sports
||Rajyadainik||

आजको समाचार

नेपाल क्योकुशिन सेईसिन काईकान कराँते संघको आयोजनामा रेफ्री ट्रेनिङ सम्पन्न

खेलकुद



काठमाडौँ — पुस २७, २०७७। 

नेपाल क्योकुशिन सेईसिन काईकान कराँते संघको आयोजनामा रेफ्री ट्रेनिङ सम्पन्न  दिने भएको छ।  

नेपाल क्योकुशिन सेईसिन काईकान कराँते संघको अध्यक्ष तथा  नेपाल ब्रान्छ चीफ वर्ल्ड कमिटीका उपाध्यक्ष शिहान अशोक कुमार श्रेष्ठको सभापतित्वमा संचालित रेफ्री प्रशिक्षण कार्यक्रममा आशापुरी डोजो भक्तपुरका सल्लाहकार गोविन्दबहादुर अधिकारी, संघको काठमाडौ जिल्ला अध्यक्ष राजकृष्ण श्रेष्ठ, संघको ललितपुर जिल्ला अध्यक्ष हेराकाजी देशार अतिथिको रुपमा उपस्थित थिए ।

नेपाल क्योकुशिन सेईसिन काईकान कराँते डो, आशापुरी डोजो प्रमुख हर्कबहादुर तामाङको प्रमुख संयोजकत्वमा संचालित प्रशिक्षण कार्यक्रमको संचालन मिस नेवा: प्रजिता श्रेष्ठले गरेकी थिईन ।

नेपालभरीका ३० जिल्ला तथा नेपाल आर्मी टिमबाट गरि कुल ९१ जना प्रशिक्षार्थी लाई नेपाल फुलकन्ट्याक्र कराँते महासंघका वरिष्ठ उपाध्यक्ष तथा टेक्निकल चीफ रामजी प्रसाद बज्राचार्यबाट प्रशिक्षण प्रदान गरिएको थियो ।

संघको महासचिव प्रविन बस्नेतको स्वागत मन्तव्य संगै शुरु भएको प्रशिक्षण कार्यक्रममा भक्तपुर डोजो सचिव सुरेन्द्र लामा लगायतले मन्तव्य राख्नु भएको थियो । पानसमा दिप प्रज्वलन गरी कार्यक्रमको समुदघाटन गरिएको कार्यक्रममा बस्नेतले स्वागत मन्तव्यको क्रममा अहिले विश्वब्यापी रुपमा  फैलिरहेको कोभिड–१९ ले  समग्र खेलकुद क्षेत्रलाई नै प्रभावित गरिरहेको छ र पनि यो समय संग उच्च मनोबलका साथ लडने र सजगताका साथ दैनिक खेलकुद गतिविधिलाई संचालन गर्नुपर्नेमा जोड दिएका थिए !

उक्त कार्यक्रमको समापन समारोहमा बोल्दै प्रमुख अतिथि सुर्यविनायक न.पा. भक्तपुर मेयर वाशुदेव थापा द्धारा आत्मसुरक्षाको कला जो कोहिले सिक्नुपर्ने, स्वस्थ नेपाल समृद्ध नेपालको लागि पनि कराँतेले महत्वपूर्ण भुमिका निर्वाह गर्ने भएकोले भक्तपुर क्षेत्रमा कराँतेको प्रशिक्षण तथा प्रवर्द्धन र विकासको निमित्त आर्थिक, भौतिक तथा शैक्षिक सहयोग प्रदान गर्न सदैव तत्पर रहने जनाएका छन ।

Adventure tourism and Quad bike in Nepal

खेलकुद


–Balram Maharjan Kathmandu. COVID-19 related deaths worldwide approaching 1.87millions death by 2021 beginning. The effects on the worldwide economy have been badly affected. The consequences in low middle income economy such as Nepal where economy on a small number of services and industries are highly affected for the decade. Tourism is one of the Largest industries where the revenue in 2018 was 7.9% of the total GDP and provides more than 1.5million jobs with directly and 0.5 million indirectly. Nepal hosted 1.19 million foreign tourists in 2019 and the VISIT NEPAL2020 campaign expect to attract 2 million visitors and targeted of $2 billion and create thousands of new jobs. Similarly, many corporate houses invest in lodging industry where American brand like Marriott also been introduced and other many international chains are in the pipeline. The Entrepreneur and investors for Tourism industry are highly affected and waiting for normal world without COVID-19. However, it might take the end of 2021 or beginning of 2022. There is no hope for opening of international Tourism at least for 6 months. Despite of all these suffering, People began to adjust with the COVID-19. Domestic tourism has been slowly taking its new normal place. People are traveling and they need retreat after long time for home isolation and lockdown. With the departure of Dashain, slowly the internal tourism of Nepal is slow recovering been in a lime light. To recover the tourism in Nepal, – Government should immediate implement the two days’ holidays to promote domestic tourism. – Government also need to high priorities on domestic tourism destination by building fastest road access not only that but also black top it. – Financial institution should give subsidies in interest rate for tourism base business at least for 2.5% interest rate. – The concern department of Government facilitate for the common platform to unified the adventure – International Flights need to open with the heavy safety protocol. For the past few years, there are so many heart pumping adventure in Nepal. Paragliding, skydive in Pokhara, Rafting in Trisuli and Bhotekosi, recently launched Bungee in Kusma, Zipline in Khawa are popular adventure activities which makes you adrenaline rush. Among so many adventurous activities, Quad Bike has been the youngest adventure activity in Nepal which was launched in December 16, 2019 targeted for VISIT NEPAL 2020. Just few days ago, the company celebrated its first anniversary. The ride is operated in Chitlang in collaboration with Chitlang Resort. There’s a separate 6KM ride begin from the property of Chitlang resort with passing way to Swiss hills and end at the Forestry College. At the present, the company is operating 5 Quad bike which is mostly got busy during the weekends. The company plans to add 5 more Quad bike within six months. Furthermore, the team is also new destination for the quad bike route to expand its operation. All the stakeholder, who are working in the adventure sector should come under the one roof and collective work together to promote adventure tourism. Government should also need to play vital role to facilitate and network among the investor, entrepreneur and all the stakeholder who are working in the industry. Award ceremony, seminar and workshop could play vita role in order to network, promote adventure tourism and facilitate to come under the one roof.Segregate the award ceremony program Network

रोनाल्डो पेनाल्टीमा चुकेपछि युभेन्टस बराबरीमा

खेलकुद


मिलान — पुस २, २०७७ । एजेन्सी

क्रिस्टियानो रोनाल्डो पेनाल्टीमा गोल गर्न चुकेपछि इटालीको सिरी ‘ए’ मा युभेन्टस बुधबार एटलान्टासँग १–१ को बराबरीमा रोकिएको छ । युभेन्टसले फेडरिको सिसाको गोलमा अग्रता लिएको थियो ।

दोस्रो हाफमा एटलान्टाका लागि रेमो फ्लुलरले बराबरी गोल गरे । रोनाल्डो भने ६१औं मिनेटमा पेनाल्टीलाई गोलमा परिणत गर्न असफल रहे । यससँगै युभेन्टस खेलमा विजयी नतिजा निकाल्न असफल रह्यो ।

अंक–तालिकाको शीर्ष स्थानमा रहेको एसी मिलानले पनि जेनोआसँग २–२ को बराबरी खेल्यो । मिलानको २८ अंक छ । छिमेकी इन्टरमिलानले अर्को खेलमा रोमेलु लुकाकुको गोलमा नेपोलीलाई १–० ले हरायो ।

यससँगै इन्टरले मिलानसँगको दूरी एक अंकमा छोट्याएको छ । युभेन्टस भने २४ अंकसाथ दोस्रो स्थानमा छ । चौथो स्थानमा रहेको नेपोलीको २३ अंक छ ।

(कान्तिपुर दैनिक)

बार्सिलोनाले रियल सोसिडाडलाई २-१ ले हरायो

खेलकुद


बार्सिलोना — पुस २, २०७७। एजेन्सी

बार्सिलोनाले एक गोलले पछाडि रहेको स्थिति उल्टाएर बुधबार स्पेनी ला लिगामा रियल सोसिडाडलाई २–१ ले हरायो । खराब लयबाट गुज्रिरहेको बार्सिलोनाले अंकतालिकाको शीर्ष स्थानमा रहेको टिमलाई हराएर आफू अझै बलियो रहेको पनि प्रमाणित गरेको छ ।

ब्राजिली स्ट्राइकर विलियन होजेले पाहुना टिमलाई २७ औं मिनेटमा अग्रता दिलाएयता बार्सिलोनाका लागि जोर्डी अल्बाले बराबरी गोल फर्काए । बार्सिलोनाको निर्णायक गोल भने फ्रेन्की डे जोङको नाममा रह्यो ।

लिगमा लगातार दोस्रो जितपछि बार्सिलोना १२ खेलबाट २० अंकमा पाँचौं स्थानमा उक्लिन सफल रह्यो । हारले सोसिडाडले भने शीर्ष स्थान गुमाएको छ र दोस्रोमा झरेको छ । उसको २६ अंक छ । समान २६ अंकमा गोल अन्तरले एटलेटिको म्याड्रिड पहिलो स्थान पुगेको छ ।

(कान्तिपुर दैनिक)

टोटनहमलाई हराउँदै लिभरपुल शीर्षस्थानमा

खेलकुद


लन्डन — पुस २, २०७७। एजेन्सी

रोबर्टो फिरमिनोले ९० औं मिनेटमा हेडबाट गरेको गोलमा लिभरपुलले बुधबार टोटनहमलाई २–१ ले हराएको छ । यससँगै लिभरपुल इंग्लिस प्रिमियर लिगको शीर्ष स्थानमा उक्लिषएको छ।

यो नतिजापछि टोटनहमको लगातार ११ खेलको अपराजित यात्रा पनि टुंगिएको छ । लिभरपुलले शीर्ष स्थानमा तीन अंकको अग्रता खोलेको हो ।

लिभरपुलको २८ अंक भएको छ भने टोटनहम २५ अंकमा दोस्रो स्थानमा छ । दुवैले १३ खेल खेलेका छन् । साउथह्याम्पटन र लेस्टर सिटीको २४ अंक छ । लिभरपुलले मोहम्मद सलाहको गोलमा अग्रता लिएको थियो तर सन ह्वेङ–मिनले टोटनहमका लागि बराबरी गोल फर्काए ।

बुधबारका अन्य खेलमा साउथह्याम्पटनले आर्सनललाई १–१ को बराबरीमा रोकेर तेस्रो स्थानमा पुग्यो । एभरटन भने चौथो स्थानमा रहेको लेस्टर सिटीमाथि २–० को जित निकाल्दै पाँचौं स्थानमा पुग्यो । वेस्ट ह्याम र क्रिस्टल प्यालेसबीचको खेल १–१ को बराबरीमा टुंगियो भने लिड्सले न्युकासललाई ५–२ ले पन्छायो ।

(कान्तिपुर दैनिक)

एसियाली खेलकुद आयोजना अधिकार : कतारले जित्यो, साउदीले पनि हारेन

खेलकुद


शेख अहमदको दाबी थियो, ओसीए जहिले पनि एकता र हातेमालोमा विश्वास राख्छ, त्यसैले यो दोहाको जित हो अनि रियादको पनि । 

काठमाडौँ — पुस २, २०७७। 

केही नाटकीय मोड, अन्योलता र अविश्वासको माहौलबीच सन् २०३० को एसियाली खेलकुद कतारको दोहामा हुने निर्णय भएको छ । ओलम्पिक काउन्सिल अफ एसिया (ओसीए) को ओमानको राजधानी मस्कटमा बुधबार सम्पन्न ३९औं साधारणसभामा भएको मतदानमा दोहाले बाजी मारेको हो ।

कतार र साउदी अरेबियाबीच चलिरहेको राजनीतिक र कूटनीतिक तनावबीच दोहाले सफलता प्राप्त गरेको छ । तर, यो साउदीको हार पनि रहेन । किनभने सन् २०३४ को एसियाली खेलकुद भने साउदीको राजधानी रियादमा हुनेछ । ओसीएका अध्यक्ष शेख अहमद अल फायद अल सवाले मध्यपूर्वका दुई देशबीचको चर्को प्रतिस्पर्धासामु ‘बीच’ को बाटो निकालेका थिए, दुवै विजयी हुने, कोही पनि पराजित नहुने । उनले मतदानको अघिल्लो दिन नै यसलाई लिएर प्रयास हुने बताएका थिए । नभन्दै त्यस्तै भयो ।

मतदानमा नेपालका तर्फबाट नेपाल ओलम्पिक कमिटीका अध्यक्ष जीवनराम श्रेष्ठले भाग लिएका थिए । अध्यक्ष श्रेष्ठले कान्तिपुरसँगको कुराकानीमा मतदानमा जसले सबैभन्दा बढी मत ल्याउँछ, उसले सन् २०३० को एसियाली खेलकुद आयोजना गर्ने र दोस्रो हुनेले त्यसको चार वर्षपछिको प्रतियोगिता गर्ने निर्णय भएको बताए । त्यही सूत्रका आधारमा भएको मतदानमा आखिर जित दोहाकै रह्यो ।

सन् २००६ मा दोहाले पहिलोपल्ट एसियाली खेलकुद आयोजना गरेको थियो । त्यसयता उनले पूरा देशलाई विश्व खेलकुदको केन्द्र बनाएको छ । दोहालाई त कतारले ‘स्पोर्टस सिटी’ नै बनाएको छ । त्यहाँ विश्वस्तरीय एकसेएक खेल सुविधा उपलब्ध छन् । यो नै दोहाको जितको खास कारण रह्यो । साउदीले भने अहिलेसम्म ओसीए अन्तर्गतको धेरै खेल समावेश हुने ठूलो महोत्सवको आयोजना गरेको छैन ।

कतारको विश्व खेलकुदमा प्रगति देखेर साउदीले पनि त्यस्तै बाटो अपनाएको थियो । अब साउदीसामु १४ वर्षपछि एसियाली खेलकुदको सबैभन्दा ठूलो खेल महोत्सव आयोजना गर्ने अवसर हुनेछ । यसको अर्थ एसियाली खेलकुदका दुई संस्करण मध्यपूर्वमा हुने पक्का भएको छ । यस्तोमा अब सन् २०२२ को संस्करण चीनको होङछोउ तथा सन् २०२६ को संस्करण जापानको आइची–नोगायामा भएयता प्रतियोगिता मध्यपूर्वतर्फ मोडिने छ ।

कुवेती राजपरिवारको कतार र साउदी दुवै राजपरिवारको पारिवारिक सम्बन्ध रहेको छ । त्यसैले त्यही देशका शेख अहमदले दुवै खुसी हुने, दुवै निराश पनि हुनु नपर्ने सूत्र निकालेको मानिन्छ । तर मतदान आफैं भने उत्तिकै नाटकीय रह्यो । यसक्रममा अन्योलता र अविश्वासको वातावरण पनि बन्यो । अघिल्लो दिन नै साउदीले ओसीएसामु चुनाव रोक्न अनुरोध गरेको थियो ।

साउदीको तर्क थियो, कतारले यसमा धाँधली गर्नेछ । ओसीएले यो अनुरोधलाई त मानेन नै, तर अन्त्यमा विद्युतीय मतदान हुने कार्यक्रम पनि पूर्णतः लागू भएन । मस्कटको जेडब्लू म्यारोट होटलमा भएको साधारणसभामा भौतिक रूपमा २६ देशका प्रतिनिधि उपस्थित थिए, तिनले भौतिक रूपमै मतदान गरे । बाँकी १९ देशले पनि विद्युतीय मतदान गरे । यस विद्युतीय मतदानमा पनि ‘ह्याकिङ’ भएको भनेर विवाद भएको थियो ।

एक अवसरमा मिडियालाई मतदान स्थलमा प्रवेशको अवसर दिइयो भने अर्को अवसरमा मिडियालाई बाहिर पनि राखिएको थियो । जतिबेला शेख अहमदले दुवै प्रत्याशी सहरमध्ये एकले सन् २०३० र अर्कोले २०३४ को संस्करण आयोजना गर्ने घोषणा गरे, त्यसको सबैले ताली बजाएर स्वागत गरे । शेख अहमदको दाबी थियो, ओसीए जहिले पनि एकता र हातेमालोमा विश्वास राख्छ, त्यसैले यो दोहाको जित हो अनि रियादको पनि ।

(कान्तिपुर दैनिक)

म्याड्रिड डर्बीमा रियल विजयी

खेलकुद


म्याड्रिड — मंसिर २८, २०७७। रोयटर्स

रियल म्याड्रिडले डर्बी खेलमा शनिबार एटलेटिको म्याड्रिडलाई २–० ले हरायो र आफू किन स्पेनी ला लिगा च्याम्पियन हो भनेर देखायो । अंक तालिकाको शीर्ष स्थानमा रहेको एटलेटिकोले यससँगै सिजनको अपराजित यात्रा पनि गुमाएको छ ।

रियलले कासेमिरोको गोलले १५ औं मिनेटमा अग्रता लिएको थियो । यसक्रममा एटलेटिका सिजनका ११ खेलमा पहिलो पल्ट पछाडि परेको थियो । जिनेदिन जिदानलाई स्थिति सजिलो बनाउन जान आबलाकले आत्मघाती गोल गरे ।

हारका बाबजुद एटलेटिको अझै २६ अंकमा पहिलो स्थानमा छ । रियल भने छिमेकी क्लबसँगको दूरी घटाएर तेस्रो स्थानमा उक्लेको छ । उसको २३ अंक छ । डिएगो सिमोनीको क्बलले रियलको तुलनामा एक खेल भने कम खेलेको छ ।

(कान्तिपुर दैनिक)

महत्त्वाकांक्षी योजनामा नेपाललाई फकाउँदै साउदी

खेलकुद


काठमाडौँ — मंसिर २८, २०७७। 

साउदी अरेबियाले सन् २०३० को एसियाली खेलकुद आयोजना गर्ने अवसर पायो भने नेपालजस्तो देशलाई अत्यधिक फाइदा पुग्ने महत्त्वाकांक्षी योजना अगाडि सारेको छ । यो हो, अबको १० वर्षलाई ध्यानमा राखेर ‘स्पोर्टस् एकेडेमी’ र ‘एसियन स्पोर्टस् कन्फेडेरसन’ स्थापना गर्ने । विशेषतः एकेडेमीको योजना लोभिने खालेको छ ।

साउदी अरेबियाका ओलम्पिक पदाधिकारी सातदोबाटोस्थित एनओसी मुख्यालयमा ।
त्यसअनुसार एसियाका सबै देशका खेलाडीले त्यसमा अभ्यास र प्रशिक्षणको मौका पाउनेछन् । अनि प्रतियोगिता सुरु हुन ठीकअगाडि खेलाडी आफ्नो सम्भावित प्रदर्शनको उत्कृष्ट मोडमा हुनेछ । त्यो पनि ओलम्पिक बराबरमा । साउदी अरेबियाले अगाडि सारेको नारा पनि उत्तिकै गज्जब छ । यसले भन्छ, ‘उपस्थिति, सहभागिता र प्रसिद्धि’ । वास्तवमै पूरा योजना कस्तो छ त ? त्यसको कम्तीमा छोटकारीमा जानकारी पाउने अवसर पाए, नेपाल ओलम्पिक कमिटीले । कमिटीको सातदोबाटोस्थिति कार्यालयमा शनिबार नेपालका लागि साउदी अरेबियाका राजदूत मुसाउद अल आरवे आइपुगे र उनले दुई घण्टा बराबर कमिटीका अध्यक्ष जीवनराम श्रेष्ठ, उपाध्यक्ष तथा कार्यकारी निर्देशक चतुरानन्द राजवैद्य र महासचिव नीलेन्द्र श्रेष्ठसँग कुराकानी गरे । यसअघि साउदी अरेबियाको ओलम्पिक टोली नै नेपाल आउने तयजस्तै भएको थियो, तर अन्तिम अवस्थामा मिलेन । नत्र साउदी राजपरिवारका दुई सदस्यसम्मिलित ओलम्पिक टोली नै सातदोबोटो पुग्ने थियो, जसरी यसअघि कतारको ओलम्पिक टोली आफ्नो निजी विमानमा एक दिनकै लागि भए पनि काठमाडौं आएका थिए । प्राविधिक कारणले त्यो सम्भव भएन ।

तर साउदी ओलम्पिक कमिटीको सन्देश बोकेर राजदूत आरवे सातदोबोटोस्थित एनओसी मुख्यालय पुगे । त्यस क्रममा उनले नेपाली खेलकुदका लागि निकै फाइदा हुने प्रस्ताव नै अगाडि सारेका छन् । त्यसको बदलामा नेपालको सहयोग तथा समर्थन खोजेका छन्, त्यस सन् २०३० को एसियाली आयोजनाको मतदानमा आफूलाई समर्थन गर्न । आयोजनाको अधिकार दौडमा रहेको त रियाद र दोहा नै हो । अर्थात दुई छिमेकी देशका राजधानी । डिसेम्बर १६ मा एसियाली ओलम्पिक कमिटीको साधारणसभामा मतदान हुनेछ । दुईमध्ये एक सहरले त्यस एसियाली खेलकुद आयोजनाको अवसर पाउने छ । त्यसको ४–५ दिन अगाडि भने खेलकुद कूटनीति आफ्नो चरम उत्कर्षमा पुगेको छ । कतारमात्र होइन, साउदी अरेबिया पनि नेपाललाई फकाउन चाहन्छ, नेपाललाई आफ्नो पक्षमा पार्न चाहन्छ ।

अब मूल प्रश्न नेपालले कसको समर्थन गर्नेछ त ? वा भनौं, नेपालले कसको पक्ष लिँदा फाइदा हुन्छ त ? अध्यक्ष श्रेष्ठसँग त्यसको पनि कूटनीतिक उत्तरमात्र छ । उनका अनुसार भेटवार्तामा खेलकुदको माध्यमबाट पारस्परिक सहयोगका लागि कुराकानी भएको छ । उनी मान्छन्, साउदी र कतारले प्रस्तुत गरेको प्रस्ताव तुलनात्मक रूपमा लगभग उस्तै छ, तर केही राम्रो भने साउदीकै हो ।

श्रेष्ठकै भाषामा भन्दा ‘साउदीले सन् २०३० को एसियाली खेलकुदको आयोजना अवसर पायो भने नेपालजस्तो देशले प्रतियोगितामा भाग लिँदा भ्रमणका क्रममा जति खर्च हुन्छ, त्यसमध्ये अधिकांश उसले नै बेहोर्न तयार छ ।’ अझ सहयोगको यो क्षेत्र अझ ठूलो हुनसक्छ, नेपालका लागि दीर्घकालीन फाइदा हुने सहयोगसमेत हुनसक्छ । त्यसमाथि ‘स्पोर्ट्स एकेडेमी’ को चर्चा आफ्नै ठाउँमा छ । साउदीले यो मौका साँच्चै पायो भने यसको स्तर ओलम्पिकसरह नै हुनेछ । अध्यक्ष श्रेष्ठका अनुसार मस्कटमा हुने साधारणसभाका बेला दुवै देशका ओलम्पिक कमिटीसँग थप छलफल हुनेछ । त्यसपछि मात्र नेपालले कसलाई मतदान गर्ने हो भनेर अन्तिम निर्णय गर्नेछ । उनी भन्छन्, यो निर्णय नेपाली खेलकुद र खेलाडीको हित तथा स्वार्थ मुख्य आधार बनाएर नै हुनेछ ।

(कान्तिपुर दैनिक)

कालिनको अपूर्ण काल : रक्षात्मक खेलमा विश्वास

खेलकुद


कोरोना भाइरसको महामारीका कारण नेपाली राष्ट्रिय फुटबल टिमका मुख्य प्रशिक्षक योहान कालिनले सम्झौताको चार महिना बाँकी छँदै राजीनामा दिए । यी स्विडिस प्रशिक्षकको नेतृत्वमा नेपाली टिम कस्तो रह्यो ? प्रदर्शन र नतिजासँगै टिमको मैदानबाहिर वातावरण कस्तो रह्यो त ?

काठमाडौँ — मंसिर २८, २०७७। 

स्विडिस प्रशिक्षक योहान कालिनले नेपाली राष्ट्रिय फुटबल टिममा स्वर्णिम डेब्यु गरेका थिए कुवेतविरुद्ध गोलरहित खेल्दै । त्यो पनि कुवेतकै मैदानमा । उनले जिम्मेवारी लिएको तीन साताभित्रै नेपालले त्यो मैत्रीपूर्ण खेलमा बराबरी गरेको थियो ।

त्यसको चार दिनपछि भने कुवेतले १–० ले जित्यो । एसियाली फुटबलमा तल्लो स्तरको मानिने नेपाली टिमका लागि कुवेतविरुद्ध एक गोलको हार पनि सकारात्मक मान्नुपर्छ ।

विश्वकपको अनुभव बटुलिसकेको खाडी मुलुक कुवेतले प्रतिबन्ध (सन् २०१५ देखि २०१७ सम्म) खुलेपछि जोर्डन, क्यामरुन, इजिप्ट, इराक, अस्ट्रेलिया, साउदी अरेबिया, बहराइनजस्ता बलिया टिमविरुद्ध नियमित खेलेको थियो । त्यसैले नेपालले कुवेतविरुद्ध उसैको भूमिमा निकालेको ०–० को बराबरी र १–० को हार कालिन युगको उत्कृष्ट सुरुआत थियो । तर, कालिन आफैं भने महत्त्वाकांक्षी थिएनन् । कुनै पनि खेलमा जित हात पार्छौं भनेर दाबी नगरेका उनले हरेकपल्ट खेलअघि भन्ने गरेका थिए, ‘राम्रो खेल प्रदर्शन गर्ने प्रयास गर्नेछौं । तर, खेल जित्छौं भनेर ठोकुवा गर्दिनँ ।’ उनले पूर्व प्रशिक्षकहरूले जस्तै ठूल्ठूला कुरा पनि गरेनन् ।

विश्वकप २०२२ र एसियन कप २०२३ छनोटको समूह ‘बी’ मा नेपालले प्रतिस्पर्धीको रूपमा अस्ट्रेलिया, जोर्डन, कुवेत र चाइनिज ताइपेईलाई पायो । नेपाली टिमलाई लामो समयपछि एसियाली च्याम्पियन भइसकेको अस्ट्रेलियाजस्ता शक्तिशाली टिमविरुद्ध खेल्ने अवसर मिल्यो । कुवेतविरुद्ध मैत्रीपूर्ण खेलको नतिजालाई लिएर विश्वकप छनोटमा पनि नेपाली टिमसँग राम्रो नतिजाको आशा पलाएको थियो । प्रशिक्षक कालिन आफैं भने महत्त्वाकांक्षी भएनन् । विश्वकप छनोटको सुरुआत पनि अपेक्षाकृत भएन । छनोटको पहिलो खेलमा कुवेतविरुद्ध ७–० ले हार्‍यो ।

कुवेतकै भूमिमा मैत्रीपूर्ण खेलमा गोलरहित बराबरी र एक गोलको हार बेहोरेको नेपालले त्यसको ६ महिनापछि विश्वकप छनोटको सुरुआत पनि विदेशी भूमिमै गर्‍यो । तर, सात गोलको हारले कालिन स्तब्ध भए । त्यो नतिजा न उनले सोंचेका थिए न त नेपाली फुटबल समर्थकले । नेपालले पहिलो हाफमा दुई गोल बेहोरेको थियो भने दोस्रो हाफमा पाँच गोल । इन्ज्युरी टाइममा मात्रै दुई गोल भएको थियो । अर्थात्, नतिजा अनपेक्षित थियो । त्यसमा फिक्सिङको आशंकामा एन्फाकै सम्बन्धित निकायले केही खेलाडीसँग सोधपुछ नै गर्‍यो । कुवेतबाट फर्केपछि कालिनले भनेका थिए, ‘मैत्रीपूर्ण दुई खेलको प्रदर्शन र नतिजापछि मैले त्यही कुवेती टिमविरुद्ध त्यति ठूलो हार र त्यस्तो नराम्रो प्रदर्शनको कल्पना पनि गरेको थिइनँ । पूरा टिममै मिहिनेत गरेजस्तो देखिनँ । कसरी त्यस्तो भयो भनेर म आफै चकित छु ।’ त्यतिबेला उनी निकै चिन्तित पनि देखिन्थे ।

(कान्तिपुर दैनिक)

एभरटनसँग चेल्सी पराजित

खेलकुद


लन्डन — मंसिर २८, २०७७। रोयटर्स

चेल्सीको १७ खेलको अपराजित यात्रामा शनिबार पूर्णविराम लागेको छ । एभरटनले इंग्लिस प्रिमियर लिगमा उसलाई १–० ले हरायो । शनिबार नै म्यानचेस्टर युनाइटेड र म्यानचेस्टर सिटीबीचको खेल भने निराशाजनक गोलरहित बराबरीमा टुंगियो ।

यसको अर्थ टोटनहम २४ अंकसहित शीर्ष स्थानमा कायम रह्यो । लिभरपुलको पनि समान अंक छ । चेल्सी विजयी रहेको भए शीर्ष स्थान उक्लिने अवसर हुने थियो, तर गेल्फी सिगार्डसनले गुडसन पार्कमा गरेको एक मात्र गोलको मद्दतले एभरटन विजयी रह्यो ।

जितपछि एभरटन २० अंकमा सातौं स्थानमा उक्लेको छ भने चेल्सी २२ अंकमा तेस्रो स्थानमा रह्यो । युनाइटेड आठौं स्थानमा छ भने सिटी उसको ठीक पछाडि छ । शनिबारको अर्को खेलमा न्युकासल युनाइटेडले वेस्ट ब्रुमलाई २–१ ले हरायो र १७ अंकसहित ११ औं स्थानमा रह्यो ।

(कान्तिपुर दैनिक)