दैनिक राशिफल

मेष (ARIES) – चु, चे, चो, ला, लि, लु, ले, लो, अ

नाफा खोज्दा प्रतिष्ठामा असर पर्न सक्छ, त्यसैले विवेकपूर्वक निर्णय लिनुहोला। आजको दिन अरूलाई सहयोग गर्नु भन्दा आफैंका लागि केन्द्रित हुने उचित हुनेछ। खर्च गर्दा सतर्क रहनुहोस्, किनभने अहिले खर्चिएको धन भविष्यमा आफैंलाई आवश्यक पर्न सक्छ। पुराना सम्झौताहरू नवीकरण नगर्दा आर्थिक लाभ गुम्न सक्छ। अन्यको व्यवहारप्रति शंका उत्पन्न भए पनि मान्यजनको सल्लाह अनुसरण गर्दा फाइदा हुनेछ।

वृष (TAURUS) – इ, उ, ए, ओ, बा, बि, बु, बे, बो

नयाँ कार्य थालनी गर्न उत्तम दिन हुनेछ। शुभचिन्तकहरूको सहयोग पाउने समय भएकाले प्रयासहरू सफल हुनेछन्। मेहनत अनुसारको परिणाम प्राप्त हुनेछ, जसले प्रतिष्ठा बढाउनेछ। सेवा सम्बन्धी काममा रुचि राख्नेहरूका लागि अवसर मिल्नेछ। लगनशीलताले दिगो योजना बनाउने प्रेरणा दिनेछ। रोकिएका कार्यहरू पुनः अघि बढाउन सकिनेछ। वित्तीय रूपमा फाइदा हुने दिन भएकाले नयाँ अवसरहरू खोज्ने प्रयास गर्नुहोस्।

मिथुन (GEMINI) – का, कि, कु, घ, ङ, छ, के, को, ह

बौद्धिक क्षेत्रमा प्रगति हुनेछ। अध्ययन, लेखन तथा सिर्जनात्मक कार्यहरूबाट ख्याति प्राप्त गर्न सकिनेछ। बोलीको प्रभावबाट कार्य सफल हुने सम्भावना छ। आलोचकहरूले समेत तारिफ गर्ने दिन भएकाले आत्मविश्वास बढ्नेछ। परिश्रमको कदर हुनेछ, जसले प्रतिष्ठित स्थान दिलाउन सक्छ। सहयोगीहरूले साथ दिनेछन्, जसका कारण भविष्यका लागि फाइदाजनक निर्णय लिन सकिनेछ।

कर्कट (CANCER) – हि, हु, हे, हो, डा, डि, डु, डे, डो

आजको दिन रमाइलो तथा उत्साहजनक रहनेछ। नयाँ अवसरहरू आउन सक्नेछन भने आफन्त तथा शुभेच्छुकहरूसँग पुनः भेटघाट हुनेछ। स्वादिष्ट भोजनको अवसर मिल्नेछ। विगतका कमजोरी सच्याउँदै जीवनशैलीमा सकारात्मक परिवर्तन ल्याउन सकिनेछ। बौद्धिक क्षमताको कदर हुनेछ भने आत्म-उन्नतिको अवसर प्राप्त हुनेछ।

सिंह (LEO) – मा, मि, मु, मे, मो, टा, टि, टु, टे

अरूको दबाबमा काम गर्नुपर्ने परिस्थिति आउन सक्छ। अनावश्यक खर्च बढ्नाले आर्थिक व्यवस्थापन कठिन हुन सक्छ। उधारो कारोबार गर्दा सावधानी अपनाउनुहोला। अध्ययनमा समय दिन कठिनाइ हुन सक्छ। आफन्तबाट टाढिनुपर्ने अवस्था आउन सक्छ, जसले मानसिक तनाव सिर्जना गर्न सक्छ। यद्यपि, प्रयत्न गर्दा यात्राको योजना अगाडि बढ्न सक्छ। दोहोर्याएर प्रयास गर्दा आँटेको काम बन्ने सम्भावना छ।

कन्या (VIRGO) – टो, प, पि, पु, ष, ण, ठ, पे, पो

पहिलेका परिश्रम तथा लगानीको प्रतिफल प्राप्त हुनेछ। आयआर्जनका नयाँ स्रोतहरू फेला पर्नेछन्। प्रयत्न गर्दा चल-अचल सम्पत्ति नगदमा परिणत गर्न सकिनेछ। आर्थिक रूपमा सशक्त हुने दिन भएकाले आवश्यकताहरू पूरा गर्न सहज हुनेछ। प्रतीक्षित सफलता हात लाग्नेछ भने कर्मयोगको विशेष फल प्राप्त हुनेछ। व्यवसायमा फाइदा हुनेछ।

तुला (LIBRA) – र, रि, रु, रे, रो, ता, ति, तु, ते

दिन उत्साहजनक रहनेछ। नैतिक मर्यादाको पालना गर्दै काम गर्दा प्रतिष्ठा आर्जन हुनेछ। स्वार्थका लागि संगत गर्नेहरू पछि हट्न सक्छन्, तर इमानदार प्रयासले सफलता दिलाउनेछ। मिहिनेतले सम्मान, धन र अवसर प्रदान गर्नेछ। विशेष व्यक्तिहरूसँग मित्रता बढ्नेछ, जसले भविष्यमा लाभ दिलाउनेछ। चिन्तन, अध्ययन तथा लेखनमा रूचि बढ्नेछ।

वृश्चिक (SCORPIO) – तो, ना, नि, नु, ने, नो, या, यि, यु

सानो प्रयासले ठूलो सफलता हात लाग्नेछ। आर्थिक रूपमा अलिकति चुनौती आए पनि आवश्यकता पूरा गर्न सकिनेछ। शुभचिन्तकहरूको साथले मनोबल उच्च रहनेछ। समाजसेवा तथा मानवीय कार्यमा संलग्न हुँदा मान-सम्मान प्राप्त हुनेछ। आध्यात्मिक चेतनाले सकारात्मक कार्यतर्फ उन्मुख गराउनेछ।

धनु (SAGITTARIUS) – ये, यो, भ, भि, भु, ध, फा, ढ, भे

सामान्य कार्यहरू सम्पन्न गर्न बढी समय लाग्न सक्छ। अपेक्षित लाभ नहुनाले निराशा सिर्जना हुन सक्छ। परिबन्धले केही चुनौतीहरू ल्याउन सक्छ। अरूका विषयमा अत्यधिक चासो राख्दा अनावश्यक झमेला निम्तिन सक्छ। स्वास्थ्यप्रति ध्यान दिन आवश्यक छ। तत्काल लाभ नदेखिए पनि मेहनतले भविष्यमा सकारात्मक नतिजा दिलाउनेछ।

मकर (CAPRICORN) – भो, ज, जि, खि, खु, खे, खो, गा, गि

रमाइलो यात्रा तथा भेटघाटको अवसर जुट्नेछ। व्यापार तथा व्यवसायमा वृद्धि हुनेछ भने आर्थिक रूपमा लाभदायक समय रहनेछ। प्रियजन तथा टाढाका आफन्तहरूसँग पुनर्मिलन हुनेछ। प्रेमसम्बन्ध तथा मित्रता प्रगाढ बन्नेछ। मेहनत गर्दा लक्ष्य हासिल हुनेछ। समाजसेवा तथा पेसागत क्षेत्रमा गरिएका प्रयासहरूको उच्च मूल्यांकन हुनेछ।

कुम्भ (AQUARIUS) – गु, गे, गो, सा, सि, सु, से, सो, द

विगतका उपलब्धिहरूले हौसला प्रदान गर्नेछन्। नयाँ तथा दिगो लाभदायक कार्यहरू प्रारम्भ गर्न सकिनेछ। परिश्रमको प्रतिफल स्वरूप लक्ष्य हासिल गर्न सकिनेछ। रोग तथा शत्रुबाट छुटकारा पाइनेछ। कानूनी वा प्रतिस्पर्धात्मक कार्यहरूमा सफलता मिल्नेछ। लामो यात्राका लागि अनुकूल समय रहेकोले योजनाहरू अघि बढाउन सकिनेछ।

मीन (PISCES) – दि, दु, थ, झ, ञ, दे, दो, च, चि

सुखद समाचार प्राप्त हुने समय छ, जसले मानसिक राहत प्रदान गर्नेछ। केही जटिल परिस्थितिहरू समाधान गर्न समय लाग्न सक्छ। अध्ययनमा धेरै समय दिन नसकिए पनि बौद्धिक क्षेत्र फराकिलो बन्नेछ। मेहनतले प्रतिष्ठित अवसर दिलाउन सक्छ। गुरुजनको मार्गदर्शन फलदायी हुनेछ। सहपाठीहरू पछाडि परे पनि तपाईंको प्रयासले सफलता दिलाउनेछ।