News Desk
काठमाडौं — असार १३, २०७८।
नेपाल चेम्बर अफ कमर्सको बिषयगत समिति अन्तर्गत उद्योग समितिमा सहसभापति तथा सदस्यहरु चयन गरिएको छ । समितिको सहसभापतिमा नवराज पोखरेल तथा कृष्ण कुमार फुयाल र सदस्यहरुमा क्रमश: अर्जुन भट्ट, राम प्रसाद खनाल, बलराम सुवेदी एवम् पोम नारायण अधिकारीलाई चयन गरिएको छ । चेम्बर अफ कमर्सका कार्यकारीणी सदस्य भिमलाल पौड्याल उद्योग समितिको सभापति छन् ।
समितिमा मनोनित सहसभापति एवम् सदस्यहरुलाई आईतबार चेम्बर अध्यक्ष राजेन्द्र मल्लले मनोनयन पत्र हस्तान्तरण गरेका छन् । मनोनयन कार्यक्रममा चेम्बरका सदस्य दिपक काजी तुलाधर समेतको उपस्थिति रहेको थियो।
