रौतहाट - भारतको महावाणिज्य दूतावास, वीरगञ्ज (नेपाल) द्वारा रौतहाट जिल्लाको गरुडामा आज अन्तर्राष्ट्रिय योग दिवसको अवसरमा विशेष योग कार्यक्रमको आयोजना गरियो।

कार्यक्रमको प्रमुख अतिथिका रूपमा मधेस प्रदेशका पूर्व भारतीय पूर्वाधार विकास मन्त्री कोषल यादवको उपस्थिति रहेको थियो। गरुडा नगरपालिकाका मेयर शम्भू साह र रौतहाटका प्रहरी उपरीक्षक विदुलिपा तिम्सिना विशेष अतिथिका रूपमा कार्यक्रममा सहभागी भएका थिए।

कार्यक्रममा अन्य विशिष्ट अतिथिहरू, सरकारी अधिकारीहरू, नेपाल-भारत मैत्री संघका सदस्यहरू र योग संस्थाहरूको उत्साहजनक सहभागिता रहेको थियो। भारतीय महावाणिज्य दूत दूवा सहाय मीना ज्युले आफ्नो मन्तव्यमा योगको महत्व र अथाहा फाइदाहरूको बारेमा प्रकाश पारे। महावाणिज्यदूतले योगलाई आफ्नो दैनिक जीवनको अभिन्न अंग बनाउन सबैलाई आग्रह गरे।

प्रमुख अतिथि कोषल यादवले योगलाई स्वस्थ जीवन प्राप्त गर्ने माध्यम भएको बताउँदै यसको महत्वलाई जोड दिए। उनले योगलाई विश्वव्यापी क्रान्ति बनाउने भारत सरकारको प्रयासको प्रशंसा गरे।

गरुडा नगरपालिकाको र नेपाल-भारत मैत्री संघको सहयोगमा आयोजित यो योग कार्यक्रममा २५० भन्दा बढी व्यक्तिहरूको उत्साहजनक सहभागिता रहेको थियो।