स्पेनिस लिग फुटबलमा मेस्सीले राखे चार सय गोलको कीर्तिमान

0
51
messi - 400 goal scorer

काठमाडौं, पुस-३० ।

अर्जेन्टाइनी फुटवल खेलाडी लियोनल मेस्सीले स्पेनिस लिग फुटबलमा चार सय गोलको कीर्तिमान कायम गरेका छन् ।

गएराति भएको खेलमा आइबार विरुद्ध गोल गर्दै मेस्सीले आफ्नो खेल करियरमा अर्को कोसेढुंगा पार गरे । खेलमा आईबार ३–० ले पराजित भयो ।

मेस्सी स्पेनिस लिग ला–लिगामा सर्वाधिक गोल गर्ने खेलाडी हुन् । उनले ४ सय गोलको कीर्तिमान बनाउन कुल ४ सय ३५ खेल खेलेका छन् ।

युरोपको कुनै एउटै लिगमा ४ सय गोल गर्ने मेस्सी नै पहिलो खेलाडी बनेका छन् ।

अहिलेसम्म युरोपको शीर्ष पाँच लिगमा ४ सय गोल पूरा गर्ने जम्मा दुई खेलाडी रहेका छन् । पोर्चुगलका क्रिश्चियानो रोनाल्डोले ४ सय ९ गोल गरिसकेका छन् ।

रोनाल्डोले इङ्ल्याण्ड, स्पेन र इटलीका लिगमा गरी कुल ५ सय ७ खेल खेलेका छन् । मेस्सीले भने एउटै लिगमा यो सफलता हात पारेका हुन् ।

ला लिगामा गएरातिको जितसँगै बार्सिलोनाले १९ खेलबाट ४३ अंक सहित पाँच अंकको अग्रता लिएको छ भने दोस्रो स्थानको एट्लेटिको मड्रिडको ३८ अंक रहेको छ ।

एट्लेटिकोले गएराति लेभान्तेलाई १–० ले हराउँदा तेस्रो स्थानको सेभिया भने एथ्लेटिक बिल्बाओसँग २–० ले पराजित हुन पुग्यो ।

LEAVE A REPLY

Please enter your comment!
Please enter your name here