News Desk
चु, चे, चो, ला, लि, लु, ले, लो, अ
आफ्नो क्षेत्रमा नेतृत्व जमाउँदै सम्मान, धन, र अवसरहरू हात पार्ने अनुकूल समय छ। मेहनतको फलस्वरूप विभिन्न ढोका खुल्नेछन्। विशेष व्यक्तित्वहरूसँग सम्बन्ध सुधारिनेछ। दिउँसोदेखि हराएको प्रतिष्ठा पुनः स्थापित हुने भएकाले आत्मविश्वास बढ्नेछ। आम्दानीका नयाँ स्रोत फेला पर्नेछन्। पुराना समस्याहरू समाधान भएसँगै नयाँ उपलब्धिहरू हात लाग्नेछन्। समर्पण र लगनशीलता सफलता दिलाउनेछ।
इ, उ, ए, ओ, बा, बि, बु, बे, बो
बिहान अरूका समस्याहरू समाधान गर्न व्यस्त रहनुपर्नेछ। व्यावसायिक चुनौतीहरू हटाउँदै समय बित्नेछ। यद्यपि, सामाजिक कार्यमा संलग्नता बढेमा फाइदा हुने देखिन्छ। आध्यात्मिक चेतना बढ्नेछ, जसले धर्मकर्म र सेवामा प्रेरित गर्नेछ। दिउँसोपछि परिस्थितिहरू अनुकूल बन्नेछन्। प्रयासअनुसार सम्मान पाइनेछ। शुभचिन्तकहरूको साथ प्राप्त हुनेछ, भने भविष्यका योजनाहरू तय गर्ने उचित समय हुनेछ।
का, कि, कु, घ, ङ, छ, के, को, ह
शारीरिक अस्वस्थताले केही कार्यमा अवरोध आउन सक्छ। अनावश्यक खर्च बढ्ने सम्भावना भएकाले सचेत रहनुपर्छ। चुनौतीहरू भए पनि बुद्धिमत्ताले समाधान गर्न सकिनेछ। समस्या आएमा सहयोगीहरूबाट समर्थन प्राप्त हुनेछ। दिउँसोपछि परिस्थितिहरू सहज बन्दै जानेछन्। कठिन श्रम गर्नुपर्ने भए पनि लगनशीलताले सफलता दिलाउनेछ। समयमै लक्ष्य पूरा गर्न नसके पनि भविष्यका लागि योजनाबद्ध हुन सकिनेछ।
हि, हु, हे, हो, डा, डि, डु, डे, डो
यात्रा तथा मनोरञ्जनका अवसर प्राप्त हुनेछन्। आकर्षक उपहार प्राप्त हुनाले उत्साह जाग्नेछ। बिहान महत्वपूर्ण काम गर्न अनुकूल समय हुनेछ। राम्रा कामको प्रशंसा प्राप्त हुनेछ। दिउँसोबाट केही अवरोध आउने सम्भावना छ। अपेक्षित सफलता प्राप्त नहुन सक्छ। स्वास्थ्यप्रति सचेत रहनु आवश्यक छ। असावधानीका कारण आफ्नै उपलब्धिहरू अरूले हत्याउन सक्छन्, त्यसैले सजग रहनुहोला।
मा, मि, मु, मे, मो, टा, टि, टु, टे
प्रयत्न गरे लक्ष्य हासिल गर्न सकिनेछ। मेहनतले प्रतिस्पर्धामा विजय दिलाउनेछ। केही चुनौतीहरू सामना गर्नुपरे पनि सम्मान र अधिकार जोगाउन सफल भइनेछ। दीर्घकालीन फाइदाका लागि नयाँ कार्य प्रारम्भ गर्न सकिनेछ। दिउँसोपछि अवसरहरू बढ्नेछन्। व्यापारिक यात्रा लाभदायक हुनेछ। उपहार प्राप्त हुने सम्भावना छ, जसले कार्यमा उत्साह बढाउनेछ। ज्ञान, कला, र व्यक्तित्वमा निखारता आउनेछ।
टो, प, पि, पु, ष, ण, ठ, पे, पो
बिहान साना समस्याहरूमा अल्झिनुपर्ला। केही काम दोहोर्याउनुपर्ने देखिन्छ। मेहनतीहरूका लागि समय उत्साहजनक रहनेछ। बुद्धिमत्ताले जटिलता समाधान गर्न सकिनेछ। दिउँसोदेखि अनुकूल परिस्थिति बन्नेछ। प्रतिस्पर्धामा सफलता मिल्नेछ भने प्रतिस्पर्धीहरू पराजित हुनेछन्। साहस र पराक्रमले नयाँ अवसरहरू प्राप्त गराउनेछ। यात्राका क्रममा स्वास्थ्यमा विशेष ध्यान पुर्याउनु उपयुक्त हुनेछ।
र, रि, रु, रे, रो, ता, ति, तु, ते
अरूको लागि योगदान दिने समय हुनेछ, तर आफ्ना लागि परिस्थिति चुनौतीपूर्ण हुन सक्छ। आफ्नै नजिकका व्यक्तिहरूबाट धोका हुन सक्छ। साझेदारसँग असमझदारी बढ्नाले सम्झौता भंग हुन सक्छ। हचुवाका भरमा निर्णय गर्नाले समस्या निम्तिन सक्छ। दिउँसोपछि सुधार आउनेछ। अघिल्लो कमजोरी सच्याउने मौका पाइनेछ। अध्ययन र ज्ञानमा उन्नति हुने समय छ।
तो, ना, नि, नु, ने, नो, या, यि, यु
बिहान कार्यका लागि अनुकूल समय हुनेछ। आवश्यक स्रोतसाधन जुटाउन सकिनेछ। प्रतिस्पर्धामा सफलता प्राप्त हुनेछ। मेहनतअनुसार लाभ मिल्नेछ। सामाजिक तथा व्यवसायिक क्षेत्रमा राम्रो स्थान बनाइनेछ। दिउँसोपछि आफ्नै समस्याले सताउने सम्भावना छ। आत्मीयहरू टाढिन सक्छन्, जसले मानसिक तनाव बढाउन सक्छ। व्यवसायमा केही चुनौती उत्पन्न हुन सक्छ, जसका लागि अतिरिक्त परिश्रम आवश्यक पर्नेछ।
ये, यो, भ, भि, भु, ध, फा, ढ, भे
आत्मविश्वास कमजोर हुँदा पछि परिने डर छ। हचुवा निर्णयले अप्ठ्यारो सिर्जना गर्न सक्छ। शुभचिन्तकहरूको सुझाव बेवास्ता गर्दा कठिनाइ भोग्नुपर्नेछ। दिउँसोदेखि नयाँ योजनामा लाग्न सकिनेछ। व्यापार र उद्योगमा विशेष लाभ हुने समय छ। रोकिएका कार्यहरू सम्पन्न हुनेछन्। नयाँ कार्य सुरुवात गर्न सकिनेछ। परिश्रमको राम्रो प्रतिफल प्राप्त हुनाले मन प्रफुल्ल रहनेछ। सहयोग र उपहार प्राप्त हुन सक्छ।
भो, ज, जि, खि, खु, खे, खो, गा, गि
इच्छाशक्ति बढ्नेछ र विशेष उपलब्धिहरू हात लाग्नेछन्। खाली समय सिर्जनात्मक कार्यमा लगानी गर्न सकिनेछ। पारिवारिक जमघट रमाइलो हुनेछ। स्वादिष्ट भोजनको आनन्द उठाउन पाइनेछ। नयाँ अवसरहरू हात लाग्नेछन्। दैनिकीमा सकारात्मक परिवर्तन देखिनेछ। दिउँसोपछि खर्चमा वृद्धि हुने संकेत छ। अनावश्यक खरिदले बजेट असन्तुलित हुन सक्छ। आवश्यकता भन्दा बढी खर्च गर्न नहुने समय हो।
गु, गे, गो, सा, सि, सु, से, सो, द
अरूको प्रभावमा परेर खर्च बढ्ने सम्भावना छ। अवसरहरू प्राप्त गर्न कठोर परिश्रम गर्नुपर्नेछ। विदेश यात्रा सोचिरहेका व्यक्तिहरूका लागि प्रक्रिया अघि बढ्ने समय हो। छरछिमेकमा केही असमझदारी देखिन सक्छ। दिउँसोपछि स्थिति सुधारिनेछ। आफन्तहरूसँग भेटघाट हुनेछ। स्वादिष्ट भोजनको आनन्द प्राप्त हुनेछ। नयाँ कार्यको प्रस्ताव आउन सक्छ, जसले भविष्यमा सफलता दिलाउनेछ।
दि, दु, थ, झ, ञ, दे, दो, च, चि
बिहान फलदायी रहनेछ। व्यापार, साझेदारी, तथा सट्टापट्टामा लाभ मिल्नेछ। परिश्रमको उचित मूल्य प्राप्त हुनेछ। आम्दानी बढ्नेछ। जिम्मेवारी पनि बढ्ने देखिन्छ। दिउँसोपछि अवसरका लागि दौडधुप गर्नुपर्नेछ। व्यवसायमा थप लगानीको आवश्यकता पर्न सक्छ। आकस्मिक खर्च बढ्नेछ। फजुल खर्चको प्रवृत्ति नियन्त्रण नगरेमा सञ्चित रकम घट्ने सम्भावना छ। केही त्याग गर्नुपर्ने परिस्थिति आउन सक्छ।
