काठमाडौं, असोज २०८१ – दशैँ र तिहारको चाडपर्वको उमंग समेटिएको एउटा नयाँ म्युजिक भिडियो सार्वजनिक भएको छ, जसमा चर्चित गायक विनोद ढकालको स्वर, संगीत, र शब्द रहेको छ। निर्देशक राजु भट्टको निर्देशनमा तयार गरिएको यो भिडियोले काठमाडौंका व्यस्त गल्लीहरूदेखि चित्लाङका शान्त सुन्दर दृश्यसम्मको यात्रालाई कैद गरेको छ।

भिडियोले पारिवारिक पुनर्मिल न र चाडपर्वको उत्सवलाई सम्झाउने क्षणहरू प्रस्तुत गर्दछ। संगीत संयोजन प्रतिभाशाली संगीत निर्माता पुष्कर खत्रीले गरेका थिए भने, विभिन्न मोडलहरू निर्जन थापा, सुशान्त आर. टि, सुशिला उप्रेती (बोजु), आश्विनि कोइराला, इश्वोर बल्लभ उप्रेति, प्रतिशा उप्रेति कटुवाल लगायतले चाडपर्वको बेला यात्रा गर्दा देखिने खुसीका पलहरूलाई जीवित बनाएका थिए। ती जीवन्त क्षणहरूलाई छायांकार रणधीर श्रेष्ठले क्यामेरामा कैद गरेका थिए र सम्पादनको कार्य टेकेन्द्र शाहले गरेका थिए।

यस रोमाञ्चक परियोजनाले नेपाली परम्पराको समृद्धि र मन छुने दृश्यहरूलाई दर्शकहरूसँग प्रतिध्वनि गराएको छ। यो भिडियोले संगीत, यात्रा, र दशैँ-तिहारको भावलाई एकसाथ जोड्दै दर्शकहरूलाई खुसीको अनुभव दिएको छ। भिडियो विनोद ढकालको अफिसियल युट्युब च्यानल (विनोद ढकाल अफिसियल ) मा अपलोड गरिएको छ।