News Desk
काठमाण्डौं । नेपाल डेरी एशोसिएसनले डेरी ईण्टरप्रेनर अप्टिमिस्टिक क्लब अफ काठ्माण्डौसँगको सहकार्यमा मंगलबार खिर खाने कार्यक्रम आयोजना गरेको छ । एशोसिएसनले श्रावण १५ को अवसरमा कार्यक्रम आयोजना गरेको हो। नेपाल उद्योग वाणिज्य महासघंका वस्तुगत उपाध्यक्ष हेमराज
ढकालको प्रमुख आतिथ्यता तथा डेरी एशोसिएसनका अध्यक्ष प्रल्हाद दाहालको सभाध्यक्षतामा आयोजित कार्यक्रममा अप्टिमिष्टिक क्लब अफ नेपालका डिष्ट्रिक गभर्नर प्रकाश घिमिरे, नेपाल डेरी एशोसिएसनका पूर्व अध्यक्ष सुमित केडिया, डेरी साइन्स एसोसिएसनका अध्यक्ष सियाराम प्रसाद सिंह, नेपाल उद्योग वाणिज्य महासंघका केन्द्रिय सदस्य, नेपाल चेम्बर अफ कमर्स, निर्यात व्यवसायी महासंघ, एन प्याब्सन लगायतका संघ संस्था संबद्ध महानुभाव लगायतको उपस्थिति रहेको थियो ।
https://rajyadainik.com//img/newsimage/1722339311.jpg
सो अवसरमा प्रमुख अतिथिको आसनबाट बोल्नुहुँदै उपाध्यक्ष ढकालले खिरको सांस्कृतिक महत्व ज्यादै रहेको र यो स्वास्थ्यका लागि लाभदायक रहेकाले पनि प्रत्येक बर्ष श्रावण पन्ध्रलाई नेपालमा खिर खाने दिनका रुपमा मनाउने गरिएको उल्लेख
गर्नुभयो । साथै, उहाँले हालै सार्वजनिक मौद्रिक नीति खुकुलो रहेको बताउनुहँदै सरकारले प्रयोग गर्ने भाषा समेतमा केहि सुधारको आभाष पाईएको जनाउनुभयो । उहाँले डेरी एशोसिएसनले थालनी गरेको मोही अभियानले सार्थकता प्राप्त गर्दै गएकोमा खुसी समेत व्यक्त गर्नु हुँदै सबल नेतृत्वको प्रशंसा समेत गर्नुभयो ।
कार्यक्रममा नेपाल डेरी एशोसिएसनका अध्यक्ष प्रल्हाद दाहालले स्कुल, कलेज, अफिसमा पनि साथीभाईहरु मिलेर खिर खाने चलन बढेको र यसरी साउन १५ मा देशैभर खिर खाने चलन भएकोले दुधको खपत पनि अरु दिनको तुलनामा लगभग ४ गुणा बढि हुने गरेको बताउनुभयो। आज देशभर करिव ९० लाख लिएर दूध खपत भएको र यसबाट झन्डै ६५ करोड रुपैयाँ बराबर कारोबार भएको अनुमान गरिन्छ । उपस्थित सबैलाई खाजाको रुपमा खिर खुवाइएको थियो भने अतिथिहरुलाई काठको ठेकी मायाको चिनो स्वरुप प्रदान गरिएको थियो ।
https://rajyadainik.com//img/newsimage/1722339254.jpg
