मेष - Aries

समयमै काम नसकिँदा अवसर गुम्ने सम्भावना छ। बाध्यताले असहजता निम्त्याउन सक्छ। जिम्मेवारीहरू बढ्नेछन्, जसले मुख्य कार्यमा अवरोध ल्याउन सक्छ। व्यवसायिक क्षेत्रमा खर्च बढ्नेछ भने अन्यका काममा समय खर्चिनुपर्ने हुन सक्छ। लगानी गर्न केही समय प्रतीक्षा गर्नुहोला। पढाइमा पनि पर्याप्त समय दिन कठिन हुन सक्छ। अरूको भर पर्नाले काम अड्किन सक्छ, सचेत रहनुहोस्।

वृष - Taurus

पहिलेका समस्याहरू दोहोरिनाले अन्योल बढ्न सक्छ। हल्लाको पछि लाग्दा नोक्सान हुन सक्छ, तर समस्या सामना गर्दा शुभचिन्तकहरू साथ दिनेछन्। मिहिनेतले भविष्यमा फाइदा दिलाउनेछ। तत्काल लाभ नदेखिए पनि समस्या समाधान गर्ने उपाय भेट्न सकिनेछ। स्वास्थ्यलाई ध्यान दिनुहोला। गोपनीयतामा विशेष सतर्कता अपनाउनुहोस्। प्रयास गर्दा केही हदसम्म काम बन्न सक्छ।

मिथुन - Gemini

सोचेका काममा सहयोगीहरू प्रशस्त भेटिनेछन्। परिवारको साथले उत्साह बढाउनेछ। विभिन्न किसिमका सहयोग र उपहार प्राप्त हुन सक्छ। आयआर्जन राम्रो हुनेछ। सम्मानित अतिथिका रूपमा बोलाइने सम्भावना छ। स्वास्थ्यमा ध्यान दिन आवश्यक छ। फुर्सद मिल्नेछ भने यात्राको अवसर जुट्न सक्छ। प्रेम र मित्रताको सम्बन्ध अझ गहिरो बन्नेछ। रमाइलो भेटघाटको अवसर मिल्नेछ।

कर्कट - Cancer

वादविवादमा फस्नाले काममा अवरोध सिर्जना हुन सक्छ। इर्ष्यालु प्रवृत्तिका व्यक्तिहरूले अप्ठ्यारो पार्न सक्छन्। कसैले तपाईंलाई दबाब दिएर फाइदा उठाउने प्रयास गर्नेछन्। केही चीज त्याग्नुपर्ने हुन सक्छ। आर्थिक समस्या देखा पर्न सक्छ। उधारोमा व्यापार गर्नुपर्ने हुन सक्छ। अध्ययनमा समय दिन नसक्दा पछि परिनेछ। विवादबाट टाढा रहेर समयको सही सदुपयोग गर्नुहोस्।

सिंह - Leo

समय व्यवस्थापन गर्न नसक्दा असहज स्थिति आउन सक्छ। उपकरण तथा भौतिक साधन बिग्रनाले लक्ष्य प्राप्तिमा ढिलाइ हुन सक्छ। कठिन परिस्थितिसँग सम्झौता गर्नुपर्दा मन खिन्न रहन सक्छ। पाचन समस्या तथा पेटको गडबडीले स्वास्थ्य कमजोर बन्न सक्छ। अरूको लागि श्रम तथा बुद्धि खर्चनुपर्ने देखिन्छ। झूटो आश्वासन दिनेहरूबाट सचेत रहनुहोस्। नयाँ काम सुरु गर्नुअघि राम्ररी विचार गर्नुहोला।

कन्या - Virgo

परिस्थिति केही चुनौतीपूर्ण रहनेछ, जसले अपेक्षित लाभ रोक्न सक्छ। साझेदारीमा समस्या आउन सक्छ, तथा पहिले गरिएका सम्झौताहरू भंग हुने सम्भावना छ। आफ्नैले केही असहयोग गर्न सक्छन्। अन्यायविरुद्ध लड्ने भावना जाग्नेछ, तर काम बिग्रने डरले सताइरहनेछ। महत्त्वाकांक्षी योजनाहरू गोप्य राख्नुहोला। प्राथमिकताका आधारमा काम गर्दा फाइदा मिल्नेछ।

तुला - Libra

काम दोहोर्याउनुपर्ने स्थिति आउन सक्छ। प्रतिस्पर्धामा भाग लिनुपरे पनि मिहिनेतले सफलता मिल्नेछ। साथीभाइसँग सन्तुलित व्यवहार गर्नुहोला। कतिपय अवस्थामा आफ्नै सहयोगीहरू अवरोध बन्न सक्छन्। अरूले तपाईंको श्रेय लिन खोज्न सक्छन्। निरन्तरको लगनशीलताले मात्र लक्ष्य पूरा गर्न सकिनेछ। प्रयत्न गर्दा समाजसेवामा पनि संलग्न हुने अवसर प्राप्त हुनेछ।

वृश्चिक - Scorpio

कामको सुरुवात राम्रो हुने भए पनि अन्त्यमा सोचेअनुसारको परिणाम नआउन सक्छ। धेरै बोल्दा गोपनीयता जोखिममा पर्नेछ। अवसर प्राप्त भए पनि काम पूरा गर्न समय लाग्नेछ। आलोचकहरूसँग व्यवहारिक रूपमा सामना गर्नुहोला। शुभचिन्तकहरूको साथ पाइनेछ। निरन्तरको लगनशीलताले मात्र सफलता प्राप्त गर्न सकिनेछ। प्रयत्न गर्दा चिताएको काम बन्नेछ।

धनु - Sagittarius

अघिल्लो सफलता थप प्रेरणाको स्रोत बन्नेछ। नयाँ कामका प्रस्तावहरू आउनेछन्, र सहयोग गर्नेहरूको संख्या बढ्नेछ। आँटले काम सफल हुनेछ, जसले राम्रो आम्दानी दिलाउनेछ। छुट्टिएका परिवारजनहरूसँग पुनर्मिलन हुनेछ। रमाइलो जमघट तथा स्वादिष्ट भोजनको आनन्द पाइनेछ। प्रेम र मित्रताको सम्बन्ध अझ बलियो हुनेछ। विगतका गल्तीहरू सुधार्ने अवसर मिल्नेछ।

मकर - Capricorn

कामप्रति गम्भीर नबन्दा अवसर गुम्न सक्छ। आफ्नै कमजोरीका कारण निकट साथीभाइ टाढिन सक्छन्। अवसर खोज्न केही दौडधुप गर्नुपर्नेछ। अत्यधिक लाभ खोज्दा सम्बन्ध बिग्रन सक्छ। खर्च बढ्नेछ, र आर्थिक अभाव महसुस हुन सक्छ। आलोचकहरू सक्रिय हुनेछन्, तर सहयोग गर्नेहरू कम भेटिनेछन्। चुनौतीहरू पार गर्दै सचेततापूर्वक अघि बढ्नु आवश्यक छ।

कुम्भ - Aquarius

गरेको कामबाट राम्रो लाभ प्राप्त हुनेछ। साझेदारी व्यवसाय तथा लगानीमा फाइदा हुनेछ। आम्दानीका स्रोतहरू बढ्नेछन्, जसले परिवारका आवश्यकताहरू पूरा गर्न मद्दत गर्नेछ। तर आफ्नो परिश्रमबाट अरूले फाइदा उठाउन सक्छन्। केही कारणले काममा ढिलाइ हुन सक्छ। पछि लगानी गर्न वा सञ्चय गर्न उपयुक्त समय हुनेछ।

मीन - Pisces

परिस्थितिले केही समस्या ल्याउन सक्छ। काममा ढिलाइ हुनाले उद्देश्य प्राप्त गर्न समय लाग्नेछ। अवसरवादीहरूले तपाईंको कमजोरीको फाइदा उठाउने प्रयास गर्नेछन्। कमजोर परिणाम सच्याउन काम दोहोर्याउनुपर्ने हुन सक्छ। अरूका लागि समय, धन र बुद्धि खर्चनुपर्नेछ। तत्काल फाइदा नदेखिए पनि दीर्घकालीन फाइदा हुने योजना बनाउन सकिनेछ।