सिन्धुपाल्चोक — असार ११, २०७८।

मनसुन सुरुवातसंगै बाढीले क्षतविक्षत पारेको सिन्धुपाल्चोक जिल्ला अहिले सबैको नजरमा छ ।  खासै सरकारको नजरमा नपरेको सिन्धुपाल्चोकबासी अहिले त्रास र पिडामा डुबिरहेका छन ।  रोइ रहेका आँखा अनि थरथर कामी रहेका हातहरु जोड्न मुल्किल जस्तै देखि रहेका छन सिन्धुबासी । थुप्रै सामाजिक संघ संस्थाले दुखी रहेको घाउमा केही मलाम लगाउने कोसिस गरिरहेका छन ।  यसै सिलसिलामा राजधानीका एक सामाजिक क्लब राजधानी युथ क्लबले सिन्धुपाल्चोकको हेलम्बु गाउँ पालिकाको वडा न १ र २ का बाढी पहिरो पीडितलाई सोलार बत्ती लगाएत केही खाद्यान्न  सहित ५० परिवारलाइ राहत बितरण गरेको छ ।  

क्लबका संस्थापक अध्यक्ष आशिष खतिवडा सहित  क्लबका संरक्षक रोम प्रधान , प्रकाश राई ,अम्बिर गुरुङ लगाएत राजधानी युथ क्लबका पदाधिकारी एवम स्वयंसेवकहरु हेलम्बुका क्युल  पुगेर उक्त राहत  सामाग्री वितरण गरेका हुन ।  

क्लबका संस्थापक सचिव समीर लामाका अनुसार उक्त  राहतले  पीडितहको  दु:खमा मल्हम  लगाउने प्रयास भएको बताए ।  हेलम्बु गाउँपालिका  वडा नं १ का वडा अध्यक्ष छिरिङ लामाको रोहबरमा राहत बितरण गरिएको लामाले जानकारी दिएका छन्  ।  

आगामी दिनहरुमा पनि यसरी नै  दुख पिडामा परेका सम्पुर्ण नेपालीलाई सहयोग गर्ने क्लबका संरक्षक रोम प्रधानले जनाएका छन् ।