काठमाडौं,
आश्विन २६ ।

नेपाली आर्ट, कल्चर एण्ड म्युजिक अवार्ड २०७७ सम्पन्न भएको छ । कोरोना कहरबीच स्वास्थ्यका मापदण्ड अपनाउँदै आइतबार राजधानीमा एक कार्यक्रमबीच अवार्ड सम्पन्न भएको हो ।

शहरी विकास राज्यमन्त्री रामवीर मानन्धरको प्रमुख आतिथ्यतामा भएको उक्त कार्यक्रममा चलचित्र विकास बोर्डका अध्यक्ष दयाराम दाहालको विशेष आतिथ्यता रहेको थियो । क्रियटिभ इन्साइट मिडियाको आयोजनामा भएको अवार्ड कार्यक्रमलाई शुभकामना मिडिया सोलुसनले इभेन्ट व्यवस्थापन गरेको कार्यक्रममा गीतकार संघ नेपालका अध्यक्ष चूडामणी देवकोटा, नेपाल साङ्गीतिक संघका अध्यक्ष मिलन मोक्तान, निर्माता तथा युवा नेता मदुकुमार श्रेष्ठ, चलचित्र प्राविधिक सङ्घका अध्यक्ष पुष्कर लामा, बरिष्ठ हास्य कलाकार उत्तम केसी, गायिका मञ्जु पौडेल, निर्देशक प्रकाश भट्ट, कलाकार विनोद केसी, समाजसेवी प्रकाश कुमार श्रेष्ठलगायतको उपस्थिति रहेको थियो । अवार्डको सल्लाहकार समूहमा चलचित्र लेखक तथा निर्देशक मोहन निरौला, चलचित्र निर्देशक, कलाकार एवम् सञ्चारकर्मी दिनेश डिसी, वरिष्ठ गायिका देविका बन्दना, रंग पत्रकार विदुर गिरी, अभिनेता तथा निर्माता नवराज श्रेष्ठ रहनुभएको थियो ।

आयोजक कमिटिमा अध्यक्ष सूर्य चन्द, संयोजक सविता पोखरेल, कार्यक्रम निर्देशक सुमन पण्डित, सदस्य सचिव रोशन पोखरेल, सदस्यद्वय तुलसी गिरी भावुक र सन्दिप महत रहनुभएको थियो । कार्यक्रममा स्वागत मन्तव्य दिँदै अध्यक्ष सूर्य चन्दले गीत सङ्गीतका सर्जकहरुले लकडाउनको परिस्थिति र कोरोनाको कहरसँगै पनि यो कार्यक्रमलाई विश्वास गरेर सहभागी हुनुभएकोमा धन्यवाद व्यक्त गर्दै कलाक्षेत्रमा क्रियाशीलहरुलाई सम्मान तथा अवार्ड प्रदान गर्न पाएकोमा खुशी व्यक्त गर्नुभयो ।

त्यस्तै प्रमुख अतिथि माननीय शहरी विकास राज्यमन्त्री रामवीर मानन्धरले कला क्षेत्रमा निरन्तर क्रियाशील रहेका कलाकारहरूलाई सम्मान गर्नु सबैको दायित्व भएको बताउँदै यस्तो कार्यक्रमले कलाकारलाई अझ उर्जा मिल्ने बताउनुभयो ।
कार्यक्रममा आधुनिक, लोकदोहोरी, पप, लोकपप, आधुनिक पप, दशैँ गीत, तिज गीत र पूर्वेली गीत गरि विभिन्न ६२ विधामा का अवार्ड प्रदान गरिएको थियो भने सौन्दर्य व्यवसाय, समाजसेवी, कलाकार, साहित्यकार, गीतकार, खेलाडी, पत्रकारलगायत २० जना समाजमा योगदान पुर्‍याएका व्यक्तित्वलाई सम्मानसमेत गरिएको थियो ।

सम्मानित हुनेहरुमाः

शान्तिप्रिय वरिष्ठ रङ्गपत्रकार
पुरुषोत्तम बस्नेत, पत्रकार
सोनी काररञ्जित, वरिष्ठ सौन्दर्यविद् तथा समाजसेवी
रश्मिला श्रेष्ठ, वरिष्ठ सौन्दर्यविद् तथा समाजसेवी
इन्ता श्रेष्ठ, फेसन डिजाइनर तथा समाजसेवी
धनु सिंजाली, युवा व्यवसायी तथा समाजसेवी
रोजी गुरुङ, व्यवसायी तथा समाजसेवी
रिना अवाले, सौन्दर्यकर्मी तथा समाजसेवी
सावित्रा चिलुवाल, गीतकार
गोमा अधिकारी धिताल, फेसन डिजाइनर तथा मिसेस हिमालयन २०१८
अन्जु बुढाथोकी क्षेत्री, व्यवसायी तथा समाजसेवी
कल्पना योङहाङ लिम्बू, वरिष्ठ ढाकाविद् तथा समाजसेवी
लबबहादुर कार्की, इभेन्ट डाइरेक्टर तथा अध्यक्ष इभेन्ट म्यानेजमेन्ट एसोसिएन अफ नेपाल
समुन्द्र भट्ट, चलचित्र निर्देशक तथा समाजसेवी
अनिता गुरुङ, वरिष्ठ सौन्दर्यकर्मी तथा समाजसेवी
प्रतिक श्रेष्ठ, खेलाडी तथा समाजसेवी
भीष्मराज फुलारा, गीतकार
उषा गुरुङ, सौन्दर्यकर्मी तथा समाजसेवी
दीपक डोटेल, कलाकार
सरिता भारती, गायिका

अवार्ड प्राप्त गर्ने सर्जकहरुमा
सर्वोत्कृष्ट गायिका (आधुनिक)
सोना अमात्य – डाली चरी भुइँमा खस्यो

सर्वोत्कृष्ट गायक (आधुनिक)
आभास श्रेष्ठ – सल्लाघारीमा

सर्वोत्कृष्ट सङ्गीतकार (आधुनिक)
विकास चौधरी -बाँच्न जति गाह्रो

सर्वोत्कृष्ट गीतकार पुरुष (आधुनिक)
हरि उप्रेती- शंकाले लंका

सर्वोत्कृष्ट गीतकार महिला (आधुनिक)
तारा अधिकारी – फुलेको केश

सर्वोत्कृष्ट युगल गायन (आधुनिक)
शिखर सन्तोष – सुष्मा पूर्णिमा अर्याल – पिरतीमा

पपुलर गायिका अफ दि इयर (आधुनिक)
सुजाता केसी – बाजा बजाउँदै

पपुलर गीतकार अफ दि इयर (आधुनिक)
प्रतिमा गुरुङ – विस्तारै विस्तारै

सर्वोत्कृष्ट म्युजिक भिडियो मोडल पुरुष (आधुनिक)
गौतम खाती -कोरेको छु तिम्रो तस्विर

सर्वोत्कृष्ट म्युजिक भिडियो मोडल महिला (आधुनिक)
सरिता श्रेष्ठ ‘सारा’ – भूल

सर्वोत्कृष्ट म्युजिक भिडियो निर्देशक (आधुनिक)
जसबहादुर याख्खा ‘जसु’ –  फूलको कुरा

पपुलर म्युजिक भिडियो निर्देशक अफ दि इयर (आधुनिक)
हाङ चेमजोङ – तिमी र म

जुरी अवार्ड (गायिका आधुनिक)
विद्या तिवारी – भोगाइ जीवन

पपुलर म्युजिक भिडियो मोडल अफ दिइ इयर (आधुनिक)
प्रतिक्षा खड्का – हाँस्न मन

जुरी अवार्ड (आधुनिक गायिका)
मन्जु उपासना – मुटुमा चोट

सर्वोत्कृष्ट नव म्युजिक भिडियो मोडल (आधुनिक)
सुजना बर्देवा -मलाई होइन तिम्लाई सुखी

सर्वोत्कृष्ट नव म्युजिक भिडियो मोडल
समीर खान -मायाको बजार

जुरी अवार्ड (आधुनिक गायक)
सरोज कोइराला – मन मेरो केवल

पपुलर गायक अफ दि इयर (आधुनिक)
सुरज पौडेल – लभ

सर्वोत्कृष्ट गायक (पप गीत)
मानसराज – हिरो

सर्वोत्कृष्ट गायिका (पप गीत)
लक्ष्मी पुरी प्रधान

सर्वोत्कृष्ट नवगायक (पप आधुनिक)
राजकुमार देवकोटा (मोबाइलको वालपेपर)

सर्वोत्कृष्ट म्युजिक भिडियो मोडल पुरुष (पप गीत)
राजु ग्याबक – जानी नजानी

जुरी अवार्ड (पप गायक)
चिरञ्जीवी भण्डारी – बदमास

जुरी अवार्ड (पप गायिका)
नम्रता तामाङ – नगर शंका

सर्वोत्कृष्ट गायिका (लोक आधुनिक)
उषा मलाहा – झापाको सुपारी

सर्वोत्कृष्ट गायिका (पप आधुनिक)
डा. रानी शाक्य – संसार फेर्न

सर्वोत्कृष्ट युगल गायन (लोक आधुनिक)
सहिमा श्रेष्ठ र विक्रम राना – मोयाले

सर्वोत्कृष्ट पपुलर मोडल अफ दि इयर (लोक आधुनिक)
सुजल बम – बैनी झ्यालैमा

इन्करेजमेन्ट अवार्ड (म्युजिक भिडियो मोडल)
श्रद्धा भुसाल – बैनी झ्यालैमा

सर्वोत्कृष्ट गायक (दशैं गीत)
लोक पौडेल – घरघरमा आयो दशैं

सर्वोत्कृष्ट गायिका (तीज गीत)
धनकुमारी थापा सरु – जाम नाच्न जाम

सर्वोत्कृष्ट सङ्गीतकार (तीज गीत)
इन्द्र बहादुर दाहाल – कोरोना भाइरसमा फसौला

सर्वोत्कृष्ट गीतकार (तीज गीत)
गीता अधिकारी – बजाउँदै चूरा

पपुलर गायिका अफ दि इयर (तीज गीत)
कोपिला गौतम – घरमै बसेर दर खाउँला

सर्वोत्कृष्ट नवगायिका (तीज गीत)
यमुना अर्याल – माहुरीको घार

सर्वोत्कृष्ट म्युजिक भिडियो मोडल पुरुष (तीज गीत)
समीर खान – दामी छ चिज

सर्वोत्कृष्ट म्युजिक भिडियो मोडल महिला (तीज गीत)
अस्मिता जुरेली – दामी छ तिज

सर्वोत्कृष्ट नव म्युजिक भिडियो मोडल (तीज गीत)
कुसुम दुलाल ‘सिम्रन’ – कोरोना भाइरसमा फसौला

सर्वोत्कृष्ट गायिका (मौलिक गीत)
सुनिला गुरुङ – उत्तरी गोरखा

सर्वोत्कृष्ट पूर्वेली युगल गायन
मेनुका राई र युवा राई – ढल्कियो जोवन

सर्वोत्कृष्ट पूर्वेली लोक गायक
केशव राई – ताप्लेजुङको पाथिभारा

सर्वोत्कृष्ट गायिका (लोकदोहोरी)
सविता परियार – गावै रमाइलो

सर्वोत्कृष्ट गायक लोकदोहोरी
कृष्ण बहादुर सुवेदी – बनपाले

सर्वोत्कृष्ट नव गायिका (लोकदोहोरी)
सोनु सिंह – माटो काटी चपरी

सर्वोत्कृष्ट सङ्गीतकार (लोकदोहोरी)
मनोहर सुनाम– काठमाडौंमा छैन मेरो घर

सर्वोत्कृष्ट गीतकार (लोकदोहोरी)
भोला पौडेल – काठमाडौंमा छैन मेरो घर

पपुलर गायिका अफ दि इयर (लोकदोहोरी)
सीता केसी – गोधुली साँझैमा

पपुलर गायक अफ दि इयर (लोकदोहोरी)
लबकुमार भट्ट – बनको भलायो

सर्वोत्कृष्ट म्युजिक भिडियो मोडल महिला (लोकदोहोरी)
सोनाम गुरुङ – तिम्रो रुपैले

सर्वोत्कृष्ट म्युजिक भिडियो मोडल (लोकदोहोरी)
अवतार शाक्य– आकाश रुन्छ

पपुलर म्युजिक भिडियो मोडल अफ दि इयर (लोकदोहोरी)
रिना थापा मगर – हिमाल हाँसेको

पब्लिक च्वाइस अवार्ड (लोकदोहोरी)
एसके दाहाल – रुँदै बाटो छेकम

सर्वोत्कृष्ट नव गायक (लोकदोहोरी)
नवीन पौडेल – मदानी

इन्करेजमेन्ट अवार्ड लोकदोहोरी
प्रतिक्षा केसी, बर्दिया राम्रो

सर्वोत्कृष्ट आर्टिष्ट अफ दि इयर
ज्योति प्रकाश – चित्रकार

सर्वोत्कृष्ट राष्ट्रिय भावको गीत
रुद्रसेन विश्वकर्मा – हाम्रो प्यारो नेपाल

क्रिटिक्स अवार्ड (राष्ट्रिय भावको सङ्गीतकार)
कोशिष क्षेत्री – गोर्खाली

सर्वोत्कृष्ट इभेन्ट डाइरेक्टर
निशुकान्त झा – रिवन इन्टरटेनमेन्ट