News Desk
काठमाडौं । नेपाली महिलाहरूको महान् पर्व हरितालिका तीज नजिकिँदै गर्दा तीज विशेष गीत सार्वजनिक गर्ने क्रम तीव्र बनेको छ। यसै क्रममा बहुचर्चित गायक तथा सर्जक बिनोद ढकालको नयाँ तीज गीत ‘झुम्का कस्तो छ’ सार्वजनिक भएको छ।
गीतमा शब्द तथा संगीत बिनोद ढकालकै रहेको छ भने गायिका सीमा नेपाली र रिया सुनारले स्वर दिएका छन्। कृष्ण लामिछानेको संगीत संयोजन रहेको गीतलाई हेमराज दांगीले मिक्सिङ तथा मास्टरिङ गरेका हुन्।
दिनेश सिंह ठाकुरीको निर्देशनमा तयार भएको म्युजिक भिडियोमा जुना कार्की, बिनोद ढकाल र जुनु रिमालको अभिनय रहेको छ। भिडियोको कोरियोग्राफी प्रेम दर्नालले गरेका छन् भने सरोज ठाकुरीले छायांकन तथा राजेश कुमारले सम्पादन र रङ संयोजन गरेका हुन्।
‘झुम्का कस्तो छ’ तीजको मौलिक संस्कृति, उत्सव र मनोरञ्जनलाई केन्द्रमा राखेर तयार पारिएको गीत हो। आकर्षक भिडियोसहित सार्वजनिक गरिएको गीतले दर्शक तथा श्रोताबाट सकारात्मक प्रतिक्रिया पाइरहेको निर्माण पक्षले जनाएको छ।
गीत बिनोद ढकालको आधिकारिक युट्युब च्यानलमार्फत सार्वजनिक गरिएको हो।
भिडियो हेर्नुहोस् :
https://youtu.be/BK0Lrn1JrZk?si=9ilI7XWiW6x1KP2H
