News Desk
काठमाडौँ — कार्तिक २१, २०७७।
नेपाली बजारमा शुक्रबार सुनको मूल्यमा प्रतितोला एक हजार रूपैयाँले वृद्धि भएको छ । नेपाल सुनचाँदी व्यवसायी महासंघका अनुसार आज छापावाल सुन ९७ हजार २ सय रूपैयाँमा कारोबार भएको छ ।
बिहीबार छापावाल सुन प्रतितोला ९६ हजार २ सय रूपैयाँमा कारोबार भएको थियो । यस्तै तेजाबी सुन बिहीबार ९५ हजार ७ सय रूपैयाँमा कारोवार भएकामा आज एक हजार रूपैयाँले वृद्धि भइ ९६ हजार ७ सय रूपैयाँमा कारोबार भएको छ ।
यस्तै चाँदीको मूल्यमा पनि बिहीबारको तुलनामा प्रतितोला ४५ रूपैयाँले वृद्धि भएको छ । बिहीबार प्रतितोला एक हजार २१० रूपैयाँमा कारोबार भएको चाँदी शुक्रबार भने प्रतितोला एक हजार २५५ रूपैयाँमा कारोबार भएको छ ।
(कान्तिपुर दैनिक)
