थाइल्याण्ड र कम्बोडियाबीचको सीमा संघर्षमा तनाव निरन्तर बढिरहेको छ। थाइल्याण्डले कम्बोडियाको पोइपेट नजिकै रहेको रसद केन्द्र र क्यासिनो हबहरूलाई लक्षित गर्दै हवाई हमलाहरू गरेको छ, जहाँ रकेट भण्डारण गरिएका थिए र केही क्षति पुगेको बताइएको छ। कम्बोडियाली रक्षा मन्त्रालयका अनुसार थाई सेनाले बिहीबार बिहान लगभग ११ बजे पोइपेट नगरपालिका क्षेत्रमा कम्तिमा दुई बम खसालेको छ, जसले भौतिक संरचना नष्ट गरेको छ। 

थाई वायुसेनाले यसलाई ब्म्-२१ रकेट स्टोकेज भएको गोदामलाई निशाना बनाइएको छ र कुनै पनि आम नागरिकलाई चोट नरहेको दाबी गरेको छ। तर कम्बोडियाली अधिकारीहरूले भने क्यासिनो हब तथा आवासीय क्षेत्र पनि प्रभावित भएको बताएका छन।

हवाई तथा स्थलमा थप सक्रियताः
थाई सेनाले केवल सीमाञ्चलै नभएर सिरे साओफोन लगायतका अन्य क्षेत्रहरूमा पनि एयर स्ट्राइकहरू गरेको स्थानीय रिपोर्टहरूमा उल्लेख छ, जसले इलाकामा व्यापक क्षति पुर्‍याएको छ।

संक्रामक संघर्ष र प्रभावः
यो भिडन्त यस वर्षको दोश्रो ठूलो मोड हो जहाँ थाई र कम्बोडियाबीच अग्रिम सीमा क्षेत्रमा हवाई हमला देखि रकेट युद्ध सम्मको अवस्था देखिएको छ। यसले सीमाक्षेत्रका हजारौं मानिसलाई विस्थापित गराएको छ र सम्पूर्ण व्यापार तथा यात्रा मार्गहरू प्रभावित भएका छन।

चर्चा र डिप्लोमेसीः
थाइल्याण्ड र कम्बोडियाबीच युद्धविरामका प्रयासहरू भइरहेका छन्, तर दुई पक्षले एक अर्काका दावीलाई अस्वीकार गरेका छन र संघर्ष जारी रहेको संकेत गरेका छन। यसैबीच अमेरिकाले मध्यस्थता प्रयास गरेको भन्ने प्रतिक्रिया आएको तर दुवै देशले यसलाई आधिकारिक रूपमा पुष्टि गरेका छैनन। (ठे 

यो सीमा विवाद उभय देशका लागि रणनीतिक, ऐतिहासिक भुमिकाअनुसार गम्भीर तथा संवेदनशील विषय बनेको छ, जसले क्षेत्रीय स्थायित्व र जनजीवनमा ठूलो प्रभाव पारिरहेको छ।