबाइल व्यवसाय

अटोोबाइल


काठमाडौं — आश्विन २०, २०७७। 

दशैंतिहार नजिकिएसँगै अटोमोबाइल व्यवसाय चलायमान बन्न थालेको छ । बन्दाबन्दी र निषेधाज्ञाले थलिएको अटोमोबाइलको व्यवसाय दशैंतिहारलाई लक्षित गरी ल्याइएका स्किम र अफरहरूका कारण पनि बजार जुर्मुराउन मद्दत पुगेको हो ।

टाटा, ह्युन्दे, फोर्ड, रेनोँ, स्याङ्योङलगायत सवारी विक्री गर्दै आएका कम्पनीहरूले दशैंतिहारका लागि छूट तथा स्किम अफर ल्याएका छन् ।

दुईपांग्रेतर्फ टीभीएस, सुजुकी, यमाहाले पनि दशैंतिहार स्किम सार्वजनिक गरेका छन् । निषेधाज्ञा हटेसँगै शोरूममा सवारीसाधन बुझ्न आउनेको संख्या बाक्लिएको व्यवसायीहरूको भनाइ छ ।

चैतको दोस्रो सातादेखि सरकारले लगाएको बन्दाबन्दी साउनमा अन्त्य गरेपछि दुईपांग्रे सवारीको बजार चम्किए पनि चारपांग्रे सवारीको बजार मन्द थियो । साउन अन्तिम सातापछि चारपांग्रे सवारीका लागि पनि शोरूममा ग्राहक देखिन थालेकोमा सरकारले भदौ ३ गतेदेखि निषेधाज्ञा लगाएको थियो ।

भदौ २४ गतेदेखि सरकारले निषेधाज्ञा अन्त्य गरेपछि बजार विस्तारै चलायमान बन्न थालेको नाडा अटोमोबाइल एशोसिएशन अफ नेपालका अध्यक्ष कृष्णप्रसाद दुलालले बताए ।

‘पोहोरको जस्तो बजार छैन, ६ महीनादेखि बन्द व्यवसायमा ग्राहक अलिअलि देखिन थालेका छन्, दशैं नजिकिँदै गएपछि बजार बढ्छ भन्ने अनुमान छ,’ उनले भने ।

अघिल्ला वर्षहरूमा दशैंअगाडि नाडाले अटो शो गर्ने र त्यसपछि दशैंसम्म अटोमोबाइलको विक्री निकै हुन्थ्यो । तर, यस वर्ष नाडा अटो शो नभएपछि व्यवसाय पहिलेको भन्दा धेरै कम हुने व्यवसायीको भनाई रहेको छ ।

बजाजले नेपालमा ल्यायो नयाँ एभेन्जर स्ट्रीट १६० एबीएस

अटोोबाइल


काठमाडौं, १७ असोज । बजाज मोटरसाइकलका लागि अधिकृत वितरक हंसराज हुलासचन्द एण्ड कम्पनी प्रा.लि.ले आज नेपालमा नयाँ एभेन्जर स्ट्रीट १६० एबीएस भित्र्याएको छ ।

नयाँ एभेन्जर स्ट्रीट १६० स्पोस्टर डिजाइनमा आउँद छ र शहरका लागि केहि भिन्न रुपमा देखा पर्नेहरुका लागि बनाइएको हो । यसमा रोडस्टर डिजाइनको हेडल्याम्प छ र एलईडी डीआरएलका साथ यसले दिर्घकालिन छाप सृजना गर्दछ र यसमा शहर र हाईवेका लागि सहज गतिशीलता प्रदान गर्न स्ट्रीट कन्ट्रोल ह्यान्डलबारहरु पनि छन् ।

यो १६०सीसी डीटीएस—आई इन्जिनद्वारा संचालित छ जसले १६०ः१५ पीएस पावर र १३.५ एनएम टर्क उत्पादन गर्दछ । यसले ५—स्पीड म्यानुअल ट्रान्समीसन पनि प्रयोग गर्दछ ।

सुरक्षाका लागि बजाज एभेन्जर स्ट्रीट १६० अगाडि २८० एमएम डिस्क ब्रेक र पछाडि भागमा १३० एमएम ड्रम ब्रेकको साथ आउँदछ । ब्रेकका इकाईहरु मानकको रुपमा एकल च्यानल एबीएस संगै छन् ।

चालकको आरामको लागि यो लामो स्लंग, लामो सिट र अद्वितीय विस्तारीत फुटरेस्ट स्थानमा साथ आउँदछ । नयाँ एभेन्जर स्ट्रीट १६० स्पाईसी रेड र इबोनी ब्ल्याक कलर भेरियन्टमा शुरुवाती मुल्य रु ३,१९,९०० मा असोज १५ गतेदेखि देशभर उपलब्ध हुनेछ ।

नेपालमा सवारी एसेम्बल गरिरहेका २ कम्पनी बन्द

अटोोबाइल


काठमाडौं — आश्विन १३, २०७७। 
 
सरकारले कोरोना नियन्त्रणका लागि गरेको बन्दाबन्दीयता नेपालमा सवारी एसेम्बल गरिरहेका २ कम्पनी बन्द भएका छन् ।

एसेम्बलका लागि आवश्यक पार्टस्को आयात गर्न नसक्दा र आयातीत पार्टस् पनि नाकामै रोकिँदा नेपालमा दुईपांग्रे सवारी एसेम्बल गरिरहेका बेला मोटर्स र बेनलिन मोटर्स बन्द भएका हुन् ।

गत वर्ष नाडा अटो शोमा निर्वतमान अर्थमन्त्री डा। युवराज खतिवडाले नेपालमै सवारीसाधन एसेम्बलिङ गर्ने कम्पनीलाई सरकारले नीतिगत संरक्षण र सहजीकरण गर्ने बताएका थिए । यद्यपि, सरकारकै नीतिगत कठिनाइका कारण एसेम्बलिङ उद्योगमा समस्या रहेको सञ्चालकहरु बताउँछन् ।

बेनलिनले हालसम्म नेपालमै ४ सय ८५ वटा स्कुटर एसेम्बलिङ गरी बिक्री गरेकामा बन्दाबन्दी सुरु भएयता कम्पनीले उत्पादन बन्द गरेको छ । पुनः उत्पादन सुरु गर्ने÷नगर्ने विषय यकिन नभएको कम्पनीका प्रबन्ध निर्देशक शिवहरि आचार्यले बताए ।

यस्तै, बेनलिन मोटर्स पनि बन्दाबन्दीयता बन्द छ । बीचमा १२ वटा स्कुटर उत्पादन एसेम्बलिङ गरेको कम्पनीले हाल उत्पादन बन्द गरेको नेपाल प्रतिनिधि निर्मल पाण्डेले बताए । २६५ स्कुटर र ३५ मोटरसाइकल एसेम्बलिङ गरी बजारमा विक्री गरेको कम्पनीले बन्दाबन्दीपछि पार्टस् आयात गर्न सकेको छैन । पार्टस् सीमामै रोकिँदा उत्पादन बन्द भएको उनको भनाइ छ ।

नेपालमा एसेम्बलिङ गरिरहेका २ वटा चिनियाँ कम्पनी बन्द भए पनि बन्दाबन्दीकै बीचमा शंकर ग्रुपअन्तर्गतको जगदम्बा मोटर्सले टीभीएसका मोटरसाइकल उत्पादन सुरु गरेको आजको आर्थिक अभियान दैनिकमा खवर छ ।

नगद छुट र थोरै डाउन पेमेन्ट मात्रै होइन, यी ४ कुरा बुझेर दशैंमा कार किन्दा राम्रो

अटोोबाइल


काठमाडौं । चाडपर्व नजिकिएसँगै मुख्य गाडी बिक्रेता कम्पनीहरुले ग्राहकलाई आकर्षित गर्न विभिन्न स्कीमहरु ल्याएका छन् । यस्तोमा गाडी किन्ने ग्राहकले तत्काल कति नाफा लिन सकिन्छ भन्दापनि आफुले खरिद गर्ने गाडीले भविष्यमा दिने सेवालगायतका विषयमा जान्न जरुरी हुन्छ ।

अहिले गाडी बिक्रेता कम्पनीहरुले अत्यन्त न्यून डाउन पेमेन्ट गरेरपनि गाडी खरिद गर्न सक्ने अफर गरेका छन् भने नगद छुट, एक्सचेन्ज सुविधा, एक वर्षको बीमा, थप एशोसरिज, लोयलटी वोनस जस्ता अफर दिइरहेका छन् ।

यदि तपाईले कम्पनीले घोषणा गरेका अफरकै भरमा कुनैपनि गाडी छनोट गर्नु भयो भने भविष्यमा त्यसले सृजना गर्ने दायित्व र सर्भिसमा व्योर्होनु पर्ने झन्झटले दुःख पाउनु पर्ने अवस्था आउन सक्छ । त्यसैले गाडी किन्नु पूर्व केही अत्यावश्यक विषयबारे जानकारी राख्नु पर्ने हुन्छ ।

१. बिक्रीपछिको सेवाः गाडी खरिद गर्नु पहिला कम्पनीले दिने बिक्रीपछिको सेवा र त्यसमा लाग्ने खर्चको विषयमा सामान्य जानकारी लिनु पर्छ । अन्यथा पछि गाडीमा समस्या आउन थालेपछि तपाईले हैरानी व्योर्होनु पर्ने हुन्छ ।

त्यसैले तपाईले छनोट गर्ने गाडी बिक्रेताको सर्भिस नेटवर्क कति छ ? पार्टसहरुको मूल्य कति महंगो छ ? र तपाईले आफ्नो गाडी लिएर मुख्यत यात्रा गर्ने क्षेत्रमा गाडीको सर्भिस उपलब्ध छ वा छैन भन्ने हेर्नु पर्छ ।

२. रिसेल भ्यालुः एउटा गाडी सधैभरी चढ्न जो कोहीलाई मन नलाग्न सक्छ । वा, कुनै कारण बस किनेको केही समयपछि तपाईको कार बिक्री गर्नु पर्ने हुन सक्छ । यस्तोमा सबै ब्राण्डका कारमा रिसेल मूल्य उस्तै आउँछ भन्ने हुँदैन । बजारमा धेरैले प्रयोग गर्ने, राम्रो सर्भिस सुविधा भएको, सहजै पार्टस लगायतका सामान उपलब्ध रहेको, ब्राण्ड प्रतिको विश्वास भएको जस्ता विषयले रिसेल मूल्य निर्धारण गर्छ ।

त्यसैले बजारमा रिसेल मूल्यको विषयमा जानकारी लिएर कुनैपनि ब्राण्डको कार किनेको खण्डमा पछि पछुताउनु पर्ने छैन ।

३. सुरक्षा फिचरः अहिले विश्वभर गाडी उत्पादकले मानव सुरुक्षामा निकै ठूलो खर्च गरिरहेका छन् । दुई वर्ष अगाडिसम्म एयरव्याग समेत उपलब्ध नभएका कारहरु बजारमा उपलब्ध रहेका थिए । तर, अहिले कार किन्दा एयरव्याग, इन्जिन इमोविलाइजर, एबीएस, इबीडी, पार्किङ सेन्सर, रिभर्स क्यामारा जस्ता वेसिक फिचर भएका गाडी खोज्नु पर्छ ।

४. आरामदायी यात्राः मानिसले घर र अफिसपछि सर्वाधिक धेरै समय विताउने सवारी साधनमा नै हो । यस्तोमा आफुले किन्ने कार आरामदायी र आकर्षक हुनु पर्छ भन्ने मान्यता विश्वभर रहेको पाइन्छ ।

एड्जस्टेवल स्टेरिङ, सिट लगायतका बेसिक फिचर भएका गाडी छनोट गर्नु पर्छ । सिटको क्वालिटी, इन्फोटेन्टमेन्ट सिस्टम, पावर वीन्डो जस्ता सामान्य फिचर नभएको गाडी किन्दा पछि आफैँलाई कठिन हुन सक्छ । त्यसैले यी विषयमा ध्यान दिएर गाडी किन्ने हो भने तपाईले गरेको छनोट सहि हुने छ ।

हिरोले ल्यायो दशैं अफर, यस्तो छ मोटरसाइकल र स्कुटरमा छुट

अटोोबाइल


काठमाडौं । हिरो मोटरसाइकलको नेपालका लागि आधिकारिक एनजीएम हिरोले दशैं अफर सार्वजनिक गरेको छ । कम्पनीले ल्याएको अफरमा नगद छुट तथा बम्पर उपहार जित्न सक्ने जनाइएको छ ।

चाडपर्वलाई लक्षित गरेर विभिन्न कम्पनीले अफरहरु सार्वजनिक गर्दै आएका छन् । यस्तोमा हिरोले ल्याएको अफरमा ग्राहकले नगद छुट ५ हजार रुपैयाँ प्राप्त गर्ने छन् । यसका अलावा स्क्रायचकाड मार्फत नगद १ हजारदेखि १ लाखसम्म जित्ने मौका रहेको कम्पनीले जनाएको छ ।

यस्तै यो योजना अवधिभर दुई जना लक्की ड्र मार्फत छानिने बिजेताले १÷१ लाख रुपैयाँ नगद जित्न सक्ने छन् ।

हिरोले हाल ५ मोडलका स्कुटर तथा १० मोडलका मोटरसाइकल बिक्री गर्दै आएको छ । पछिल्लो समय नेपाली बजारमा हिरो एक्सपल्स २०० ले राम्रो व्यापार गरिरहेको छ ।

यस्तै कम्पनीले केही दिन अघिमात्र सुपर स्प्लेन्डर १२५ आइबीएस नेपालमा सार्वजनिक गरेर बिक्री गर्दै आएको छ ।

काठमाडौं आइपुग्यो टोयोटा ‘कोरोला क्रस’, ५ दिनपछि बिक्री सुरु हुने

अटोोबाइल


काठमाडौं । टोयोटाले नयाँ एसयूभी अक्टोबर १ तारिख अर्थात् असोज १५ गते बिहिबारबाट नेपालमा बिक्री सुरु गर्ने भएको छ । कम्पनीले ५ दिनपछि ‘कोरोला क्रस’ एसयूभीको बिक्री सुरु गर्न लागेको हो ।

यूनाईटेड ट्रेडर्स सिन्डिकेट प्रालिले नयाँ एसयूभी कोरोला क्रस चाडपर्वको अवशर पारेर नेपाली बजारमा बिक्री सुरु गर्न लागेको हो । आज शुक्रबार नै कोरोला क्रस काठमाडौं आइपुगेको हो । पछिल्ला दिनमा विश्व बजारमा कोरोला क्रसले निकै राम्रो सफलता पाइरहेको छ ।

कम्पनीले यसअघि नै बुकिङ लिइरहेको कोरोला क्रसको सुरुवाति भेरियन्टको मूल्य १ करोड १२ लाख र टप भेरियन्टको मूल्य १ करोड ३३ लाख रुपैयाँ तोकिएको छ । कोरोला क्रस दुई भेरियन्टमा नेपाल आएको हो ।

कोरोला सेडानको प्ल्याटफर्ममा तयार भएको यो क्रसओभरलाई टोयोटाले आफ्नो चर्चित प्ल्याटफर्म टिएनजीएमा तयार गरेको हो । टोयोटा क्रसको लम्बाई ४४६० एमएम रहेको छ भने, चौडाई १८२५ एमएम र उचाई १६२० एमएम रहेको छ । यो टोयोटा र्‍याभ फोरभन्दा थोरै छोटो रहेको छ ।

यसको क्याविन निकै आकर्षक रहेको छ भने र्‍याभ फोरको जस्तै आकर्षक इन्टेरियर, ड्यास बोर्डमा ठूलो इन्फोटेन्टमेन्ट सिस्टमसहितको उत्कृष्ट इन्टेरियरले जो कोहीलाई लोभ्याउँछ ।

सार्प हेडल्याम्प, एलइडी डेटाइम रनिङ लाइट, व्ल्याक ग्रिल र बम्पर, साइड स्कृट र ह्वील आर्कले गाडीलाई निकै स्पोर्टी देखाएको छ ।

कम्पनीले अन्तर्राष्ट्रि बजारमा यसलाई हाइब्रिड इन्जिनमा बिक्री गर्दै आएको छ । तर, नेपाल ल्याइएको कोरोला क्रसमा कुन इन्जिन दिइएको छ भन्ने विषय कम्पनीले खुलाएको छैन ।

अन्तर्राष्ट्रिय बजारमा पेट्रोल हाइब्रिड इन्जिनमा यो मोडल उपलब्ध रहेको छ । यसमा रहेको १.८ लिटर २ जेड एफबीई इन्जिनले १४० हर्सपावर र १७५ एनएम टर्क प्रदान गर्छ ।

साथै, यसमा रहेको हाइब्रिड इन्जिनले ९८ हर्सपावर प्रदान गर्छ । हाइब्रिड इन्जिनमा ईसिभिटी गियरबक्स उपलब्ध रहेको छ ।

टाटाका कारमा ४ लाखसम्म नगद छुट

अटोोबाइल


काठमाडौं । नेपालका लागि टाटा मोटर्सको अधिकारिक वितरक सिप्रदी ट्रेडिङ्ग प्रालिले दशैं अफर सार्वजनिक गरेको छ । कम्पनीले ग्राहकलाई नगद छुटदेखि अन्य विभिन्न अफर गरेको हो ।

कम्पनीले ल्याएको ‘टाटा मोटर्स दशैं अफर’ योजना अन्तर्गत टाटा प्यासेन्जर गाडीहरुको खरिदमा ४ लाखसम्म नगद छुट, निःशुल्क एक वर्षको सवारी कर, प्रत्येक गाडीको मुल्याङ्कनमा सरप्राइज गिफ्ट, प्रत्येक टेस्ट ड्राइभमा आकर्षक उपहार र जुनसुकै गाडीको एक्सचेन्जमा ५० हजारसम्मको एक्सचेन्ज बोनस प्राप्त गर्न सकिनेछ ।

दशैंको अवशरमा ग्राहक महानुभावहरुले टाटा मोटर्सको जुनसुकै सोरुममा गएर नयाँ तथा अत्याधुनिक डिजाइनका उत्पादनहरु टाटा एच फाईभ, नेक्सन, टियागो, टिगोर र अल्ट्रोज लगायतका गाडीहरु खरिद गर्न सक्ने छन् ।

पहिरोले बस भिरबाट खस्दा एकको मृत्यु

अटोोबाइल


नवलपरासी (बर्दघाट सुस्तापूर्व), असोज ९ । नवलपुरको दाउन्नेमा पहिरोले बस भिरबाट खसाल्दा एकको मृत्यु भएको छ भने छ जना घाइते भएका छन् । जिल्लाको विनयी त्रिवेणी गाउँपालिका–२ दाउन्नेस्थित विश्वकर्मा मन्दिर नजिक सडकमाथिबाट खसेको पहिरोको कारण बस भिरबाट खस्दा बसमा सवार रुकुमपश्चिम आठबीसकोट गाउँपालिका–१० बस्ने २५ वर्षीय हरिषचन्द्र केसीको मृत्यु भएको हो ।

बस भिरबाट खस्दा गम्भीर घाइते भएका केसीको गए राति उपचारका क्रममा पुरानो मेडिकल कलेज भरतपुरमा मृत्यु भएको जिल्ला प्रहरी कार्यालय नवलपुरका प्रहरी नायब उपरीक्षक मोहनबहादुर खाँणले बताए।

बिहीबार साँझ पूर्वबाट पश्चिमतर्फ गइरहेको ना५ख ७९४० नंको बस माथिबाट खसेको पहिरोका कारण सडकबाट करिब ३० फिट तल खसेको थियो । पहिरोेका कारण बस खस्दा अन्य छ जना घाइते भएका छन् । घाइते सबैको पुरानो मेडिकल कलेज भरपुरमा उपचार भइरहेको छ । बसमा १८ जना सवार थिए ।

यसैबीच दाउन्नेको यस खण्डमा बिहीबार बिहान ७ बजेबाट पहिरो खसी राजमार्ग बन्द भएकामा अझै पूर्णरूपमा सञ्चालन हुनसकेको छैन । गए राति पहिरो पन्छाएर सामान्यरूपमा यातायात सञ्चालन भएकामा पुनः सोही स्थानमा आज बिहान ३ बजेको समयमा पहिरो खसेपछि अहिले राजमार्ग एकतर्फीरूपमा सञ्चालनमा रहेको प्रहरी नायब उपरीक्षक खाँणले बताए । रासस

दशैंमा फोर्ड फिगो किन्नेलाई आकर्षक नगद छुट, २० प्रतिशत डाउन पेमेन्टमा पनि किन्न सकिने

अटोोबाइल


काठमाडौं । फोर्डले दशैं तिहार लक्षित अफर सार्वजनिक गरिसकेको छ । कम्पनीले सार्वजनिक गरेको आफरमा ग्राहकले निकै राम्रो छुट प्राप्त गर्ने देखिएको छ । फोर्डको आधिकारीक वितरक जिओ फोर्डले बिक्री गर्दै आएको फोर्ड फिगो एउटा मात्रै भेरियन्टमा उपलब्ध रहेको छ । फिगोको टाइटानियम भेरियन्ट मात्र नेपालमा बिक्री हुँदै आएको छ । कम्पनीले यसको मूल्य पेट्रोल इन्जिनमा ३० लाख ९९ हजार रुपैयाँ रहेको छ भने डिजल इन्जिनमा ३४ लाख ९९ हजार रुपैयाँ रहेको छ । कम्पनीले ल्याएको अफर अनुसार ग्राहकले फिगोको खरिदमा ७५ हजार नगद छुट, एक वर्षको बीमा, एक वर्षको सडक दस्तुर, २५ हजार लोयल्टी बोनस प्राप्त गर्न सक्ने छन् । डाउन पेमेन्ट बापात ५० प्रतिशत रकम बुझाउने ग्राहकले ६ महिनाको इएमआई होलिडे प्राप्त गर्न सक्ने छन् । कम्पनीले दिने इएमआई होलिडे प्लानमा उक्त अवधिभर लाग्ने व्याज कम्पनीले तिरिदिने छ । ग्राहकले ६ महिनापछिबाट आफ्नो नियमित किस्ता तिर्न सुरु गर्नु पर्ने हुन्छ ।

यदि इआएमआई होलिडे ग्राहकले लिन नचाहेका ३ वटा स्क्र्याच कार्ड मार्फत कम्तीमा ७५ हजारदेखि ४ लाख ५० हजारसम्म नगद प्राप्त गर्न सक्ने छन् । कम्पनीले फिगो किन्न ५० प्रतिशत डाउन पेमेन्ट गर्न नसक्ने ग्राहकलाई २० प्रतिशत सुरुमा र बाँकी रकम ४ महिना भित्र तिर्नेगरि पनि गाडी उपलब्ध गराउने स्कीम दिएको छ । समग्रमा फिगो किन्न चाहने ग्राहकले कम्तीमा नगद १ लाख ५० हजार रुपैयाँ छुट प्राप्त गर्न सक्ने छन् । फिगोमा १.२ लिटर टिआई भिसिटी पेट्रोल इन्जिन दिइएको छ उक्त इन्जिनले ९६ पीएस पावर प्रदान गर्छ भने १.५ लिटर टिडीसिआई डिजल इन्जिनले १०० पीएस पावर प्रदान गर्छ । निकै आकर्षक डिजाइनमा तयार भएको फिगोमा ड्यूल टोन रुफ, स्पोर्टी सेलुलर ग्रिल, १५ इन्च अलोय ह्वील, रियरभ्यू क्यामेरा, ६ एयरव्याग, एबीएस, इबीडी, रेन सेन्सिङ वाइपर, ७ इन्चको इन्फोटेन्टमेन्ट सिस्टम, अटोमेटिक हेडल्याम्प, पुस बटम स्टार्ट/स्टप जस्ता फिचर उपलब्ध रहेको छ । कम्पनीले फिगोमा ३ वर्षको निःशुल्क सर्भिसिङ, ३ वर्षको वारेन्टी र एक्सचेन्जको सुविधा पनि उपलब्ध गराएको छ ।

२० लाख ९६ हजारमै हुन्डाई सेन्ट्रो

अटोोबाइल


काठमाडौं । हुन्डाई सेन्ट्रोमा २ लाख नगद छुट दिने योजना कम्पनीले सार्वजनिक गरेको छ । कम्पनीले सेन्ट्रोको २०१९ मोडलमा १ लाख ८० हजार सिधै नगद र २० हजारदेखि १ लाखसम्म स्क्र्याच कार्ड मार्फत छुट दिने योजना ल्याएको हो । तर, २०२० मोडलमा भने १ लाख रुपैयाँ मात्रै छुट हुने छ । लक्ष्मी इन्टरकन्टिनेन्टल प्रालिले ल्याएको दशैं तिहार लक्षित योजनामा उक्त छुट दिने भएको हो । कम्पनीले अहिले सेन्ट्रोको पाँच भेरियन्ट बिक्री वितरण गर्दै आएको छ । जसमा इरा, मग्ना, मग्ना अटोमेटिक, स्पोर्टज् र आस्टा भेरियन्ट छन् । कम्पनीले ल्याएको योजनामा सेन्ट्रोको इन्ट्री लेवल भेरियन्ट किन्न चाहने ग्राहकले २० लाख ९६ हजार रुपैयाँमा नै खरिद गर्न सक्ने छन् । त्यस्तै सेन्ट्रोको अन्य कुनैपनि भेरियन्ट किन्न चाहने ग्राहकले क्रमश २ लाख रुपैयाँले छुट प्राप्त गर्न सक्ने छन् । सेन्ट्रो मग्नाको मूल्य २५ लाख ५६ हजार, मग्ना अटोमेटिकको २८ लाख ९६ हजार, स्पोर्टज्को २७ लाख ५६ हजार, आस्टाको ३० लाख ५६ हजार रुपैयाँ रहेको छ । तर, २०२० मोडल किन्न चाहने ग्राहकले भने इराको २३ लाख ९६ हजार, मग्नाको २६ लाख ५६ हजार, मग्ना अटोमेटिकको २९ लाख ९६ हजार, स्पोर्टज्को २८ लाख ५६ हजार र आस्टाको ३१ लाख ५६ हजार रुपैयाँ तिर्नु पर्ने हुन्छ । सेन्ट्रो २०२० मोडल बीएस ६ इन्जिनमा उपलब्ध हुने भएकाले यसको मूल्य १ लाख रुपैयाँले बढेको कम्पनीले जनाएको छ । साथै, कम्पनीले दिने नगद छुट पनि १ लाख रुपैयाँ मात्रै ग्राहकले पाउने छन् ।

नगद छुटको अलावा कम्पनीले स्वास्थ्य क्षेत्रमा काम गर्ने स्वास्थ्यकर्मीको लागि २५ हजार रुपैयाँ बराबरको सर्भिस भौचर उपलब्ध गराउने छ । उक्त भौचरको प्रयोग २ वर्ष भित्र गरिसक्नु पर्ने कम्पनीले जनाएको छ । एक वर्षको बीमा शुल्क, सडक दस्तुरजस्ता खर्च कम्पनीले व्योर्होने छ भने लक्की ड्र मार्फत बम्पर उपहारमा हुन्डाई ग्राण्ड आई १० नियोस एक थान र अउरा एक थान जित्न सक्ने छन् ।

यस्तो छ हुन्डाई सेन्ट्रो

टल ह्याचब्याक मोडलको रुपमा आएको सेन्ट्रोमा ठूलो स्पेश, शानदार लूक्स, फगल्याम्प्स, एड्जस्टेबल हेड रेस्ट जस्ता विशेषताले सेन्ट्रो नेपाली बजारमा निकै चर्चित बनेको छ । हुन्डाई सेन्ट्रोमा अल न्यू डिजाइन थेम प्रयोग गरिएको छ । यो कार ग्रान्ड आई-१० बाट प्रेरित छ भने, यसमा स्वेप्ट ब्याक हेडल्याम्प, नयाँ सिग्नेचर क्यासकेडीङ ग्रील दिएको छ । सेन्ट्रोमा पनि कम्पनीले आफ्नो पुरानो टल बोय थेमलाई नै निरन्तरता दिएको छ । यसको टप भेरियन्टमा १४ इन्चको अलोय ह्वील दिइएको छ भने, लो भेरियन्टमा १३ इन्च ह्वील दिइएको छ । यसको एक्सटेरियर डिजाइन निकै नै आकर्षक रहेको छ । यस्तै, नयाँ सेन्ट्रोमा सुरक्षाका लागि एबीएस, इबीडी, ड्राइभर-साइड एयरब्याग, इन्जिन इमोबिलाइजर, चाइल्ड सेफ्टी डोर लक जस्ता सेफ्टी फिचर दिइएको छ । सेन्ट्रोमा १.१ लिटर फोर सिलिन्डर पेट्रोल इन्जिन दिइएको छ । जसले ६९ पीएस पावर र ९९ एनएम टर्क जेनेरेट गर्छ । यसमा ५ स्पीड म्यानुअल र एएमटी गियरबक्स दिइएको छ ।