निर्मला हत्याकाण्डको १० महिना पुग्दासमेत अझै दोषी पत्ता लागेनन्, आन्दोलन फितलो

0
42
nirmala panta case

कञ्चनपुर — जेष्ठ १० ।

कञ्चनपुरकी १३ वर्षीया बालिका निर्मला पन्तको हत्या भएको १० महिना पुगेको छ ।

गत साउन १० गते हराएकी उनको ११ गते बलात्कारपछि हत्या गरिएको अवस्थामा शव फेला परेको थियो ।

घटना भएको १० महिना वितिसक्दा पनि अपराधी पत्ता लाग्न सकेको छैन ।

१३ वर्षीया बालिका निर्मला पन्तको बलात्कारपछि हत्या भएको १० महिना पुग्दासमेत अपराधी पत्ता लाग्न सकेको छैन । योसँगै निर्मला हत्याकाण्ड विस्तारै सेलाउँदै गएको छ ।

सिआइबीसहित आधा दर्जन बढी प्रहरी टोलीले अनुसन्धान थाले पनि १० महिनासम्म घटनामा संलग्न व्यक्ति पहिचान हुन सकेको छैन ।

लामो समयसम्म दोषि पत्ता नलागेपछि अहिले आन्दोलन र दवावका कार्यक्रम पनि सेलाउँदै गएका छन् ।

निर्मलाकी आमा दुर्गादेवी भने अझै छोरीको न्यायका लागि विभिन्न निकायमा भौंतारिइरहनुभएको छ ।

सरकारले दिएको राहतले अरु छोरीको पालनपोषण र पढाइमा खर्च गर्दै उहाँ निर्मलाको न्यायका लागि भौतारिरहेकी हुन् ।

निर्मला हत्याकाण्डमा सरकारले विभिन्न समिति बनाएर अनुसन्धान गरे पनि उपलब्धि हात पार्न सकेको छैन ।

कञ्चनपुरका प्रहरी प्रमुख प्रहरी उपरीक्षक दिनेश आचार्य भने अनुसन्धान जारी रहेको र विभिन्न प्रमाणका आधारमा यसलाई साँघुरो दायरामा ल्याइएको दाबी गर्छन ।

निर्मलाको हत्यापछि पीडित पक्षलाई न्याय दिलाउन मन्त्रीदेखि सबै राजनीतिक दलले विभिन्न आश्वासन दिए ।

तर पनि अपराधी पत्ता लाग्न नसकेकाले अब छोरीले न्याय पाउनेमा आशा मर्दै गएको निर्मलाकी आमा दुर्गादेवी बताउँछिन् ।

निर्मलाको हत्यापछि अधिकारकर्मीहरुसँगै मिलेर स्थानीयले गरेको लामो आन्दोलन अहिले फितलो बनेको छ ।

अधिकारकर्मी शारदा चन्दले सरकारले नै अपराधिलाई लुकाउन खोजेकाले कारबाही नभएको आरोप लगाइन ।

निर्मला हत्याकाण्ड भएको १० महिना वितिसक्दा पनि दोषी पत्ता लाग्न नसक्नु कानुनी राज्यको उपहास हो ।

दोषीलाई पक्राउ गरी कारबाही गरेर पीडित परिवारलाई न्याय दिन सकेमा मात्र कानुनी राज्यको अनुभूति गर्न सकिन्छ ।

(ईमेज खबर)

LEAVE A REPLY

Please enter your comment!
Please enter your name here