फलित ज्योतिषाचार्य

मेष (Aries)
चु, चे, चो, ला, लि, लु, ले, लो, अ
आजको दिन तपाईंको मिहिनेतले सार्थक परिणाम दिनेछ। योजनाबद्ध तरिकाले अघि बढ्दा सोचेजस्तै सफलताको स्वाद चाख्न पाइनेछ। दाजुभाइ तथा आत्मीयजनसँग सम्बन्ध अझ बलियो बन्नेछ भने प्रेम र मित्रताको सम्बन्ध अझ गहिरो हुने सम्भावना छ। व्यापार तथा लगानीका क्षेत्रमा मनग्य लाभ हुनेछ, खासगरी विगतका लगानीहरूले दीर्घकालीन फाइदा दिने संकेत देखिन्छ। नियमित मिहिनेतले जीवनशैलीमा सकारात्मक परिवर्तन ल्याउनेछ। प्रतिस्पर्धी र विरोधीलाई पछि पार्दै अवसर हात पार्न सकिनेछ।

वृष (Taurus)
इ, उ, ए, ओ, बा, बि, बु, बे, बो
बौद्धिक क्षमताको प्रयोगबाट विद्या र सम्पत्ति आर्जन सम्भव हुनेछ। पहिल्यै गरिएको मिहिनेतले राम्रो आर्थिक लाभ दिनेछ। सम्मानित व्यक्तिहरूसँग सहकार्य गर्ने अवसर प्राप्त हुनेछ। बोली र व्यवहारले अन्यलाई प्रभावित पार्न सकिने समय छ। सोच र विचारका कारण समाजमा पहिचान बढ्नेछ। मित्रजन तथा सहयोगीहरूको साथले रोकिएका कामहरू अगाडि बढ्नेछन्।

मिथुन (Gemini)
का, कि, कु, घ, ङ, छ, के, को, ह
मन रमाउने रमाइलो जमघट र स्वादिलो भोजनको अवसर प्राप्त हुनेछ। विगतको सफलताले नयाँ प्रेरणा दिनेछ। नयाँ अवसरहरू दस्तक दिनेछन् भने उपयोगी सहयोगीहरू भेटिने सम्भावना छ। लामो समयदेखि नदेखिएका पारिवारिक सदस्यहरूसँग पुनः भेटघाट हुनेछ। विगतका कमजोरीहरूलाई सच्याउँदै जीवनशैली परिष्कृत गर्न सकिनेछ। सौन्दर्य अभिवृद्धिका साथै पहिरनमा आकर्षक परिवर्तन आउनेछ।

कर्कट (Cancer)
हि, हु, हे, हो, डा, डि, डु, डे, डो
यद्यपि केही समय आर्थिक अपुगको महसुस हुन सक्छ, आवश्यक परेमा ऋण या सरसापटबाट आवश्यक रकम जुटाउन सकिनेछ। विदेश जाने योजना बनाउने उपयुक्त समय छ। अवसर खोज्न केही दौडधुप गर्नुपर्ने अवस्था आउन सक्छ। दुई पटक प्रयास गर्दा रोकिएका काम बन्ने सम्भावना प्रबल छ। टाढाका साथीभाइले तपाईंलाई साथ दिनेछन्। यद्यपि खर्चको मात्रा बढ्न सक्छ र अल्छीपनले केहि काममा ढिलाइ हुनसक्छ।

सिंह (Leo)
मा, मि, मु, मे, मो, टा, टि, टु, टे
नयाँ आम्दानी स्रोतहरू देखा पर्नेछन्। भविष्यका लागि लाभदायी कार्यहरूमा आधार तयार पार्ने अवसर मिल्नेछ। तर आज पाइएको लाभ सञ्चय गर्न कठिन हुन सक्छ। केही कुराको लाभ लिन अरू केही कुराको त्याग गर्नुपर्ने अवस्था आउन सक्छ। व्यवसायमा थप लगानी गर्नुपर्ने संकेत छ। आवश्यक पर्दा आर्थिक स्रोत जुटाउन ऋण लिनुपर्ने अवस्था आउन सक्छ।

कन्या (Virgo)
टो, प, पि, पु, ष, ण, ठ, पे, पो
आजको परिश्रमले भविष्यमा ख्याति र सम्मान प्राप्त हुने संभावना बलियो छ। प्रतिष्ठित व्यक्तिहरूसँग सहकार्य हुने योग छ। स्थायी स्वरूपको व्यवसायिक लाभ मिल्नेछ। विशिष्ट व्यक्तिहरूसँगको भेटले उत्साह बढाउनेछ। कार्यमा सफलता पाउने मौका छ भने मेहनतले नाम, दाम र पुरस्कार प्राप्त गर्न सकिनेछ। तपाईंले अरूको उपकार गर्न सक्ने समय हो, साथै सामाजिक उत्तरदायित्व प्राप्त हुने संकेत देखिन्छ।

तुला (Libra)
र, रि, रु, रे, रो, ता, ति, तु, ते
लगनशीलताका साथ गरिएको कामले लक्ष्यमा पुग्न सकिनेछ। थाँती कामहरू अगाडि बढ्नेछन्। नयाँ जिम्मेवारीको सम्भावना छ। सानो प्रयासले धेरैको हित गर्न सकिनेछ। नयाँ भेटघाटले काम गर्ने वातावरण सिर्जना गर्नेछ। धार्मिक भावनाले प्रेरित भई धर्मकर्ममा समय बिताउन सकिनेछ। यद्यपि अल्छीको प्रभावले कार्यमा केही ढिलाइ हुने संभावना रहन्छ।

वृश्चिक (Scorpio)
तो, ना, नि, नु, ने, नो, या, यि, यु
अप्रत्याशित रूपमा पर्खिएको नतिजा चित्त बुझ्दो नहुन सक्छ, जसले काम दोहोर्याएर गर्नुपर्ने परिस्थिति ल्याउनेछ। स्वास्थ्यमा कमजोरी देखिनाले यात्रामा असहजता महसुस हुन सक्छ। आफ्नै अधिकार र कर्ममा अरूले दाबी गर्ने प्रयास गर्न सक्छन्। यद्यपि तपाईंका शुभचिन्तकहरू तपाईंको पक्षमा उभिएर साथ दिनेछन्। प्रयास गर्दा परिणाम सकारात्मक देखिनेछ। समाजसेवामा संलग्न हुनुपर्नेछ, जसका लागि केही खर्च गर्नु पर्नेछ।

धनु (Sagittarius)
ये, यो, भ, भि, भु, ध, फा, ढ, भे
छोटो समयमा नै आकर्षक फाइदा उठाउन सकिनेछ। राम्रो पहिरनका कारण व्यक्तित्वमा निखारता आउनेछ। धेरै समयदेखि प्रतीक्षा गरिएको सफलताको अनुभव हुनेछ। रमाइलो समय बित्नेछ। चाहना पूरा हुनेछ भने विविध भौतिक साधन प्राप्तिको संकेत छ। व्यवसायसँगै घुमघामको पनि अवसर जुर्नेछ। तर केही विवादित जिम्मेवारी वहन गर्नुपर्ने परिस्थिति आउन सक्छ।

मकर (Capricorn)
भो, ज, जि, खि, खु, खे, खो, गा, गि
अघिका समस्याहरूले केही असहज परिस्थिति ल्याउनेछन्। खर्चमा वृद्धि हुने संकेत छ। यात्रामा केही कष्ट सहनुपर्ने देखिन्छ। असल नठानिएका व्यक्तिलाई विश्वास गर्दा धोका हुन सक्छ। मुद्दा वा विवादमा आफ्नो पक्ष कमजोर रहन सक्छ। परिस्थिति अनुसार केही सम्झौता गर्नुपर्ने भए पनि अधिकार र प्रतिष्ठा जोगाउन सफल भइनेछ। प्रतिस्पर्धीलाई पछि पार्ने अवसर मिल्नेछ।

कुम्भ (Aquarius)
गु, गे, गो, सा, सि, सु, से, सो, द
काममा केही ढिलाइ भए पनि सुखद समाचारले हर्ष ल्याउनेछ। अध्ययन र बौद्धिक क्षेत्रमा आकर्षण बढ्नेछ। मिहिनेतका साथ प्रतिष्ठित काम हात पार्ने अवसर प्राप्त हुनेछ। व्यापार तथा कृषि र पशुपालन क्षेत्रबाट राम्रो लाभ मिल्नेछ। सन्तान वा अनुयायीहरूको साथले काममा ऊर्जा थपिनेछ। विगतका प्रयासहरू अहिले परिणाम दिने समय हो।

मीन (Pisces)
दि, दु, थ, झ, ञ, दे, दो, च, चि
तात्कालिक फाइदाको लोभले परिस्थिति बिग्रन सक्छ, त्यसैले धैर्य अपनाउनु होला। काममा ठूलो लाभ नउठे पनि समस्या समाधान हुनेछन्। अघिका कमजोरी सुधार गर्न सकिनेछ। जग्गा जमिन र पशुधनबाट लाभ हुने सम्भावना छ। लामो समयदेखि टाढिएका आफन्तहरूसँग पुनः सम्पर्क हुनसक्छ। शुभचिन्तकहरूको सहयोगमा कार्य सम्पन्न गर्न सकिनेछ। कतिपय काममा दोहोर्याएर प्रयास गर्नुपर्नेछ।