मेष - ARIES
चु, चे, चो, ला, लि, लु, ले, लो, अ

आज दिगो लाभ दिलाउने कामको शुभारम्भ हुने योग छ। प्रयास गर्दा महत्वपूर्ण उपलब्धि हासिल हुनेछ। पहिले अल्झिएको काम बन्नेछ र जिम्मेवारी पनि थपिन सक्छ। आम्दानी बढ्ने क्रमले उत्साह जगाउनेछ। व्यापार व्यवसायमा उल्लेख्य उन्नति सम्भावना छ। गरेको मिहिनेतको उचित मूल्य पाउने समय हो। साँझपख सञ्चित रकम खर्च गर्नुपर्ने परिस्थिति आउन सक्छ। खर्च भए पनि यात्रा र घुमफिरको अवसर प्राप्त हुने देखिन्छ।

वृष - TAURUS
इ, उ, ए, ओ, बा, बि, बु, बे, बो

प्रतिष्ठा पाउने खालको काम गर्ने मौका मिल्नेछ। कठोर मिहिनेतले जीवनशैलीमा सकारात्मक परिवर्तन ल्याउनेछ। लगनशीलता र निरन्तर प्रयासले कीर्तिमान राख्न सकिनेछ। विशेष व्यक्तिहरूको सहयोग प्राप्त हुनेछ। आफ्नै कर्मको राम्रो प्रतिफलले मन हर्षित बन्नेछ। सामाजिक नेतृत्व पाउने सम्भावना छ। साँझपख व्यापार व्यवसायमा फाइदा देखिन्छ। यद्यपि, अत्यधिक महत्त्वाकांक्षाले समस्या निम्त्याउन सक्छ, सतर्क रहनु होला।

मिथुन - GEMINI
का, कि, कु, घ, ङ, छ, के, को, ह

आत्मविश्वासको कमीले केही अवसर चुक्न सक्छ। समयमा तालमेल नमिल्नाले योजना अधूरै रहने देखिन्छ। ईर्ष्यालुहरू सक्रिय रहनेछन् भने स्वार्थीहरूले कमजोरीको फाइदा उठाउन सक्छन्। सानातिना काममै व्यस्त रहनुपर्ने स्थिति देखिन्छ। साँझपख थोरै प्रयासले पनि कीर्तिमान योग्य सफलता हात लाग्ने सम्भावना छ। गुमेको प्रतिष्ठा पुनः प्राप्त हुनसक्छ, जसले आफ्नो प्रभावशाली हैसियत कायम हुनेछ।

कर्कट - CANCER
हि, हु, हे, हो, डा, डि, डु, डे, डो

खानपानमा असावधानीले स्वास्थ्यमा समस्या देखा पर्न सक्छ। आम्दानी रोकिएर योजनाहरू प्रभावित हुन सक्छन्। पहिलेका समस्या दोहोरिएर बाधा आउने संकेत छ। गोप्य विषय बाहिरिन सक्ने भएकाले सचेत रहनुहोला। साँझपछि परिस्थिति सुधारिएर कर्ममा सफलता मिल्नेछ। मिहिनेत गरे अनुकूल नतिजा हात लाग्नेछ।

सिंह - LEO
मा, मि, मु, मे, मो, टा, टि, टु, टे

प्रिय व्यक्तिहरूसँग भेटघाट हुने योग छ। तर विचार नमिल्नाले विवाद हुन सक्छ। प्रेम सम्बन्ध कमजोर बन्ने सम्भावना छ। उधारो कारोबार गर्नु पर्ने अवस्था आउन सक्छ। सोचेजस्तो यात्रा सम्भव नहुन सक्छ। काममा अवरोध आउनाले दुःख भोग्नुपर्नेछ। न्यून उपलब्धिमा चित्त बुझाउनु पर्ने देखिन्छ। स्वास्थ्यमा ख्याल गर्नुपर्ने समय हो। प्रयास गर्दा साँझपख आंशिक फाइदा मिल्नेछ।

कन्या - VIRGO
टो, प, पि, पु, ष, ण, ठ, पे, पो

भौतिक सुविधा जुटेर दीर्घकालीन कामको शुरुवात हुनेछ। साहसिक काम गरेर फाइदा उठाउन सकिनेछ। नयाँ योजना अघि बढाउने अवसर मिल्नेछ। अरूको विश्वास जित्न केही समय लागे पनि फाइदाजनक काम हात लाग्नेछ। साँझपख व्यापार व्यवसायबाट राम्रो लाभ प्राप्त हुनेछ। थोरै लगानीबाट मनग्य नाफा कमाउन सकिनेछ। प्रिय व्यक्तिसँगको भेटघाटले मन रमाइलो रहनेछ।

तुला - LIBRA
र, रि, रु, रे, रो, ता, ति, तु, ते

काममा अलमल हुने सम्भावना छ। अस्वस्थताले काममा प्रभाव पार्न सक्छ। लक्ष्यमा पुग्न समय लाग्ने देखिन्छ। प्रतिस्पर्धीहरूबाट सतर्क रहनुहोला। तुरुन्त लाभ हेर्दा दीर्घकालीन समस्या निम्तिन सक्छ। साँझपख नयाँ कामतर्फ लाग्ने अवसर प्राप्त हुनेछ। तर भौतिक साधनमा क्षति पुग्न सक्ने सम्भावना छ, सजग रहनुहोला।

वृश्चिक - SCORPIO
तो, ना, नि, नु, ने, नो, या, यि, यु

अघिल्लो वचन पूरा गर्न कठिनाइ आउन सक्छ। शुभचिन्तकहरूको साथ पाइनेछ। जग्गा तथा पशुधनबाट लाभ उठाउन सकिनेछ। आमाको सहयोगले काममा सहजता आउन सक्छ। साँझतिर सतर्क भएर काम गर्नुहोस्। अरूको समस्यामा जुट्दा आफ्नै समस्यामा फस्न सक्ने सम्भावना छ। निर्णय गर्दा परिणाम सोचेर मात्रै अघि बढ्नुहोला।

धनु - SAGITTARIUS
ये, यो, भ, भि, भु, ध, फा, ढ, भे

विविध काम गर्ने अवसर प्राप्त हुनेछ। पेसा र व्यवसायमा पनि लाभ हुनेछ। मिहिनेतको उचित प्रतिफल पाइने समय हो। जमिन तथा पशुधनबाट फाइदा हुनेछ। अवसरले मनमा उत्साह ल्याउनेछ। साँझपख पारिवारिक समस्याले तनाव बढ्न सक्छ। आफन्तसँग दूरी बढ्न सक्छ। साथीभाइसँग सन्तुलित व्यवहार गर्नुहोला। अरूको भर पर्ने बानीले पछि पर्न सकिन्छ।

मकर - CAPRICORN
भो, ज, जि, खि, खु, खे, खो, गा, गि

पढाइमा ध्यान केन्द्रित गर्न गाह्रो पर्न सक्छ। प्रतिस्पर्धीहरूले विवादमा तान्न सक्छन्, सावधान रहनुहोला। मिहिनेत गरे नयाँ अवसर हात लाग्ने सम्भावना छ। साँझपख प्रतिस्पर्धीहरूको व्यवहारले असहज महसुस हुनेछ। अरूको विषयमा चासो राख्दा आफैंलाई समस्या पर्न सक्छ। आफ्नै कमजोरीमा आलोचना सहनुपर्ने स्थिति आउन सक्छ।

कुम्भ - AQUARIUS
गु, गे, गो, सा, सि, सु, से, सो, द

अवसर आए पनि काममा पछि परिने स्थिति देखिन्छ। अरूका काममा अल्झिनुपर्ने सम्भावना छ। आफ्नो क्षेत्रमा अरूको प्रभाव बढ्न सक्छ, सतर्क रहनुहोला। साँझतिर विवादास्पद जिम्मेवारी थपिन सक्छ। खर्च बढ्ने संकेत छ। अवसरवादीहरूले आफ्नो कमजोरीको फाइदा उठाउने प्रयास गर्न सक्छन्। अनावश्यक खर्च बढ्न सक्छ।

मीन - PISCES
दि, दु, थ, झ, ञ, दे, दो, च, चि

भविष्यका लागि केही इच्छित वस्तु त्याग्नुपर्ला। तर परिश्रमीहरूका लागि दिन फलदायी रहनेछ। टाढाका साथीहरूबाट साथ र सहयोग प्राप्त हुनेछ। आजको प्रयासले भविष्यमा फाइदा पुग्नेछ। टाढाबाट आउने साथीभाइसँगको भेटघाटले मन प्रसन्न बन्नेछ। कर्जाको माध्यमबाट आर्थिक स्रोत जुट्नेछ। साँझतिर परिवारसँगको भेटघाटले हर्ष बढ्नेछ। नयाँ योजना अघि बढाउने अवसर प्राप्त हुनेछ।