रुसी राष्ट्रपति भ्लादिमिर पुटिनका सहयोगी युरी उशाकोभले अमेरिकी राष्ट्रपति डोनाल्ड ट्रम्पको भारत र पाकिस्तानबीचको शत्रुता अन्त्य गर्ने मध्यस्थताको दाबीलाई समर्थन गरेका छन।

उशाकोभले ट्रम्प र रुसी राष्ट्रपति भ्लादिमिर पुटिनबीचको टेलिफोन वार्तामा छलफल भएअनुसार भारत–पाकिस्तान द्वन्द्व अमेरिकी राष्ट्रपति डोनाल्ड ट्रम्पको ‘व्यक्तिगत’ संलग्नताले समाधान भएको बताए।
 
“मध्यपूर्वका साथै भारत र पाकिस्तानबीचको सशस्त्र द्वन्द्वबारे छलफल भएको थियो, जुन राष्ट्रपति ट्रम्पको व्यक्तिगत संलग्नताले रोकियो”, उनले भने।

सर्वदलीय प्रतिनिधिमण्डलका नेता एवं कांग्रेस सांसद शशी थरूरले अमेरिकी उपराष्ट्रपति जेडी भान्ससँगको भेटमा भारत–पाकिस्तान सङ्कटमा मध्यस्थता गरेको अमेरिकी राष्ट्रपति डोनाल्ड ट्रम्पको दाबीलाई स्पष्ट गरेकाले यो मुद्दा अमेरिका र भारतबीच विवादको विषय बनेको छ।

एएनआईसँग कुरा गर्दै थरूरले भान्ससँगको प्रतिनिधिमण्डलको बैठक राम्रो भएको र उहाँले प्रतिनिधिमण्डलको स्थिति बुझेको बताए।

“उपराष्ट्रपति भान्ससँगको भेट उत्कृष्ट र धेरै स्पष्ट थियो। हामीले मध्यस्थताको यस प्रश्नमा हाम्रो स्थिति पर्याप्त रूपमा स्पष्ट पार्‍यौँ र उपराष्ट्रपति भान्सले हाम्रो बुँदाहरू पूर्ण रूपमा बुझ्नुभएको थियो भन्ने मलाई लाग्छ”, उनले भने।