दैनिक राशिफल

मेष (Aries)

चु, चे, चो, ला, लि, लु, ले, लो, अ

पढाइमा सुधार आउनेछ भने ज्ञान अभिवृद्धि गर्न अवसर प्राप्त हुनेछ। सुखद समाचार सुन्न पाइने हुँदा मन प्रसन्न रहनेछ। आर्थिक आम्दानीका स्रोतहरू बढ्नेछन्, जसले स्थायित्व प्राप्त गर्ने खालका फाइदाजनक कार्यहरूमा सम्झौता गर्न सहज हुनेछ। नयाँ कामको थालनी हुनेछ, जसका लागि तपाईंको मेहनत प्रशंसनीय बन्न सक्छ। बौद्धिक क्षमताको प्रशंसा हुनेछ भने शब्दहरूको प्रभावले आर्थिक लाभसमेत दिलाउनेछ।

वृष (Taurus)

इ, उ, ए, ओ, बा, बि, बु, बे, बो

मित्रमण्डलीसँग रमाइलो जमघट हुनेछ, जसमा स्वादिष्ट परिकारको स्वाद लिन पाइनेछ। विगतका सफलताहरूले नयाँ ऊर्जा प्रदान गर्नेछन्। कार्यक्षेत्रमा नयाँ अवसरहरू आउनेछन् भने सहयोगीहरू भेटिने सम्भावना उच्च छ। टाढिएका पारिवारिक सदस्यहरूसँग पुनर्मिलन हुनेछ। अघिल्ला कमजोरी सच्याएर जीवनशैलीमा सकारात्मक परिवर्तन ल्याउन सकिनेछ। आकर्षक पहिरनको माध्यमबाट आफ्नो व्यक्तित्वलाई अझ निखार्ने अवसर प्राप्त हुनेछ।

मिथुन (Gemini)

का, कि, कु, घ, ङ, छ, के, को, ह

कुनै कारणवश मनोभावनाअनुसारका कार्यहरू सम्पादन गर्न कठिनाइ हुन सक्छ। अरूको निम्ति खर्च गर्नुपर्ने स्थिति आउन सक्छ। केही अवसरवादी व्यक्तिहरूले तपाईंका कमजोरीहरूलाई आफ्नो फाइदाका लागि प्रयोग गर्न सक्छन्। आंशिक फाइदा भए तापनि कार्य सम्पन्न गर्न अपेक्षाभन्दा बढी समय लाग्नेछ। लेनदेनका कारण आर्थिक असन्तुलन हुनसक्छ। उधारो व्यापारमा संलग्न हुँदा लाभांश अड्किन सक्ने सम्भावना छ। खर्चको मात्रा बढ्न सक्ने समय भएकाले सचेत रहनु उचित हुनेछ।

कर्कट (Cancer)

हि, हु, हे, हो, डा, डि, डु, डे, डो

नयाँ आम्दानीका अवसरहरू देखा पर्नेछन्। आर्थिक लाभका लागि दूरगामी प्रभाव पार्ने काममा संलग्न हुने अवसर प्राप्त हुनेछ। तर आज हात लागेको धन सञ्चय गर्न गाह्रो पर्न सक्छ। केही फाइदाका लागि अन्य वस्तु त्याग्नुपर्ने परिस्थिति आउन सक्छ। व्यापारमा अतिरिक्त लगानीको आवश्यकता देखिन सक्छ। दिगो लाभका लागि निश्चित त्याग गर्नुपर्ने स्थिति आउन सक्छ। पैसाको लेनदेन गर्दा विचार पुर्याउनुहोला। आवश्यक परेमा सरसापट अथवा कर्जाको सहायता लिन सकिनेछ।

सिंह (Leo)

मा, मि, मु, मे, मो, टा, टि, टु, टे

आज गरिने परिश्रमको प्रतिफल भविष्यमा प्रतिष्ठा प्राप्त गराउने खालको हुनेछ। प्रयत्न गर्दा सकारात्मक अवसरहरू हात लाग्नेछन्। लगनशीलताले सफलताको ढोका खोल्नेछ। साथीभाइ तथा सहयोगीहरूबाट आवश्यक साथ र सहयोग प्राप्त हुनेछ। सिर्जनात्मक कार्यहरूमा लाग्ने उचित समय छ। जीवनशैलीमा आवश्यक भौतिक सुविधाहरू प्राप्त हुनसक्छन्। रोजगारी र व्यवसायमा फाइदा हुने संकेत देखिन्छ। विभिन्न अवसरहरूले पछ्याउनेछन् भने दीर्घकालीन सफलता हासिल गर्ने आधार तयार हुनेछ।

कन्या (Virgo)

टो, प, पि, पु, ष, ण, ठ, पे, पो

दृढसंकल्पका साथ परिश्रम गरेमा लक्ष्य प्राप्त गर्न कुनै अवरोध आउँदैन। अधुरा कार्यहरू पूरा हुनेछन्। जिम्मेवारी बढ्नेछ। सामान्य प्रयासले पनि धेरैलाई लाभ दिनेछ। नयाँ व्यक्तिहरूसँगको भेटघाटले महत्वपूर्ण अवसरहरू सिर्जना गर्नेछ। सामाजिक कार्यमा योगदान पुर्याउँदै उत्कृष्ट उपलब्धि हासिल गर्न सकिनेछ। आध्यात्मिक भावनाको वृद्धि हुनेछ, जसले धर्मकर्ममा रुचि बढाउनेछ। पेसा वा व्यवसाय विस्तार गर्न अनुकूल समय छ।

तुला (Libra)

र, रि, रु, रे, रो, ता, ति, तु, ते

स्वास्थ्य स्थिति केही कमजोर रहन सक्छ, जसका कारण तत्काल उपलब्धि प्राप्त गर्न कठिनाइ हुनसक्छ। शुभचिन्तकहरू टाढिन सक्छन् भने योजनाबद्ध कार्यहरूमा अवरोध आउन सक्छ। कम उपलब्धिमा सन्तुष्ट हुनुपर्ने परिस्थिति आउन सक्छ। खानपानमा ध्यान पुर्याउनु लाभदायक हुनेछ। आफ्नै सम्पत्तिमाथि अरूले दाबी गर्ने सम्भावना रहेकाले सचेत रहनुहोला। अत्यधिक श्रम गर्नुपरे पनि प्रतिफल न्यून मात्र प्राप्त हुनसक्छ। अवरुद्ध कार्यहरू पुन: प्रयास गर्दा मात्र सफल हुनसक्छन्।

वृश्चिक (Scorpio)

तो, ना, नि, नु, ने, नो, या, यि, यु

मनोरञ्जन र घुमफिरको अवसर प्राप्त हुनेछ। प्रियजनहरूसँगको भेटघाटले दिन रमाइलो बनाउनेछ। अतिथिका रूपमा सत्कार पाइने सम्भावना छ। आर्थिक वृद्धिका लागि नयाँ योजनाको थालनी गर्न सकिनेछ। प्रेम र मित्रताको सम्बन्ध अझ प्रगाढ बन्नेछ। व्यापार व्यवसायको सिलसिलामा यात्रा हुनसक्छ। कार्यक्षेत्रमा सहकर्मीहरूको सहयोग प्राप्त हुनेछ। निमन्त्रणा स्वीकार गर्दा खर्च बढ्न सक्ने सम्भावना भएकाले सोचविचार गरेर निर्णय गर्नु उचित हुनेछ।

धनु (Sagittarius)

ये, यो, भ, भि, भु, ध, फा, ढ, भे

विगतका उपलब्धिहरूले थप आत्मविश्वास बढाउनेछ। आगामी महत्वपूर्ण कार्यहरूको लागि आधार तयार पार्न सकिनेछ। प्रयत्न गरेमा अनेक अवसरहरू हात पार्न सकिन्छ। परिश्रम गरे अनुसार सफलता मिल्नेछ। प्रतिस्पर्धात्मक क्षेत्रमा विजय प्राप्त हुनेछ। स्वास्थ्यमा सुधार आउनेछ। मुद्दा मामिलामा आफ्नो पक्ष बलियो बन्नेछ। प्रतिस्पर्धीहरूलाई पछि पार्न सकिनेछ।

मकर (Capricorn)

भो, ज, जि, खि, खु, खे, खो, गा, गि

योजनाबद्ध कार्य सम्पादनमा केही ढिलाइ भए तापनि सकारात्मक समाचारहरूले उत्साहित बनाउनेछन्। अध्ययन तथा अनुसन्धानमा अभिरुचि बढ्नेछ। बौद्धिक क्षमताले महत्वपूर्ण कामहरू गर्न मद्दत पुर्याउनेछ। व्यापारमा राम्रो नाफा हुनेछ। कृषिक्षेत्र वा पशुपालनबाट आर्थिक लाभ मिल्नेछ। सन्तान वा अनुयायीहरूको साथले आत्मबल बढ्नेछ। विगतका परिश्रमको उचित प्रतिफल हात लाग्नेछ।

कुम्भ (Aquarius)

गु, गे, गो, सा, सि, सु, से, सो, द

हतारमा गरिने निर्णयले अप्ठ्यारो निम्त्याउने सम्भावना छ, त्यसैले सचेत रहनुहोला। तत्कालीन लाभ हेर्दा भविष्यमा समस्या पर्न सक्छ। पारिवारिक वा सामाजिक सम्बन्धमा असमझदारी बढ्न सक्छ। शुभचिन्तकहरू टाढिन सक्छन्। विचारविनै बोलेका शब्दहरूले समस्या निम्त्याउन सक्छन्। चुनौतीपूर्ण स्थितिमा साथ दिने व्यक्तिहरू न्यून रहन सक्छन्। परिश्रमबाट मात्र इच्छित सफलता मिल्ने सम्भावना छ।

मीन (Pisces)

दि, दु, थ, झ, ञ, दे, दो, च, चि

नयाँ कार्यको थालनी हुनेछ। मेहनत अनुसार उचित प्रतिफल पाइनेछ। अपेक्षित उपलब्धि हासिल हुनेछ। दाजुभाइबीच आत्मीयता बढ्नेछ। प्रेम तथा मित्रताको सम्बन्ध अझ बलियो बन्नेछ। व्यवसायिक क्षेत्रमा आर्थिक लाभ हुनेछ। लगानी गर्दा सोचविचार गर्दा दीर्घकालीन फाइदा लिन सकिन्छ। प्रतिस्पर्धामा अग्रता प्राप्त गर्न सकिनेछ।