sports
|| Rajyadainik ||

आजको समाचार

हेटौडामा तीनदिने जिल्लास्तरीय विद्यालय ब्याटमिन्टन प्रतियोगिता शुरु

खेलकुद


हेटौडा - बैशाख ३

हेटौडा, वाग्मती प्रदेशको राजधानी हेटौँडामा आजवाट तीनदिने जिल्लास्तरीय विद्यालय ब्याटमिन्टन प्रतियोगिता शुरु भएको छ । प्रदेश प्रहरी कार्यालय हेटौँडा र ब्याटमिन्टन सङ्घ मकवानपुरद्वारा संयुक्तरुपमा हेटौँडा उपमहानगरपालिका–११ थानाभ¥याङस्थित सामुदायिक सेवा केन्द्रको कभर्ड हलमा आयोजित सो प्रतियोगिता उद्घाटन गर्दै हेटौँडा उपमहानगरपालिकाका प्रमुख हरिबहादुर महतले खेल क्षेत्रको विकासका लागि सबै क्षेत्रको साथ र सहयोग आवश्यक रहेको बताए ।

उहाँले देशलाई विश्वसामु चिनाउन खेल क्षेत्र र खेलाडीको महत्वपूर्ण भूमिका रहेको भन्दै खेलकूद क्षेत्र र खेलाडीको समस्या समाधानका लागि उपमहानगरपालिका सधै तयार रहेको बताए । उनले कभर्ड हलमा हाल देखिएको बिजुली र साउण्ड सिस्टमको समस्या समाधानका लागि उपमहानगरपालिकाले आवश्यक पहल गर्ने विश्वास व्यक्त गरे । समुदाय प्रहरी साझेदारी अवधारणाअन्तर्गत आयोजना गरिएको उक्त प्रतियोगितामा मकवानपुर जिल्लाका विभिन्न १० विद्यालयका विद्यार्थीको सहभागिता रहेको प्रदेश प्रहरी कार्यालय हेटौँडाले जनाएको छ ।

प्रदेश प्रहरी कार्यालयकी प्रवक्ता मीरा चौधरीले खेलको विकास तथा विस्तार गर्ने, विद्यार्थीमा ब्याटमिन्टन खेलप्रति रुचि जगाउने, राष्ट्रिय तथा अन्तर्राष्ट्रिय प्रतियोगितामा प्रतिस्पर्धा गर्न सक्ने उत्कृष्ट खेलाडी उत्पादन गर्ने लक्ष्यसहित उक्त प्रतियोगिताको आयोजना गरिएको जानकारी दिए। कक्षा १ देखि १० कक्षासम्मका विद्यार्थीको सहभागितामा विभिन्न पाँच विधामा प्रतियोगिता सञ्चालन हुनेछ ।

बाह्र वर्षमुनि उमेर समूहका लागि महिला र पुरुषको सिङ्गल तथा १२ वर्षमाथिको उमेर समूहमा महिला र पुरुषको सिङ्गल तथा पुरुषतर्फको डबल गरी पाँच वटा विधामा प्रतियोगिता सञ्चालन गरिने प्रवक्ता चौधरीले जानकारी दिए ।

प्रतियोगितामा सहभागी भएका खेलाडीमध्येबाट उत्कृष्ट ३० जना खेलाडीलाई दुई महिनासम्म निःशुल्क प्रशिक्षण प्रदान गरिने पनि वाग्मती प्रदेशका प्रहरी नायब महानिरीक्षक वसन्तकुमार लामाले जानकारी दिए । उनका अनुसार, प्रतियोगितामा उत्कृष्ट स्थान हासिल गर्ने १२ वर्ष उमेर समूहका सिङ्गल छात्र तथा छात्राले क्रमशः नगद रु सात हजार, रु पाँच हजार र रु तीन हजार प्राप्त गर्नेछन् भने १२ वर्ष उमेर समूहभन्दा माथिका सिङ्गल र डबलतर्फ प्रतिस्पर्धा गर्ने छात्र तथा छात्राले क्रमशः नगद रु १० हजार, रु सात हजार र रु पाँच हजार प्राप्त गर्नेछन् । रासस 

राष्ट्रिय क्योकुशिन–सेईसिन कराते प्रतियोगिता सम्पन्न

खेलकुद


भक्तपुर — चैत्र ३१, २०७७। 

नेपाल क्योकुशिन–सेईसिन काईकान कराते संघको आयोजनामा दुई दिनसम्म सन्चालित “पाँचौ राष्ट्रिय पुरुष तथा महिला तौल समूह फुलकन्ट्याक्ट (क्योकुशिन–सेईसिन) कराते प्रतियोगिता–२०७७ सम्पन्न भएको छ । भक्तपुरको सुर्यबिनायक स्थित योयो पार्टी प्यालेसमा भएको कार्यक्रममा प्रमुख अतिथी प्रतिनिधि सभा सदस्य तथा पूर्वमन्त्री महेस बस्नेत र रास्ट्रिय खेलकुद परिसदका सदस्य सचिब रमेश सिलवालले पानसमा दियो बाली संयुक्त रुपमा उदघाटन गर्नु भयो ।

प्रमुख अतिथी पुर्व उद्योग मन्त्री तथा प्रतिनिधी सभाका सदस्य महेश बस्नेतद्वारा खल्ला तौल समूह, ५५ के.जी. तौल समुह तथा ५० के.जी. तौल समुहका बिजेता पुरुष खेलाडीहरुलाई शिल्ड, मेडल, प्रमाणपत्र तथा नगद पुरस्कार वितरण गर्नु भएको थियो भने महिला तौल समुह, ४० के.जी. तौल समुह, ३५ के.जी. तौल समुहका बिजेता महिला खेलाडीहरु तथा ४५के.जी., ४०के.जी., ३५के.जी. तौल समुहका पुरुष खेलाडीहरुलाई शिल्ड, मेडल तथा प्रमाणपत्र तथा नगद पुरस्कार अर्का प्रमुख अतिथी राष्ट्रिय खेलकुद परिषद्को सदस्य सचिव रमेश शिलवालद्धारा बितरण गर्नुको साथै मिस नेवाः नेपाल ११४१ का बिजेता कृषा महर्जन, शसस्त्र प्रहरी नायब उपरीक्षक समिक महर्जन तथा रोशन भोयद्योलाई कदरपत्रद्धारा सम्मान गरिएको थियो ।

कार्यक्रमका सभापति तथा केन्द्रिय संघका अध्यक्ष, नेपाल ब्रान्चचिफ एवं विश्व क्योकुशिन काई करांतेका उपाध्यक्ष सिहान अशोक कुमार श्रेष्ठद्धारा प्रमुख अतिथीलाई मायाको चिनो प्रदान गर्नु भएको थियो । त्यसैगरी अन्य प्रदेशबाट सहभागी खेलाडीहरुको हौसला प्रदान गर्न मिस नेवाः कृषा महर्जनद्धारा नेप्लिज फेशन होमको तर्फबाट स्टेशनरी तथा स्कुल ब्याग बितरण गरिएको थियो भने विशेष अतिथी भक्तपुर जिल्ला खेलकुद बिकास समितिका अध्यक्ष श्रीभक्त कासिछवाद्धारा कार्यक्रमका जुरी, निर्णायक तथा सहयोगकर्ता महानुभावहरुलाई मायाको चिनो तथा कदरपत्र प्रदान गर्नु भएको थियो ।

कार्यक्रम संचालन मिस नेवाः नेपाल २०२१ का उपबिजेता प्रिया तण्डुकार तथा मिस नेवाः प्रजिता श्रेष्ठले गरेका थिए ।

विराटनगर–११ सेमिफाइनल आज

खेलकुद


विराटनगर - चैत २९

विराटनगर, विराटनगरको शहीद रङ्गशालामा जारी ‘विराट गोल्ड कप’ फुटबल प्रतियोगिताअन्तर्गत शनिबार बेलुकी सम्पन्न खेलमा विराटनगर–११ भारतको युनाइटेड फुटबल क्लब वेस्ट बङ्गाललाई पराजित गर्दै सेमिफाइनलमा प्रवेश गरेको छ । फ्लड लाइटमा भएको उक्त प्रतियोगिताको पहिलो क्वार्टरफाइनल खेलमा विराटनगर–११ ले वेस्ट बङ्गाललाई ३–० गोलले पराजित गरेको थियो ।

विराटनगरका लागि सुनिल खड्का दुई गोल र प्रकाश बुढाथोकीले एक गोल गरेका थिए । विराटनगरले यही चैत ३० गते हुने सशस्त्र प्रहरी बल काठमाडौँ र नेपाल प्रहरी काठमाडौँको विजेता टिमसँग प्रतिस्पर्धा गर्नेछ ।

खेलको म्यान अफ द म्याच घोषणा गरिएका सुनिल खड्कालाई नगद रु १० हजार प्रदान गरिएको छ । दोस्रो क्वार्टरफाइनल खेलअन्तर्गत आज साँझ ७ बजेदेखि शुरु हुने प्रतियोगितामा मच्छिन्द्र क्लब काठमाडौँ र भारतको पञ्जाब पुलिसबीच प्रतिस्पर्धा हुनेछ । रासस

खेलकुद : सेनाको राष्ट्रिय च्याम्पियन छवि थप उजागर

खेलकुद


काठमाडौं - चैत २६

काठमाडौँ, त्रिभुवन आर्मी फुटबल क्लबले एक पटक फेरि सङ्गठनको साखसँगै मुलुकको इज्जत बढाएको छ । त्रिपुरेश्वरस्थित दशरथ रङ्गशालामा बुधबार भएको एएफसी कप–२०२१ खेलमा सेनाले श्रीलङ्का पुलिस स्पोर्ट्स क्लबलाई १ का विरुद्ध ५ गोलले पराजित गरेको छ । सेनालाई विजय तुल्याउन नवयुग श्रेष्ठले २ दुई तथा सन्तोष तामाङ, टङ्कबहादुर बस्नेत र सुदिल राईको एक– एक गोलको योगदान रह्यो ।

उक्त विजयसँगै सेनाको टीम दोस्रो चरणमा प्रवेश गरेको छ । नेपालको लगातार दबाबका बावजुद श्रीलङ्का पुलिस स्पोर्ट्सका इभान्सले खेलको २८ औँ मिनेटमा गोल गर्दै श्रीलङ्का पुलिसलाई शुरुआती अग्रता दिलाए पनि त्यो उसका लागि क्षणिक खुशी रहन पुग्यो । सेनाका सन्तोष तामाङले ४१ औँ मिनेटमा गरेको गोलले निकै वाहीवाही पायो । त्यसको दुई मिनेटमै अर्थात खेलको ४३ औँ मिनेटमा नवयुग श्रेष्ठको गोलले नेपालाई सहजै अग्रता दिलायो ।

खेलको ५० औँ मिनेटमा टङ्क बस्नेतले गरेको गोलले नेपाललाई सशक्त फुटबल खेलाडी उत्पादन गरिरहेको मुलुकका रूपमा परिचित गरायो । एएफसीको क्लब लाइसेन्स प्राप्त गरेपछि सेनाको टिम पहिलो पटक प्रतियोगितामा सहभागी भएको हो । प्रतियोगिताको ८३ औँ मिनेटमा सुदिल राईले गरेको गोलले नेपाललाई ४–१ को अग्रता दिलायो । इन्जुरी समयमा नवयुगको दोस्रो गोलसँगै सेनाले ५–१ को फराकिलो अन्तरको जित हात पार्न सफल भयो ।

एशियन फुटबल कन्फेडेरेसन (एएफसी) को कार्यक्रमअनुसार त्रिभुवन आर्मी फुटबल क्लबको आयोजनामा उक्त एएफसी कप–२०२१ भएको हो । दर्शकको बाक्लो उपस्थिति रहेको उक्त खेलले विभागीय टोलीका रूपमा रहेको सेनाको खेलकुद क्षेत्रको च्याम्पियनको छविलाई थप उजागर गरेको छ । नेपालले दोस्रो चरणमा भारतको बेङ्गलुरु फुटबल क्लबसँग खेल्नेछ । उक्त प्रतियोगिता वैशाख १ गते हुँदैछ ।

विजय प्राप्त गरेपछि त्रिभुवन आर्मी क्लबका मुख्य प्रशिक्षक नवीन न्यौपानेले दोस्रो चरण प्रवेश गर्ने टिमको पहिलो लक्ष्य पूरा भएको प्रतिक्रिया दिए। पछिल्ला वर्षमा खेलकुद क्षेत्रमा सेनाले उल्लेखनीय सफलता हासिल गरिरहेको छ । आठौँ राष्ट्रिय खेलकुद प्रतियोगितामा नेपाली सेना राष्ट्रिय च्याम्पियन बनेको थियो । दक्षिण एशियाली केलकुद (साग) मा १७९ सैनिक खेलाडीका सहभागी भएको सेनाले नेपालको खेलकुदको छविलाई विश्व समुदायमा उजागर गरेको थियो । रासस

मेलम्चीमा जिल्लास्तरीय महिला भलिबल प्रतियोगिता हुने

खेलकुद


सिन्धुपाल्चोक - चैत २४

सिन्धुपाल्चोक, ‘समुन्नत राष्ट्रका लागि पालिका पहिला, अग्रसर गराऔँ खेल क्षेत्रमा महिला’ भन्ने नाराका साथ मेलम्चीमा जिल्लास्तरीय महिला भलिबल प्रतियोगिता हुने भएको छ । मेलम्ची नगरपालिकाको आर्थिक सहयोगमा हाम्रो टिम मेलम्चीको आयोजना तथा रेडियो मेलम्चीको सहआयोजनामा सो प्रतियोगिता हुने भएको हो । सिन्धुपाल्चोक जिल्लाका तीन नगरपालिका र नौ गाउँपालिका गरी १२ पालिकाबीच हुने सो प्रतियोगिता वैशाख ६, ७ र ८ गते हुनेछ ।

खेल क्षेत्रमा महिलालाई प्रोत्साहित गर्ने नगरपालिकाको उद्देश्यअनुसार महिला भलिबल प्रतियोगिताका लागि नगरले सहयोग गरेको नगरउपप्रमुख भगवती नेपालले जानकारी दिनुभयो । प्रतियोगितामा पहिलो हुने टिमलाई रु एक लाख नगद पुरस्कारका साथ कप र मेडल प्रदान गरिने सहआयोजक रेडियो मेलम्चीका अध्यक्ष डम्बर रसिक भारतीले जानकारी दिए । दोस्रोलाई रु ५० हजार र तेस्रो हुने दुई टिमलाई रु २५-२५ हजार पुरस्कार रहेको छ ।

सहभागी खेलाडीलाई आवास तथा खानाको व्यवस्था गरिएको आयोजक संस्थाका अध्यक्ष आशीष श्रेष्ठले जानकारी दिए । खेलाडीका लागि ड्रेस तथा खाजाको व्यवस्था भने सम्बन्धित पालिकाले गर्नुपर्ने पनि बताइएको छ । रासस

स्व. गिरिजाप्रसाद कोइराला स्मृति दोस्रो खुला ब्याडमिन्टन प्रतियोगिता हुने

खेलकुद


मोरङ - चैत २३

मोरङ, स्व. गिरिजाप्रसाद कोइराला स्मृति दोस्रो खुला ब्याडमिन्टन प्रतियोगिता हुने भएको छ । विराटनगर ब्याडमिन्टन क्लबद्वारा आज आयोजित पत्रकार सम्मेलनमा आगामी वैशाख १२ देखि १५ गतेसम्म सो प्रतियोगिता हुने संयोजक विनोद डाँगीले जानकारी दिए । प्रतियोगितामा छ वटा इभेन्ट्समा प्रतिस्पार्धा हुनेछ ।

१७ वर्ष मुनिका छात्रछात्रा, ४५ वर्षमाथि र ५५ वर्षका पुरुष एकल तथा महिला एकलबीच प्रतिस्पर्धा हुनेछ । विजेताले नगद रु २५ हजार र ट्रफी प्राप्त गर्ने छन् भने उपविजेताले नगद रु १५ हजार र तेस्रोले जनही रु १०÷१० हजार प्राप्त गर्ने आयोजकले जनाएको छ । खुल्ला प्रतियोगितामा सबै खेलाडीले भाग लिनसक्ने संयोजक डाँगीले बताए । क्लबले गत वर्षदेखि प्रतियोगिताको आयोजना गर्दै आएको हो । रासस

टाइगर र डेविडबीच उपाधि भिडन्त

खेलकुद


पोखरा - चैत २१ 

पोखरा, नुवाकोटे टाइगर र डेविडबीच दोस्रो राष्ट्रिय रिङ रेस्लिङ प्रतियोगिताको उपाधि भिडन्त पक्का भएको छ । शुक्रबार पोखरा रगंशालाको बहुउद्देशीय कभर्ड हलमा भएको ह्याबी वयटको प्रतिस्पर्धामा टाइगरले चट्टानमाथि पावर बम प्रयोग गरेर पछारेको अवस्थामा रिङमाथिबाट जम्प गदै एल्बो ड्याबको प्रयोग गरेपछि चट्टानले रेफ्रीको ३ काउन्टमा प्रतिकार गर्न नसक्दा पराजय बेहोरेका थिए । डेबिडले आफ्ना प्रतिद्वन्द्वी साइनलाई पराजित गर्न निकै पसिना बगाउनुपरेको थियो ।

साइनले डेविडलाई लगभग पराजित गरिसकेको अवस्थामा रेफ्रीको ३ काउन्टलाई प्रतिकार गदै खेलमा फर्किए थिए । अन्तिम समयमा डेविडले साइनमाथि सिल्जर टेक्निकको प्रयोग गदै जित निकालेका थिए । लाइट वयटको खेलमा एक्स हिरोले जे वल्डलाई पराजित ग(यो ।

३ फिट ९ इन्च मात्र उचाइ भएका एक्स हिरोले ५ फिट ५ इन्च भएका जे वल्डलाई हराउन नसक्ने आएको बेला टुपी ग्याङले जे वल्डको ध्यान भङ गरेको अवस्थामा रिङमा ढलेका एक्स हिरोले उठेर पछाडिबाट पल्टाएर दुवै खुट्टमा लक लगाई पराजित गरेका थिए ।

ठगु र द युगबीचको हाडकोट ९खतरनाक० खेल भएको थियो । युगले फलामको चेनद्वारा ढाडमा प्रहार गरेपछि प्रतिकारमा उत्रिएका ठगुले टिनको पाताको कुर्सी कुच्याउने गरी टाउकामा पटकपटक प्रहार गरेपछि युग रक्ताम्य भएका थिए । रिङबाहिर धराशायी हुने गरी पिटेर रिङमा ल्याएपछि रेफ्रीले ३ काउन्ट गर्दा युगले प्रतिकार गरेका थिए । घाइते भएका युगले पुनः खेलमा फर्कंदै ठगुलाई धराशायी बनाएर ३ काउन्टर गरेका अवस्थामा ठगुको पाटनरले रेफ्रीलाई नै तानेर पछारेका थिए ।

त्यसपछि रिङमा युगका पाटनर पनि आएपछि ठगु टोली रिङबाट बाहिरिएको थियो । सो खेल पुनः शनिबार हुनेछ महिलाहरूको त्रिकोणीय खेलमा दिलासाले बाजी मारिन् । राजधानी दैनिकबाट

पहिलोपटक ‘उसु अवार्ड–२०७७’ भक्तपुरमा आयोजना हुने

खेलकुद


भक्तपुर - चैत १९

भक्तपुर, नेपालको खेलकूद इतिहासमै पहिलोपटक ‘उसु अवार्ड–२०७७’ भक्तपुरमा आयोजना हुने भएको छ । उसु खेलको विकास र उसु खेलाडीप्रति सम्मान एवं प्रोत्साहन गर्ने उद्देश्यले नागरिक विकास वचत तथा ऋण सहकारी संस्था लि कौशलटार र यो यो बेङ्क्वेट सूर्यविनायकको प्रायोजनमा सो अवार्ड प्रदान गरिने भएको हो । जिल्ला खेलकूद विकास समिति भक्तपुरको पहल एवं नेपाल उसु स्वयंसेवक प्रशिक्षक कमिटीको आयोजनामा आगामी २१ गते शनिबार यो यो बेङ्क्वेटमा एक समारोहबीच पहिलो ‘उसु अवार्ड–२०७७’ प्रदान गरिने भक्तपुर जिल्ला खेलकूद विकास समितिका अध्यक्ष एवं यो यो बेङ्क्वेटका सञ्चालक श्रीभक्त कासिछ्वाले जानकारी दिए ।

उसु अवार्ड वितरणका लागि नागरिक विकास वचत तथा ऋण सहकारी संस्था लिका अध्यक्ष नुनम सुब्बा, भक्तपुर जिल्ला खेलकूद विकास समितिका अध्यक्ष कासिछ्वा र अवार्ड संयोजक राजीव महर्जनले सम्झौतापत्रमा हस्ताक्षर गरी आदानप्रदान गरेका छन् । कूल पाँच लाख ६० हजारको अवार्ड वितरण कार्यक्रममा नागरिक विकासले नगद पुरस्कारका लागि आवश्यक रकम र योयो बेङ्क्वेटले कार्यक्रम व्यवस्थापनमा लाग्ने सम्पूर्ण खर्च व्यहोर्ने गरी प्रायोजन गरिएको कासिछ्वाले बताए ।

कार्यक्रममा छ खेलाडीलाई नगदसहित अवार्ड वितरण गरेर सम्मान गरिने भएको छ । उसुको सान्सौं र थाउलोतर्फ समान एक–एक, पुरुष–महिला गरी चार खेलाडीलाई नगदसहित अवार्ड प्रदान गरिने छ । उदीयमान खेलाडीका रुपमा एक–एक पुरुष÷महिला गरी दुई खेलाडीलाई अवार्ड र नगदबाट पुरस्कृत गरिने भएको छ ।

आठौँ राष्ट्रिय खेलकूद र १३ औँ दक्षिण एशियाली खेलकूद (साग) को प्रदर्शनलाई आधार मानी खेलाडी छनोट गरिने अवार्ड वितरण कार्यक्रमका संयोजक महर्जनले जानकारी दिए । उसु खेलको विकास र विस्तारमा लामो समयदेखि संलग्न रहेर योगदान पुर्याउने एकलाई ‘लाइभ टाइम एचिभ्मेन्ट’ अवार्डबाट सम्मान गरिने भएको छ भने विगत १० वर्षदेखि उसु प्रशिक्षका रूपमा सेवा गरिरहेका प्रशिक्षकलाई पनि प्रशंसापत्रबाट सम्मान गरिने भएको छ ।

नेपालमै पहिलोपटक भक्तपुरबाट उसु अवार्ड वितरणको शुरुआत गर्न पाउँदा सिङ्गो भक्तपुरवासीका लागि खुशी र गौरवको कुरा भएको भन्दै समितिका अध्यक्ष एवं योयोका सञ्चालक कासिछ्वाले अवार्ड वितरण कार्यक्रम भव्य बनाउने बताए । पुरस्कारको मुख्य प्रायोजक नागरिक विकासका अध्यक्ष सुब्बाले उसुका खेलाडीलाई प्रदान गरिने यो अवार्डसँग जोडिन पाउँदा खुसी लागेको उल्लेख गर्दै अवार्डको शुरुआतले खेलाडीको मनोबल बढाउनुका साथै देशको शान उच्च बनाउन सहयोग पुग्ने अपेक्षा गरिएको बताए ।

अवार्ड वितरणमा सहयोगात्मक भूमिका निर्वाह गर्नुभएका हिमाल साकोसका अध्यक्ष विज्ञान राईले भक्तपुरमा कुनै पनि खेलकूदको विकास एवं प्रतियोगितामा यो समूहले आर्थिक तथा भौतिकरूपमा निरन्तर सहयोग गर्दै आएको र उसुको विकासमा पनि थप सहयोग गर्ने बताए । त्यस्तै भोलियन्टर उसु कमिटीका अध्यक्ष मन्जुर महर्जनले अवार्डपछि राष्ट्रियस्तरको उसु प्रतियोगिता आयोजना गर्दै भोलियन्टर उसु कोच कमिटीका रूपमा विकास गर्दै लैजाने लक्ष्य रहेको बताए ।

अवार्डमा प्रदान गरिने ट्रफी बुधबार सार्वजनिक गरिएको छ । नागरिक विकासका अध्यक्ष सुब्बा, यो योका सञ्चालक कासिछ्वा, अवार्ड संयोजक महर्जन र हिमाल साकोसका अध्यक्ष राईले संयुक्तरुपमा ट्रफी अनावरण गरेका हुन्। रासस

विश्वकप फुटबल छनौटमा पोर्चुगलद्वारा लक्जेम्बर्ग पराजित

खेलकुद


काठमाडौं —  चैत्र १८, २०७७। 

विश्वकप फुटबल छनोट अन्तर्गत युरोपेली समूहका खेलहरुमा पोर्चुगल, बेिल्जयम, नेदरल्याण्ड्स र क्रोएसिया विजयी भएका छन् ।

गएराति लक्जेम्बर्गमा भएको खेलमा भ्रमणकारी टोली पोर्चुगल ३–१ ले विजयी भयो । यही समूहको अर्को खेलमा सर्वियाले अजरबैजानलाई २–१ ले पराजित ग¥यो ।

विश्वकप फुटबल छनौट युरोपेली समुह ‘इ’ को खेलमा बेल्जियमले बेलारुसलाई ८–० को फराकिलो अन्तरमा हराउँदा वेल्सले चेक रिपब्लिकमाथि १–० को जित निकाल्यो ।

समूह ‘जी’ को खेलमा नेदरल्याण्ड्सले जिब्रल्टारलाई ७–० ले पाखा लगाउँदा नर्वेले मोन्टेनेग्रोलाई १–० ले हरायो ।

यही समूहको अर्को खेलमा टर्की र लात्भियाले ३–३ गोलको बराबरी खेलेका छन् ।

यसैगरी समुह एच को खेलमा क्रोएसियाले माल्टालाई ३–० ले हराउँदा स्लोभाकियाले रुसलाई २–१ ले तथा साइप्रसले स्लोभेनियालाई १–० ले पाखा लगायो ।

(एजेन्सी) 

बंगबन्धु कपः पोल्याण्डमाथि नेपाली कबड्डी टोलीको जित

खेलकुद


काठमाडौं —  चैत्र १८, २०७७। 

बंगलादेशमा भइरहेको बंगबन्धु कप इन्टरनेशनल टुर्नामेन्टमा नेपाली राष्ट्रिय कबड्डी टोलीले पोल्याण्डमाथि जित निकालेको छ ।

बुधबार भएको खेलमा नेपालले पोल्याण्डमाथि २१ अंकले जित हात पा¥यो । नेपालले ४० अंक ल्याउँदा पोल्याण्डले १९ अंक मात्र जोड्न सक्यो । नेपाल अर्को खेलमा केन्यासँग भिड्नेछ ।

केन्या र श्रीलंकालाई हराएको खण्डमा नेपाल फाइनलमा प्रवेश गर्नेछ । मंगलबार भएको खेलमा नेपाल बंगलादेशसँग १४ अंकले पराजित भएको थियो ।

प्रतियोगितामा बंगलादेशसहित नेपाल, पोल्याण्ड, केन्या र श्रीलंकाको सहभागिता छ । फाइनल खेल अप्रिल २ मा हुनेछ ।