entertainment
|| Rajyadainik ||

आजको समाचार

ज्योती प्रकाशको संगीत र शान्तिप्रियको निर्देशनमा बोल देउता बोल भन्दै माधव खरेल

मनोरञ्जन


काठमाण्डौ – सामाजिक सचेतनाको बुलन्द आवाज बोकेको सन्देशमुलक गीत ”बोल देउता बोल” सार्वजनिक भएको छ । प्राज्ञ ज्योती प्रकाशको स्वर तथा संगीत रहेको उक्त गीतलाई चन्द्र भट्टचनले लेखेका हुन् । 
समाजमा उतल्लो र उपल्लो समुदाय वा जात भनेर गरिने विभेद विरुद्ध आवाज बुलंद गरिएको गीतमा विषेशत एउटा मुर्तिकारले बनाएको मुर्ति मन्दिरमा स्थापना गरे पछि स्वयं मुर्तिकारलेनै त्यसलाई छुन वा पुजा गर्न नपाएपछिको पिडालाई सम्बोधन गरिएको छ ।
सामाजिक विकृति विरुद्ध आवाज उठान गर्ने उक्त गीतलाई बरिष्ठ संचारकर्मी एवं गीतकार शान्तिप्रियले निर्देशन गरेका छन् भने  भिडियोमा चलचित्र निर्देशक माधव राज खरेलको अभिनय देख्न सकिन्छ । हुन त यस अधि खरेलले थुप्रै चलचित्रहरुमा फरक फरक भुमिकामा आफ्नो अभिनय क्षमता देखाई सकेका छन् । भिडियोमा खरेलका अलावा चर्चित गीतकार लोकराज अधिकारी, गीतकार एवं संचारकर्मी सुमन बैरागी, संचारकर्मी राजन थापालाई पनि देख्न सकिन्छ ।
 गोविन्द अन्जानको छायांकन रहेको उक्त गीतलाई विकास धमलाले सम्पादन गरेका हुन् । राजु कार्कीको संगीत संयोजन रहेको उक्त गीतको रेर्डिङ स्टुडियो सुर संगीत रहेको छ । सामाजिक सचेतनाको लागी तैयार पारिएको गीत र भिडियोलाई दर्शक स्रोताहरुले मन पराउनेमा आफुहरु आशावादी रहेको यसका निर्देशक शान्तिप्रिय र संगीतकार एवं गायक ज्योती प्रकाशले बताएका छन् । भिडियोलाई ज्योती प्रकाश अफिसियल युटुव च्यानल मार्फत सार्वजनिक गरिएको छ ।

'मिस टिन २०२१ प्रदेश १' को बिजेता बनिन् साम्राज्ञी शर्मा

मनोरञ्जन


काठमाडौँ — वैशाख ३, २०७८। 

ड्रिम्स वल्ड इन्टरटेन्टमेन्टको आयोजनामा सम्पन्न 'मिस टिन २०२१ प्रदेश १' को शिर्ष ताज हल्दिवारीकी साम्राज्ञी शर्माले पहिरिएकी छिन् । 

मंगलवार विर्तामोडमा सम्पन्न भएको ग्राण्ड फिनालेमा शर्माले उपाधि सहित नगद रु ५० हजार सहित अध्ययनका लागि छात्रबृत्ति समेत हात पर्न सफल भएकी छिन्। 

त्यसैगरी, प्रतियोगिताको फस्ट रनरअप दमककी सुरक्षा कार्की र सेकेण्ड रनरअप मोरङकी आशिका बजगाई बनेकी छन् । उनीहरुले क्रमशः नगद रु २० हजार र रु १५ हजारसँगै ट्रफि अध्ययन छात्रवृत्ती प्राप्त गरेको आयोजक संस्था ड्रिम्स वल्ड इन्टरटेन्टमेन्टका म्यानेजिङ डाइरेक्टर प्रनित पुडासैनीले जनाए्का छन ।

उक्त सौन्दर्य प्रतियोगितामा प्रदेश नं १ का कुल २१ जना प्रतिस्पर्धीहरुले आफ्नो सहभागीता जनाएका थिए ।

महानायक राजेश हमाल अभिनित ‘मेरो देश’ बोलको गित सार्वजनिक

मनोरञ्जन


बैशाख २, काठमाडौं टि.आर पंगेलीको शब्द एवम् नरहरी प्रेमीको संगितमा गायक रामकृष्ण ढकालको स्वरमा रहेको देशभक्ति गीत ‘मेरो देश’ सार्वजनिक भएको छ । म्युजिक नेपालको युटुब च्यानल मार्फत सार्वजनिक भएको गीतको भिडियोलाई राज कुमारको निर्देशन एवम् राजकुमार दर्जीले कोरियोग्राफी गरेका हुन्।

राष्ट्रभक्तिको सद्भाव जगाउने यस गितमा महानायक राजेश हमालको मुख्य भुमिका रहेको रहेको छ भने गितमा नरहरी प्रेमी,नेपाली सेनाका क्यापटन डि.यन श्रेष्ठ विशेष भुमिकामा देखिनुको साथै बसन्तराज रिजाल,नवराज पौडेल,निना बुढाथोकी,जगदीश अधिकारी,लायल लम्साल,आदर्श बानियाँ लगाएत कलाकारको अभिनय संगै नेपाली सेनाहरु लाई पनि देख्न सकिन्छ। यसै गित मार्फत बाल कलाकार लायल लम्साल डेबियु गरेका छन्।

सार्वजनिक गितको भिडियोलाई अजय रेग्मीले छायांकन एवम् राज कुमारले सम्पादन गरेका छन् । गीतमा कमल सौरागको एरेन्ज रहेको छ भने उक्त गीतलाई सन्तोष पौडेलले रेर्कडिङ तथा मिक्सीङ गरेका छन् भने भिडियोको निर्माण संयोजक समिर नेपालले गरेका हुन्।

‘फेस अफ स्मार्ट किड्स २०२१’ को उपाधी आश्रुत्य र परिधीको हातमा

मनोरञ्जन


काठमाडौं — चैत्र ३१, २०७७। 

राजधानीमा सम्पन्न फेस अफ स्मार्ट किड्स २०२१ को उपाधी आश्रुत्य घिमिरे र परिधी पाण्डेले हात पार्न सफल भएका छन । आईतवार सम्पन्न उक्त प्रतियोगितामा घिमिरेले मुख्य उपाधी सहित मल्टिमिडिया च्वाईस तथा पाण्डेले मुख्य उपाधी सहित भ्यूवर्स च्वाइस,मल्टिमिडिया, बेष्ट ड्रेस, मिस टैलेन्ट, मस्ट ईन्टलिजेन्टको सब टाईटल समेत हात पार्न सफल भए । त्यसै गरि गल्र्स तर्फ भने क्रिष्टल रुम्वाले फस्ट रनर अप सहित मस्ट ईन्नोसेन्ट र मस्ट क्यूट , अनिषा भट्ले मस्ट ईन्टलिजेन्ट र बेष्ट फोटोजेनीक तथा मेरिका राईले बेष्ट वाकको सबटाईटल हात पारेका थिए ।

धिरज तण्डुकार, कला सुब्बा,राधा ढकाल र यम बरालको निर्णायक मण्डल रहेको प्रतियोगिता मा ब्वाइज तर्फ भने स्वराज सापकोटाले फस्ट रनर अप सहित भ्यूवर्स च्वाईस र आरनेश सिखंडाले बेष्ट फोटोजेनिक तथा बेष्ट ड्रेस हात पारेका थिए ।

युथ क्रियसन नेपालको आयोजनामा आयोजित उक्त प्रतियोगीतमा फेशन शो समेत राखिएको थियो । नेपालका चर्चित मोडलहरु दिपक घिमिरे, मेघना मगर, सोनु गिरी लगायतको र्याम्प शो रहेको कार्यक्रमका मुख्य अतिथी वरिष्ठ कलाकार उत्तम केसी रहेका थिए । ड्रेस डिजाईनर चन्दु बलामीको मुन फेशन कलेक्सन,फेशन स्टेशन,एनआईएफले तयार पारेका आकर्षक ड्रेसमा सजिएका मोडलहरुको प्रस्तुतीले कार्यक्रमको रौनकता थपिएको जानकारी आयोजक युथ क्रियसका प्रमुख रबि लामा तामाङ्गले जानकारी दिए ।
नव बर्ष २०७८ को अवसरमा आयोजित उक्त कार्यक्रममा बुढानिलकण्ठमा अवस्थित असहाय बाल केन्द्रमा आश्रित बालवालिकाहरुले नृत्य प्रस्तुत गरेको जानकारी समाजसेवामा समेत सक्रिय रहेका आयोजक तामाङ्गले बताए । कार्यक्रमको संचालन रोजिन शाक्यले गरेका थिए ।

डीआर उपाध्यायको सामाजिक विभेद विरुद्धको गीत ‘हेला नगर’

मनोरञ्जन


विश्व कीर्तिमानी गीतकार डा. डीआर उपाध्यायले सामाजिक विभेद विरुद्धको गीत हेला नगर को लिरिकल भिडिओ सार्वजनिक गरेका छन् l भिडिओ गीतकार उपाध्यायको आधिकारिक युट्युब च्यानल DR Music & Creations बाट २ घण्टा अघि मात्र रिलिज भएको हो l सन्तोष श्रेष्ठको सङ्गीत र अग्रज गायिका ज्ञानु राणाको स्वर रहेको यस गीतमा देवेन्द्र नेवाको सङ्गीत संयोजन रहेको छ l

सङ्गीतका भिन्न भिन्न ३२ विधामा वर्ल्ड रेकर्ड राख्न सफल डा. उपाध्यायका गीत सबै वर्ग, पेशा र समुदायका लागि रहेका छन् । यसअघि प्रकाशित उनका २३ एल्बममा मायाप्रेम, रोमान्स विछोड मात्र नभएर समाजका लागि लेखिएका गीत पनि रहेका छन् । उनका चाड पर्वका गीतदेखि लिएर छोरी विदाई गर्दाका गीत, पर्यटन गीत, स्वास्थ्य तथा योग सम्बन्धी गीत, महिला प्रताडना सम्बन्धी गीत, मजदुर, किसान र भरिया सम्बन्धी गीत लगायत बिभिन्न परिवेशका गीत रहेका छन् । त्यस्तै उनका मेजर स्केलका गीत, माइनर स्केलका गीतका साथै सेभन्थ कड्सका गीतहरु समेत रहेका छन् ।

'मिस कर्पोरेट नेपाल, २०२१' आयोजना हुँदै

मनोरञ्जन


काठमाडौँ — चैत्र २५, २०७७। 

नेपालमा पहिलोपल्ट कर्पोरेट संस्थामा काम गर्ने महिलाहरुका लागि लक्षित गरी सौन्दर्य प्रतियोगिताको आयोजना हुने भएको छ। 

मिस कर्पोरेट नेपाल नाम दिइएको सौन्दर्य प्रतियोगितामा नेपालभरका कर्पोरेट संस्थामा काम गर्ने १८ बर्षदेखि २८ वर्षसम्मका महिलाले सहभागिता जनाउन पाउने आयोजक तथा अनुजा मिडियाकी संस्थापक अनुजा आचार्यले जानकारी दिइन्। त्यस्तै भर्खरै स्नातक सकेका महिलाले पनि प्रतियोगितामा सहभागिता जनाउन सक्नेछन्।

असारको १० गते फिनाले हुने बताइएको सौन्दर्य प्रतियोगिताका सहभागीले आकर्षक पुरस्कारसँगै कर्पोरेट क्षेत्रमा काम गर्न पाउने आयोजकले जनाएको छ। 

कार्यक्रममा उच्च अदालतका न्यायाधीश नवराज थपलियाले कर्पोरेट क्षेत्रमा महिला नेतृत्व कम भएको बताए। उनले सबैभन्दा धेरै महिलाले काम गर्ने भनिएको बैंकमा समेत उच्च ओहोदामा महिला पुग्न नसकेको उल्लेख गरे। 

यस्ता सौन्दर्य प्रतियोगिताले कर्पोरेट क्षेत्रमा महिलालाई पनि उच्च ओहोदामा पुर्याउन मद्दत गर्नेमा थपलियाले विश्वास व्यक्त गरे। यता, नविल बैंकका अध्यक्ष उपेन्द्र पौडेलले भने ४० प्रतिशत महिला बैंकमा काम गर्ने बताउँदै कर्पोरेट क्षेत्रमा लैंङ्गिक समानता रहेको बताए। 

कर्पोरेट क्षेत्रको सबैभन्दा धेरै महिला कामदार भएको क्षेत्र नै बैंक हो। नविल बैंकले महिला सशक्तिकरणसँगै मिटू लगायतका बिषयमा समेत छलफल गर्ने गरेका छाैं, ' उनले भने।  अब हुन लागेको मिस कर्पोरेट नेपालले यसलाई अझै महत्वपूर्ण रुपमा अगाडी लैजाने उनको भनाइ छ।

एक कार्यक्रमको आयोजना गर्दै अनुजा मिडियाले आज कुनै पनि पेशामा आबद्द भएका महिलाले आफ्नो कार्यक्षेत्र एवम् सौन्दर्यसंगै अन्य केहि फरक गतिविधिबाट आफ्नो प्रतिभा प्रदर्शन गर्दै देश तथा युवावर्गलाई सशक्त एवम् प्रेरित गर्न सक्षम होस् भन्ने उद्देश्यले यस प्रतियोगिताको आयोजना गर्न लागिएको जानकारी दिएको हो । यस प्रतियोगिताले कर्पोरेट संस्थामा काम गर्ने महिलाहरुका लिडरसिपको समेत विकास हुने आयोजकको विश्वास रहेको छ ।

कार्यक्रममा बोल्दै मिडियाकी अध्यक्ष अनुजा आचार्यले उक्त प्रतियोगिताले कुनै न कुनै पेशामा आबद्व भएका महिलाभित्र लुकेको क्षमता प्रस्फुटन गर्नमा मद्दत गर्ने बताइन् । उनले सौन्दर्य प्रतियोगिता ग्ल्यामर तथा फोटोसुट मात्र नभई आफ्नो भित्री प्रतिभा प्रस्फूटन गर्ने माध्यम समेत रहेको भाव व्यक्त गरेकी छिन् । 

कार्यक्रममा गायक निर्णय श्रेष्ठ, ब्यबसायीहरु रजत श्रेष्ठ, मोहन ओझा, सन्जीव थापा, बिष्णु बहादुर कार्की लगायतका ब्यक्तित्वहरुको उपस्थतिथी थियो । 

आगामी वैशाख २० र २१ अडिसन राउण्डबाट शुरु हुने उक्त प्रतियोगिताबाट असार १० विजयी चुनिनेछन् । प्रतियोगिताको लागि इच्छुक एवम् योग्य १८ वर्षदेखि २८ वर्षसम्मका महिला समूहले  मिस कर्पारेट नेपाल’ को वेबसाइटमा गएर आफ्नो नाम दर्ता गर्न सक्नेछन् ।

‘फेस अफ टिन,२०२१’ को शिर्ष उपाधि पूर्णिका र सबलको हातमा

मनोरञ्जन


काठमाडौँ — चैत्र २४, २०७७। 

राजधानीको जमलस्थित राष्ट्रिय नाचघरमा सम्पन्न ‘फेस अफ टिन,२०२१’ को उपाधि पूर्णिका सिजापति र सबल नकर्मीले जितेका छन् । 

सिल्भरस्टार ईन्टरटेनमेन्टको आयोजनामा सम्पन्न प्रतियोगितामा उपाधिसँगै विजेताले फ्लाईटेक ईन्टरनेशनलबाट एयरहोस्टेस स्टडीमा छात्रवृत्ती, एवरेस्ट फिल्म एकेडेमीमा रु १ लाख बराबरको छात्रवृत्ती प्राप्त गर्नुको साथै विभिन्न आकर्षक गिफ्ट ह्याम्पर हात पार्न सफल रहे ।  पूर्णिकाले उपाधी संगै मस्ट ब्युटिफुल र बेस्ट पर्सनालिटी विधाको अवार्ड र सबलले मस्ट ट्यालेन्टेड विधाको अवार्ड समेत आफ्नो हातमा पार्न सफल भए। 

सनिश शाक्यको कोरियोग्राफीमा सम्पन्न प्रतियोगितामा दीपिका पराजुली र साईस राज शाक्य ‘फस्ट रनर अप’ तथा अन्जली शाह र लायन जोशी सेकेण्ड रनर अप घोषित भए। साथै सिम्रिक श्रेष्ठ र साईस राज शाक्य मस्ट पपुलर घोषित हुँदा एन्जल श्रेष्ठ र सुजन थापा पब्लिक चोईस अवार्ड वीनर हुन सफल भए।

विधागततर्फ भने मस्ट ईन्टलेक्चुअल प्रकृती कार्की, मस्ट ट्यालेन्टेड / मस्ट ग्ल्यामरस दिपिशा तामाङ, मस्ट फोटोजेनीक आयुषा के सी, मिस रनवे मोडल लिया आले मगर, मस्ट डिसिपिलिन्ड सलिना बस्नेत, मिस पब्लिक चोईस / मिस बेस्ट स्माईल एन्जल श्रेष्ठ, मिस फेशन आईकन / मिस फ्रेन्डशीप मन्दिरा लामा, मिस मल्टिमिडिया सिम्रीक श्रेष्ठ, मिस फोटो कन्टेस्ट वीनर बिनिशा बलामी, बेस्ट ड्रेस रबिना लामा, मस्ट कृयटिभ प्रनिता मोते, मस्ट कन्फिडेन्ट बिपना मगर, बेस्ट फिगर अन्जली शाह, मिस डाईनामिक सबिता सिवाकोटी, मस्ट पङ्चुअल करुणा रसाईली, मिस बेस्ट मोडल / बेस्ट पर्फमर दिपिका पराजुली, मस्ट इनर्जेटिक निर्जु साह, मिस एलिजेन्स सफलता डंगोल र, मिस फेवुलस बिपना मगर घोषित भए। 

त्यसैगरी विधागत पुरुषतर्फ भने बेस्ट पर्सनालिटी सुजन थापा, मस्ट फोटोजेनिक प्रज्वल बिके, मिस्टर रनवे मोडल साईस राज शाक्य, मस्ट डिसिपिलिन्ड बिबेक तामाङ, मिस्टर फ्रेन्डशीप खिर्जन कुशवाहा, बेस्ट फिजिक लायन जोशी र मिस्टर मल्टिमिडिया सुजन थापा घोषित भए। 

रुविश्का श्रेष्ठले सञ्चालन गरेको प्रतियोगिताको निर्णायक मण्डलमा अनुप सक्सेना, महेश केसी, दिपक घिमिरे, आस्था शाखा, निलम पौडेल र रोजिका पोखरेल रहेका थिए। 

प्रशिक्षणको क्रममा प्रतिस्पर्धीहरुलाई नृत्य, गायन, शारीरिक फिटनेश ,फोटो सेसन, व्यक्तित्व विकास,  र स्टेज पर्फमेन्स क्याटवाक सम्वन्धी बिभिन्न विषयमा प्रशिक्षण प्रदान गरिएको थियो। टीन एजर युवा युवतीहरुको व्यक्तित्व विकास, आत्मविश्वास अभिवृद्धि, क्षमता उजागर लगायत नेतृत्वदायी क्षमता अभिवृद्दि गरी समाजमा सकारात्मक संदेश फैलाउने उद्देश्यले प्रतियोगिताको आयोजना गरिएको आयोजक तथा कोरियोग्राफर सनिश शाक्यले बताए ।
 

गायक सपन श्रेष्ठ तथा गायिका स्मिता दाहालको नयाँ गीत हाम्रो माया ट्रेन्डिङ्ग नं.१ सार्वजनिक (भिडियो)

मनोरञ्जन


गायक सपन श्रेष्ठ तथा गायिका स्मिता दाहालको नयाँ गीत हाम्रो माया ट्रेन्डिङ्ग नं.१ सार्वजनिक गरिएको छ । मुनाल शिशिर कोईरालाको शव्द रहेको गीतमा दीपक शर्माको सङ्गीत तथा कुशल सिंहको एरेन्ज रहेको छ । बोलायो बोलाये पोखरेली मायाले,तिमी यसै लजायौ,लै बरी लै, बोली मिठो लगायत दर्जनौ चर्चित गीतका गायक सपन भन्छन, ‘गीत अनुसार भिडियो निर्माणमा न्याय गर्ने कोसिश गरेका छौं’ उनले भने ।

मुनाल शिशिर कोईरालाकै निर्देशन रहेको गीतको भिडियोमा चर्चित गायक सपन सँगै चर्चित मोडल पल शाह,गायक तथा मोडल दुर्गेश थापा,सासङ्ग एमटिको साथमा पूण्य गौतमको समेत अभिनय रहेको छ । गीतमा अहिले चलेको युट्युब ट्रेन्डलाई मायासंग जोडिएर मायालाई ट्रेन्डिङ्ग सरह अमूल्य छ भन्ने भावलाई भिडियो र अडियो मार्फत प्रस्तुत गर्ने कोसिस गरिएको छ । भिडियोमा अर्जुन तिवारी तथा टिम एमबिए फिल्म्सको छायाँकन, शिलन लम्सालको कलर र सम्पादन, मुनाल शिशिर कोईरालाकै भिडियो कन्सेप्ट रहेको छ ।

चलचित्र आधितुफान-२ मा नायक संजित भण्डारी

मनोरञ्जन


काठमाडौँ — चैत्र २३, २०७७। 

चर्चित लेखक तथा फिल्म निर्माता मौनता श्रेष्ठले निर्माण गर्ने तथा ओमसाइभक्त भुमीको ब्यानरमा निर्माण हुने चलचित्र आधितुफान २ मा नायक संजित भण्डारी पनि प्रबेस गरेका छन् । 

मदन घिमिरेको निर्देशनमा बन्ने थ्रिलर र संस्पेन्स बिषय रहने यस चलचित्रको कास्ट एंड क्रू पुरा भएको छ र वर्कसपको समापनका पश्चात छांयाकनमा जानेछ ।यस चलचित्रमा नायक सन्जित भण्डारीले स्टालिस लवर वायको भुमिकामा देखिनेछन् भने उनि भारतको विश्व प्रसिद्ध फिल्म एड टेलिभिजन सस्थान पुने बाट फिल्म सम्बन्धी अध्ययन गरि फर्केका कलाकार हुन ।चलचित्रमा उनिलाइ सुहाउने भएकाले धेरै चरणको छनौट पश्चात उनलाई लिएको निर्माण पक्षले बताउछ । कथा अनुसार आफुलाई सुहाउदो उपयुक्त पात्र देखिएकोले आफु सो चलचित्रका लागी काम गर्न लागेको नायक भण्डारीले बताए ।

केहि हप्ता अगाडि पत्रकार सम्मेलन गरेर अन्य कलाकारको जानकारि दिएको निर्माण टिमले यस चलचित्रमा भारतीय जगतका चर्चित खलनायक कनिज कोइराला का साथ मा आरति आर्याल,याङ्सु,श्रेष्ठ,मुकून्द थापा,धुव्र कोइराला,संजय खतिवडा,पुस्कर राउत ,भोला अधिकारि,सिवन लामा,राजाराम गौतम,गोकुल सुबेदि,पुनम गौतम,सान अधिकारी,सोनी बि.सी ,जोया बुढाथोकी,रुपा के.सि,सरोज दाहल बिन्द्धीया शाहि ,रमेस तमाङ्ग बाल कलाकार अरुण कलिजराजको अभिनय रहनेछ । 

२०६३ सालमा सर्वाधिक सफल चलचित्र आधि तुफान “को सिक्वेलको रुपमा बन्ने नारी प्रधान,नारी एक्सनले भरिपुर्ण चलचित्र हुनेछ । रामशरण उप्रेतीको छायांकन,प्रेम चुल्ठेको द्धन्द ,सुरेस अधिकारिको संगित रहनेछ ।

“मिस एयर होस्टेज २०२१” को लागि आवेदन फारम खुल्ला

मनोरञ्जन


काठमाडौँ — चैत्र २३, २०७७। 

विगत ११ वर्ष देखि निरन्तररुपमा विभिन्न सौन्दर्य प्रतियोगीताहरुको आयोजना गर्दै आएको सिजन मिडियाले “मिस एयर होस्टेज २०२१” पाचौं संस्करणको लागि आवेदन फारम खुल्ला गरिएको जानकारी दिएको छ । 

उपत्यका लगायत मोफसलका विभिन्न एयरहोस्टेज तालिम केन्द्रमा तालिम लिइरहेका साथै विभिन्न समयमा एयरहोस्टेज सम्वन्धी तालिम  लिएर वसेका अथवा विमान परिचारिका वन्ने लक्ष्य लिएकाहरुले यस प्रतियोगीतामा सहभागी हुन सक्नेछन ।


 
उक्त कार्यक्तममा सहभागीताको लागि १२ कक्षा पास भएका १६ वर्ष देखि २४ वर्ष सम्म उमेर समूह साथै ५ फिट २ इन्च उचाई भएका  छात्राहरुले  “मिस एयर होस्टेज २०२१” मा सहभागी हुन पाउने सिजन मिडियाका प्रवन्ध निर्देशक प्रदीपराज वन्तले वताउनु भयो । 
विमान परिचारीका वन्न चाहाने युवतीहरुको लागि विशेष फोकस गरी उनीहरुको शैक्षिक विकास , व्यक्तित्व विकास, आत्मविश्वास अभिवृद्धि, रोजगारीको लागि अवसर साथै उनीहरुको आन्तरीक क्षमता उजागर लगायत नेतृत्वदायी क्षमताको विकास गराई  एक कुसल विमान परिचारिका तथा शिक्षित व्यक्तिको रुपमा अगाडि आउन सहयोग गर्ने हेतुले यो कार्यक्रम गरिएको हो ।  


    
विगत केहि वर्षको अन्र्तराल पछि फेरी पनि यस प्रतियोगीतालाई निरन्तरता दिने हेतुले योे पाचौं चरणको लागि आवेदन फारम खुल्ला गरिएको हो उक्त प्रतियोगीतनत्मक कार्यक्रममा २५ जना प्रतियोगीहरुलाई  सहभागी गराइने छ । 

उक्त कार्यक्रमको लागि सहभागीताको लागि वैसाख द्रोस्रो साता सम्म आवेदन फारम सिजन मिडियाको कार्यालय कमलादीमा भर्न सकिनेछ । उत्त प्रतियोगीताको अन्तिम प्रतिष्प्रधा जेष्ठको पहिलो साता राजधानीमा सम्पर्न हुनेछ । प्रतियोगिताका विजेताले “मिस एयर होस्टेज २०२१” कोे ताज उपाधि सहित विमान परिचारीका वन्ने अवसर साथै मोवाइल फोन,ट्याव साथै ३ जना विजेतालाई पोखरा भ्रमणको लागि हवाई टिकट प्रदान गरिनेछ भने उच्च शिक्षाको लागि विभिन्न देशको लागि छात्रावृत्ति पाउने छिन भने अन्य गिफ्टहयाम्पर पाउने छन यस बाहेक अन्य विभिन्न १५ विधामा पनि विजेता छनौट गरिनेछ । 

आयोजक
सिजन मिडिया
प्रदिपराज वन्त(अध्यक्ष)
सम्पर्कः–४२३८४०१,
९८५१०४४८३५,९८०१३४४८३५