News Desk
(चु, चे, चो, ला, लि, लु, ले, लो, अ)
आयको स्रोत सबल बन्ने हुँदा आवश्यक भौतिक साधन सहजै जुट्नेछन्। काम सफल भएपछि आत्मविश्वास बढ्नेछ। श्रमको उचित मूल्य पाइनेछ, जसले व्यापार र व्यवसायमा उन्नति दिलाउनेछ। छोटो समयमा महत्त्वपूर्ण उपलब्धिहरू हात लाग्नेछन्। जिम्मेवारी बढ्नेछ, जसले व्यावसायिक जीवनलाई अझ उन्नत बनाउनेछ। दीर्घकालीन लाभ हुने कार्य प्रारम्भ गर्न सकिनेछ। साझेदारीबाट पनि राम्रो फाइदा उठाउन सकिने समय छ।
(इ, उ, ए, ओ, बा, बि, बु, बे, बो)
राम्रो कर्मको प्रतिफल हात लाग्ने हुँदा मन प्रसन्न रहनेछ। सामाजिक नेतृत्व प्राप्त गर्ने अवसर आउनेछ। व्यापारिक गतिविधिमा फाइदा हुनेछ। प्रतिष्ठित काम गर्ने अवसर मिल्नेछ, जसले आत्मसम्मान बढाउनेछ। मेहनतले जीवनशैलीमा सकारात्मक परिवर्तन ल्याउनेछ। लगनशीलताले कीर्तिमानी सफलता दिलाउन सक्छ। विशिष्ट व्यक्तिहरूको सहयोग जुट्नेछ, जसले लक्ष्यमा पुग्न सहज हुनेछ।
(का, कि, कु, घ, ङ, छ, के, को, ह)
समर्पणका साथ गरिएको श्रमको अपेक्षित मूल्य नपाइने सम्भावना छ। कार्य क्षेत्रमा अन्य व्यक्तिहरूको हस्तक्षेप बढ्न सक्छ। अरूको लागि बुद्धि खर्चनुपर्ने अवस्था आउन सक्छ। जीवनशैली व्यस्त रहनेछ, तर सोचेअनुसारको उपलब्धि नहुन सक्छ। गरिरहेको कार्यलाई निरन्तरता दिने समय छ। मिहिनेतले केही लाभांश प्राप्त गर्न सकिनेछ। केही योजना स्थगित भए पनि दीर्घकालीन योजना निर्माण हुनेछ।
(हि, हु, हे, हो, डा, डि, डु, डे, डो)
परिस्थितिजन्य अप्ठ्याराहरू उत्पन्न हुन सक्छन्। गोपनीय विषयहरू बाहिरिनाले समस्याहरू निम्तिन सक्छन्। सम्भावना भए पनि लक्ष्य प्राप्त गर्न थप मिहिनेत आवश्यक हुनेछ। प्रतीक्षित नतिजा कमजोर देखिनाले कार्य दोहोर्याउनुपर्ने स्थिति आउन सक्छ। साना कार्यहरूका लागि दौडधुप गर्नुपर्नेछ। व्यस्तता बढ्नेछ, जसले थकान अनुभूति गराउनेछ। स्वास्थ्यप्रति सचेत रहनु उचित हुनेछ।
(मा, मि, मु, मे, मो, टा, टि, टु, टे)
नयाँ अवसर प्राप्त नभए पनि विभिन्न सहयोग तथा उपहारहरू हात लाग्नेछन्। रमाइलो यात्राको अवसर जुट्नेछ। मन मिल्ने साथी भेटिनुका साथै प्रेम र मित्रताको सम्बन्ध बलियो बन्नेछ। कार्यभार कम हुँदै जानेछ। व्यवसायिक लाभ प्रशस्त हुनेछ। पारिवारिक साथ-सहयोगले नयाँ उत्साह प्रदान गर्नेछ। अतिथि रूपमा मान-सम्मान प्राप्त हुने सम्भावना छ।
(टो, प, पि, पु, ष, ण, ठ, पे, पो)
भौतिक साधनको उपलब्धताले दीर्घकालीन योजना प्रारम्भ गर्न सकिनेछ। नयाँ कार्य योजनामा संलग्न भइनेछ। अरूको विश्वास जित्न केही समय लागे पनि दीर्घकालीन लाभ हुने अवसरहरू हात लाग्नेछन्। पहिले इर्ष्या गर्नेहरू नै सहयोगी बन्ने सम्भावना छ। चुनौतीहरू पार गर्दै कार्य सफल पार्न सकिनेछ। प्रतिस्पर्धामा विजय प्राप्त हुनेछ। व्यवसाय र पेशामा राम्रो फाइदा लिन सकिने समय छ।
(र, रि, रु, रे, रो, ता, ति, तु, ते)
अवसर र चुनौतीहरूको सामना गर्दै कर्मपथ अघि बढ्नेछ। कार्य व्यवस्थापनमा समस्या उत्पन्न हुनसक्छ। अरूका लागि बुद्धि खर्चनुपर्नेछ। पहिलेका सहकर्मीहरू टाढिन सक्छन्। स्वास्थ्यमा केही कमजोरी देखिनाले अध्ययन तथा अन्य क्रियाकलापमा प्रभाव पर्न सक्छ। समयलाई सही ढंगले सदुपयोग गर्न नसके परिस्थितिसँग सम्झौता गर्नुपर्ने हुन सक्छ। धैर्यता तथा लगनशीलताले मात्र सफलता हात लाग्नेछ।
(तो, ना, नि, नु, ने, नो, या, यि, यु)
परिवार र आफन्तहरूसँग धेरै समय बिताउनु पर्ने हुन सक्छ। आश्वासन दिनेहरूले प्रतिबद्धता पूरा नगर्नाले केही निराशा उत्पन्न हुन सक्छ। अफवाह वा हल्लामा विश्वास गर्दा धोका पाइने सम्भावना छ। कृषि तथा घरेलु कामकाजमा बढी ध्यान दिनुपर्नेछ। बिना कारण आफन्त तथा साथीभाइ टाढिन सक्छन्। साझेदारहरूसँग असमझदारी उत्पन्न हुन सक्ने हुँदा सजगता अपनाउनु उचित हुनेछ। हडबडीले समस्या निम्त्याउन सक्छ।
(ये, यो, भ, भि, भु, ध, फा, ढ, भे)
सहयोगीहरूको साथ प्राप्त हुने भएकाले चिताएका कार्यहरू सम्पन्न हुनेछन्। प्रतिस्पर्धीहरू पछि पर्नेछन्। मेहनतका कारण सकारात्मक नतिजा आउनेछ। तारिफयोग्य कार्य गर्दै आर्थिक लाभ उठाउन सकिनेछ। आशा गरिएका नतिजाले उत्साह बढाउनेछ। न्यून लगानीबाट पनि राम्रो फाइदा उठाउन सकिनेछ। विभिन्न भौतिक साधनहरूको प्राप्ति हुनेछ। उद्योग तथा व्यापारमा विशेष फाइदा लिने अवसर मिल्नेछ।
(भो, ज, जि, खि, खु, खे, खो, गा, गि)
प्रतिबद्धता पूरा गर्न नसक्दा आलोचना खेप्नुपर्ने हुन सक्छ। हतारिएको निर्णयले समस्या निम्त्याउन सक्छ। हातमा आएको धन अरूका लागि खर्चनुपर्ने हुन सक्छ। बुद्धिको सही प्रयोग गर्दा इच्छित योजना कार्यान्वयन गर्न सकिनेछ। तर, अरूको सहारामा निर्भर हुने बानीले आफ्नै काम अधुरो रहने सम्भावना छ। गोपनीयतामा ध्यान पुर्याएर शुभचिन्तकहरूको सुझावअनुसार अघि बढ्नु उचित हुनेछ।
(गु, गे, गो, सा, सि, सु, से, सो, द)
अवसर प्राप्त भए पनि आत्मविश्वासको कमीले पछि परिने सम्भावना छ। सामाजिक जमघटमा अलमलिनाले योजना कार्यान्वयनमा ढिलाइ हुन सक्छ। तर, मेहनत गर्दा भविष्यमा फाइदा लिन सकिनेछ। स्वास्थ्यका लागि खानपानमा ध्यान पुर्याउनु आवश्यक हुनेछ। वातावरण उल्लासमय भए पनि जीवनशैली व्यस्त रहनेछ। प्रयासले नाम र दाम दुवै प्राप्त गराउन सक्छ। टाढिएका आफन्तहरूसँग पुनः भेटघाटको सम्भावना छ।
(दि, दु, थ, झ, ञ, दे, दो, च, चि)
करकापमा परी कार्यमा लाग्नुपर्ने वा महत्वपूर्ण निर्णय लिनुपर्ने अवस्था आउन सक्छ। अवसर खोज्नका लागि केही दौडधुप गर्नुपर्नेछ। छरछिमेकमा असमझदारी बढ्न सक्ने भएकाले सावधानी अपनाउनु उचित हुनेछ। आकस्मिक खर्च बढ्न सक्ने सम्भावना छ, जसले आर्थिक असन्तुलन निम्त्याउन सक्छ। पछिका लागि केही वस्तु त्याग गर्नुपर्ने हुन सक्छ। लामो यात्राको सम्भावना देखिन्छ।
