फलितज्योतिषाचार्य

मेष (ARIES)
चु, चे, चो, ला, लि, लु, ले, लो, अ

विगतको सफलताले अझ नयाँ काममा लाग्न प्रेरणा मिल्नेछ। नयाँ प्रस्तावहरू आउनेछन् र अभिप्रेरणा दिने व्यक्तिहरू प्रशस्तै भेटिनेछन्। मनग्य धन आर्जन हुनेछ। नयाँ योजनामा हात हाल्न उत्तम समय छ। रमाइलो जमघट र स्वादिलो भोजनको आनन्द लिने अवसर मिल्नेछ। तर, परिस्थितिअनुसार नचले केही महत्वपूर्ण अवसर छुट्न सक्छ। टाढिएका आफन्तहरूको यादले भने मन भावुक बन्न सक्छ।

वृष (TAURUS)
इ, उ, ए, ओ, बा, बि, बु, बे, बो

काममा थप लगानी गर्नुपर्ने समय आएको छ। प्रयत्न गर्दा टाढाको यात्रा हुने सम्भावना छ। वैदेशिक क्षेत्रबाट लाभ उठाउने अवसर छ। घरखर्चको मात्रा बढ्न सक्छ, र समयमा होस नपुग्नाले चुनौती झेल्नुपर्नेछ। लाभ खोज्दा छरछिमेकसँग असमझदारी बढ्न सक्छ। बनिसकेको कामबाट हात झिक्नुपर्ने परिस्थिति आउन सक्छ। यस समयमा विशेष सतर्कता अपनाउन आवश्यक हुनेछ।

मिथुन (GEMINI)
का, कि, कु, घ, ङ, छ, के, को, ह

मिहिनेतको उत्कृष्ट परिणाम प्राप्त हुनेछ। तारिफ योग्य काम गर्दै आर्थिक रुपमा सुदृढ बन्न सकिनेछ। प्रतीक्षित नतिजाले मनमा उत्साह थप्नेछ। थोरै लगानीले प्रशस्त नाफा कमाउन सकिनेछ। अस्थायी पेसाबाट अपेक्षाकृत बढी फाइदा हुनेछ। नयाँ काम आरम्भ गर्न अनुकूल समय छ। विभिन्न भौतिक साधनहरू जुट्नेछन्। पहिलेको सफलताले थप नयाँ अवसर सिर्जना गर्न सक्छ।

कर्कट (CANCER)
हि, हु, हे, हो, डा, डि, डु, डे, डो

सामाजिक क्षेत्रमा नेतृत्व हात पार्न सकिनेछ। भूमि, वाहन तथा पैत्रिक सम्पत्तिको उपयोगबाट प्रशस्त लाभ उठाउन सकिनेछ। व्यापारमा पनि राम्रो लाभ हुनेछ। मातापिताको सहयोगले कार्यमा सफलता प्राप्त हुनेछ। प्रतिष्ठित काम गर्न पाइने अवसर आउनेछ। अरूलाई प्रभावमा पारेर काम अघि बढाउन सकिनेछ। कीर्तिमानी काम सम्पन्न गरेर दाम, इनाम र प्रतिष्ठा आर्जन गर्ने बेला छ।

सिंह (LEO)
मा, मि, मु, मे, मो, टा, टि, टु, टे

आँटेको काम समयमा पुरा नहुन सक्छ। अरूका काममा समय खर्चिनुपर्नेछ। तापनि, प्रयत्न गरे केही काम बन्ने सम्भावना छ। सहयोगीहरूले साथ दिनेछन् र आंशिक सफलता मिल्नेछ। पहिले निराश भएको काम सफल हुँदा नयाँ उत्साह आउनेछ। धेरैलाई फाइदा हुने काम सम्पादन गर्ने मौका मिल्नेछ। स्वास्थ्य कमजोर भए पनि जिम्मेवारी भने बढ्नेछन्। व्यवसायमा खर्च बढ्नेछ।

कन्या (VIRGO)
टो, प, पि, पु, ष, ण, ठ, पे, पो

आश्वासन दिनेहरूबाट सतर्क रहनु पर्नेछ, किनभने झुक्याउने प्रयास हुन सक्छ। पहिले निश्चय भएको काम अचानक विग्रन सक्छ। स्वास्थ्य कमजोरीले जोसजाँगरमा असर पार्न सक्छ। पठनपाठनमा समय दिन कठिन हुनेछ। थोरै उपलब्धिका लागि निकै मिहिनेत गर्नुपर्नेछ। नयाँ काममा हात हाल्न केही समय प्रतीक्षा गर्नु बुद्धिमानी हुनेछ। तर, सहयोगीहरूको माध्यमबाट केही काम बन्न सक्नेछ।

तुला (LIBRA)
र, रि, रु, रे, रो, ता, ति, तु, ते

व्यापार–व्यवसायमा उल्लेखनीय फाइदा हुनेछ। व्यवसाय विस्तारको लागि यात्रा गर्ने अवसर मिल्नेछ। परिवारजनको साथले आत्मबल बढ्नेछ। प्रेम र मित्रताको सम्बन्ध बलियो बन्नेछ। भौतिक साधनहरू जुट्नेछन् र आम्दानीका नयाँ स्रोत सुरु गर्न सकिनेछ। आयआर्जन सन्तोषजनक हुनेछ। कामबाट फुर्सद पाइने र अतिथिका रूपमा सत्कार पाइने सम्भावना छ।

वृश्चिक (SCORPIO)
तो, ना, नि, नु, ने, नो, या, यि, यु

काममा सफलता प्राप्त गर्न प्रतिस्पर्धा गर्नु पर्नेछ। शत्रुहरूको सक्रियताले केही चुनौती आउन सक्छ। तथापि, मिहिनेतले प्रतिस्पर्धामा जित्ने सम्भावना बलियो छ। भौतिक साधन जुट्नाले दिगो फाइदा हुने काम सुरू गर्न सकिनेछ। व्यवसायमा आम्दानी बढ्नेछ। यदि आवश्यक परे सम्झौता गर्नुपरे पनि अधिकार र प्रतिष्ठा जोगाउन सफल भइनेछ।

धनु (SAGITTARIUS)
ये, यो, भ, भि, भु, ध, फा, ढ, भे

अप्रिय समाचारले मन दुख्न सक्छ। कमजोरीको अनुभूति हुनेछ। खानपानमा असावधानीले स्वास्थ्य समस्या निम्त्याउन सक्छ। पढाइमा समय दिन गाह्रो पर्नेछ। व्यावसायिक काममा उल्लेखनीय फाइदा नहुन सक्छ। कार्यमा अवरोध आइपर्न सक्छ। सन्तान वा अनुयायी तथा मातृशक्तिको सहयोगबाट केही हदसम्म लाभ उठाउन सकिनेछ।

मकर (CAPRICORN)
भो, ज, जि, खि, खु, खे, खो, गा, गि

सामाजिक क्षेत्रमा फाइदा उठाउन सकिनेछ, तर घरपरिवारमा समस्या देखिन सक्छ। परिवारजनसँग असमझदारी बढ्न सक्छ र काममा बाधा पुग्न सक्छ। महत्त्वाकांक्षी योजना गोप्य राखेर अघि बढ्नु राम्रो हुनेछ। मातृधन र पशुधन तथा जमिनबाट केही लाभ उठाउन सकिनेछ। तर, अरूको भर नपर्नुहोस्, धोका हुन सक्छ, विशेष सचेत रहनु आवश्यक छ।

कुम्भ (AQUARIUS)
गु, गे, गो, सा, सि, सु, से, सो, द

नयाँ काम सुरु गर्न अनुकूल समय आएको छ। व्यापारमा मनग्य धनलाभ हुनेछ। साथीभाइको राम्रो साथ प्राप्त हुनेछ। नयाँ उद्योग वा रचनात्मक काममा लाग्न सकिनेछ। परिश्रम अनुसार उपलब्धि पनि राम्रो पाइनेछ। पहिले रोकिएका कामहरू पुनः गति लिन सक्छन्। कृषिक्षेत्रमा बढी परिश्रम र लगानी गर्नुपर्नेछ, तर परिवारजनका आकांक्षा पूरा गर्न सकिनेछ।

मीन (PISCES)
दि, दु, थ, झ, ञ, दे, दो, च, चि

फाइदा अपेक्षा अनुसार नआउन सक्छ। काममा अवरोध आउनेछ र मानसम्मानमा आघात पुग्ने सम्भावना रहन्छ। पढाइमा समय दिन सकिनेछैन। अरूको आलोचना सहनुपर्ने स्थिति आउन सक्छ। आफ्ना कमजोरीमाथि टिप्पणी हुनसक्ने भएकाले सचेत रहनुहोस्। बोलीको गलत अर्थ लाग्न सक्छ र लेनदेनमा विवाद बढ्न सक्छ। सहयोगीहरूले अपेक्षित साथ नदिए पनि विगतको मेहनतले भने केही लाभ अवश्य हुनेछ।