मेष - Aries (चु, चे, चो, ला, लि, लु, ले, लो, अ)

अवसरहरू देखा परे पनि तत्कालीन लाभको मोहले परिस्थिति जटिल बन्न सक्छ। समस्या समाधानका लागि निरन्तर प्रयास आवश्यक छ। विगतका कमजोरी सुधार गर्ने समय आएको छ। कृषि र पशुपालनतर्फ ध्यान दिँदा आम्दानी बढ्नेछ। टाढिएका पारिवारिक वा आत्मीय व्यक्तिसँग पुनः निकटता कायम हुनसक्छ। अघिल्लो सम्झौता समाप्त हुनसक्ने सम्भावना छ। शुभचिन्तकहरूको साथ लिएर महत्त्वपूर्ण योजना प्रारम्भ गर्नु उपयुक्त हुनेछ।

वृष - Taurus (इ, उ, ए, ओ, बा, बि, बु, बे, बो)
अनुकूल परिस्थिति र दृढ मेहनतले लक्ष्यमा पुग्न सहयोग गर्नेछ। छोटो अवधिमा लाभ लिने सम्भावना प्रबल छ। साथ दिनेहरू प्रशस्त हुनेछन्। ईमानदार प्रयासले सकारात्मक नतिजा ल्याउनेछ। राम्रो कार्यद्वारा सम्मान र आम्दानी दुवै बढ्नेछ। प्रतिक्षारत परिणामहरूले आत्मविश्वास जगाउनेछ। न्यून पूँजीबाटै उच्च लाभ लिन सकिने समय हो। व्यवसायिक कार्यहरूमा विशेष लाभ देखिन्छ।

मिथुन - Gemini (का, कि, कु, घ, ङ, छ, के, को, ह)
सेयर तथा लगानीको माध्यमबाट लाभ मिल्नेछ। बौद्धिक कार्यमा संलग्न हुँदा दिगो लाभको सम्भावना देखिन्छ। सुखद खबरले मनमा उमंग ल्याउनेछ। प्रयासले सम्मानजनक स्थान दिलाउन सक्छ। अध्ययनमा प्रगति हुने संकेत छ र ज्ञान अभिवृद्धि गर्ने मौका पनि मिल्नेछ। दीर्घकालीन योजनाहरू प्रारम्भ गर्न अनुकूल समय छ। मित्रता र प्रेममा मजबुती आउनेछ। व्यवसायबाट मनग्य लाभ सम्भव छ।

कर्कट - Cancer (हि, हु, हे, हो, डा, डि, डु, डे, डो)
रमाइलो भेटघाट र खानपानको अवसर मिल्नेछ। तारिफयोग्य कार्यले प्रशंसा प्राप्त हुनेछ। सफलताले उत्साह थपिनेछ। नयाँ प्रस्तावहरू आउनेछन् र साथ दिनेहरू हौसला दिनेछन्। विगतका कमजोरी सच्याउने समय आएको छ। आगामी योजना बनाउन उपयुक्त समय हो। आकर्षक पोशाक वा सामग्रीले व्यक्तित्व निखार्ने अवसर पनि आउन सक्छ।

सिंह - Leo (मा, मि, मु, मे, मो, टा, टि, टु, टे)
अवसर प्राप्त गर्न दौडधुप गर्नुपर्ने देखिन्छ। घरायसी खर्च बढ्नेछ भने आर्थिक अभाव पनि महसुस हुनसक्छ। आफ्नो परिवेशबाट केही समय टाढिनुपर्ने स्थिति आउन सक्छ। लापरवाहीले हानि पुर्‍याउने सम्भावना छ। नाम र प्रतिष्ठाको खोजीमा गरिएको खर्च व्यर्थ हुनसक्छ, सावधानी आवश्यक छ। यद्यपि, टाढाको यात्रा प्रारम्भ हुनसक्ने संकेत छ।

कन्या - Virgo (टो, प, पि, पु, ष, ण, ठ, पे, पो)
प्रतीक्षा गरिएको परिणामले उत्साहित बनाउनेछ। परिश्रमले दिगो लाभ दिने कामको जग बसाउने अवसर मिल्नेछ। नयाँ आम्दानीको स्रोत फेला पर्नेछ। पहिलेका प्रयासबाट राम्रो आम्दानी हुनेछ। आवश्यक रकम हात पर्ने समय हो। कृषि, पशुपालन तथा व्यापारमा उल्लेखनीय लाभ देखिन्छ। चल तथा अचल सम्पत्तिको सदुपयोगबाट लाभ लिन सकिनेछ।

तुला - Libra (र, रि, रु, रे, रो, ता, ति, तु, ते)
कामप्रतिको प्रेरणा र सहयोगीहरूको साथले लक्ष्य प्राप्तिमा सहायता पुर्‍याउनेछ। मेहनतले सजिलै सफल बनाउनेछ। प्रतिक्षारत कार्यहरू सम्पन्न हुनेछन्। विभिन्न अवसरहरू प्राप्त हुनेछन् र स्थायी कार्यमा लगानी गर्न सकिनेछ। विशिष्ट व्यक्तिहरूसँग मित्रता प्रगाढ हुने सम्भावना छ। व्यवसायमा संलग्नहरूका लागि विशेष लाभ हुनेछ। दाम, इनाम र प्रतिष्ठा प्राप्त गर्ने अनुकूल समय हो।

वृश्चिक - Scorpio (तो, ना, नि, नु, ने, नो, या, यि, यु)
अभिलाषित नतिजाले उत्साह थपिनेछ। चुनौती पार गर्दै लक्ष्यमा पुग्न सकिनेछ। रोकिएका कार्यहरू पुनः गति लिनेछन्। सानो प्रयासबाट धेरैलाई लाभ पुर्याउन सकिनेछ। महत्त्वपूर्ण योजनाको आधार तयार पार्ने उत्तम समय हो। समाजमा सम्मान पाउने काम गरिनेछ। निरन्तरता र लगनशीलताले उच्च स्थान प्राप्त गर्न सकिनेछ।

धनु - Sagittarius (ये, यो, भ, भि, भु, ध, फा, ढ, भे)
अघिल्ला समस्या दोहोरिन सक्ने भएकाले सतर्कता आवश्यक छ। गोप्य विषय बाहिरिनसक्छ, सजग रहनुहोला। स्वास्थ्यप्रति विशेष ध्यान दिनु पर्नेछ। स-साना कामले अल्झन ल्याई ठूला कार्यमा असर पुर्‍याउन सक्छ। आश्वासन दिनेहरूबाट धोका पाउन सकिने अवस्था छ। खर्च बढ्नाले आर्थिक दबाब सिर्जना हुन सक्छ। आफ्ना कमजोरीको फाइदा अरूले उठाउने प्रयास गर्न सक्छन्।

मकर - Capricorn (भो, ज, जि, खि, खु, खे, खो, गा, गि)
मन मिल्ने साथीसँग भेटघाट हुनेछ भने प्रेम र मित्रताको सम्बन्ध अझ बलियो बन्नेछ। कामको चाप घट्नेछ। व्यवसायबाट मनग्य आम्दानी हुनेछ। विभिन्न प्रकारका सहयोग र उपहार प्राप्त हुने सम्भावना छ। पारिवारिक असमझदारीले समस्या ल्याए पनि परिवारजनको समर्थनले हौसला दिनेछ। रमाइलो यात्राको योग देखिन्छ। विवादबाट टाढा रहनु श्रेयस्कर हुनेछ।

कुम्भ - Aquarius (गु, गे, गो, सा, सि, सु, से, सो, द)
मेहनतीहरूको लागि यो समय आशावादी रहनेछ। प्रतिस्पर्धामा विजय प्राप्त हुनेछ। शत्रु र ईर्ष्यालुहरूले पराजय भोग्नेछन्। साहस र पराक्रमद्वारा अधिकार प्राप्त गर्न सकिनेछ। कठिनाइलाई चिर्दै सफलता प्राप्त हुनेछ। प्रयासले प्रतिस्पर्धीहरूलाई पछि पार्न सकिनेछ। आर्थिक लाभ दिलाउने विशेष कामको सुरुवात गर्ने उत्तम समय हो। विगतका प्रयासहरूको उचित प्रतिफल पाइनेछ।

मीन - Pisces (दि, दु, थ, झ, ञ, दे, दो, च, चि)
प्रयास गरिएको कार्य सजिलै सम्पन्न हुने देखिन्छ। अध्ययनमा उल्लेखनीय प्रगति सम्भव छ। बौद्धिक प्रतिस्पर्धामा सफलता मिल्नेछ। प्रतिष्ठासम्बन्धी कार्यहरू सम्पादन गर्ने अवसर मिल्नेछ। सेवामूलक कार्यबाट आयआर्जन हुने समय हो। स्वास्थ्यमा सुदृढता रहनेछ। पशुपालन तथा कृषिबाट पनि फाइदा हुनेछ। सन्तान वा अनुयायीहरूको सहयोग उल्लेखनीय रहनेछ। आम्दानीको नयाँ मार्ग पहिचान गर्न सकिनेछ।