मेष - Aries

(चु, चे, चो, ला, लि, लु, ले, लो, अ)
सामाजिक क्षेत्रमा सक्रियता बढ्दा प्रतिष्ठा, लाभ र पुरस्कारको सम्भावना छ। आध्यात्मिक भावनाले धर्म र सेवामा अग्रसर गराउनेछ। सानो प्रयासले नै प्रशंसायोग्य काममा कीर्तिमान हासिल हुने अवसर प्राप्त हुनेछ। शुभचिन्तकहरूको साथ रहनेछ। भविष्य निर्माणका लागि कर्मनिश्चय गर्न उपयुक्त समय हो। कडा मेहनत गर्दा लक्ष्यमा पुग्न सकिने सम्भावना छ। विभिन्न नयाँ अवसरहरूले पछ्याउनेछन्, जसले जीवनशैलीमा सकारात्मक परिवर्तन ल्याउनेछ।

वृष - Taurus
(इ, उ, ए, ओ, बा, बि, बु, बे, बो)
आलस्यको प्रभावले कमजोरी अनुभव हुन सक्छ। व्यवहारिक रुपमा केही जटिल कामको जिम्मेवारी आउन सक्छ। गोपनीयता जोगाउन आवश्यक छ। मेहनत गर्दा केही काम सम्पन्न हुनेछन् भने आकस्मिक लाभ पनि सम्भव छ। तुरुन्तै उपलब्धि नभए पनि सम्भावनाको खोजी गर्ने उपयुक्त समय हो। पहिल्यै रोकिएको कामलाई पुन: प्रयास गर्दा सफलता मिल्न सक्छ। दीर्घकालीन लाभ दिने कार्य प्रारम्भ गर्न सकिनेछ।

मिथुन - Gemini
(का, कि, कु, घ, ङ, छ, के, को, ह)
बौद्धिक सोचले नयाँ विचारको जन्म दिन सक्छ। तर्कशक्ति तीव्र बन्नेछ र अध्ययनमा सुधार हुनेछ। यद्यपि, आजको प्रयासले अपेक्षित लाभ दिन नपार्न सक्छ। रमाइलो वातावरण भए पनि विवादमा अल्झिनुपर्ने परिस्थिति आउन सक्छ। अरूका लागि उपयोगी बन्नुपर्ने देखिन्छ। कार्य असफल हुने डरले चिन्तित बनाउनेछ। अविचारित वचनले दुःख दिन सक्छ। महत्त्वाकांक्षी योजना गोप्य राखेर अघि बढ्नु राम्रो हुनेछ।

कर्कट - Cancer
(हि, हु, हे, हो, डा, डि, डु, डे, डो)
मिहिनेतीहरूको लागि दिन अत्यन्त प्रेरणादायक रहनेछ। प्रतिस्पर्धामा विजयी भइनेछ भने ईर्ष्यालुहरू पछि हट्नेछन्। साहस र परिश्रमले अधिकार स्थापित गर्न सकिनेछ। चुनौती पार गर्दै महत्वपूर्ण काम पूरा गर्न सकिनेछ। शारीरिक स्वास्थ्य सबल रहनेछ र शत्रुहरू परास्त हुनेछन्। व्यापार र आर्थिक क्षेत्रमा लाभदायक कामहरू सुरु गर्न सकिनेछ। महत्त्वपूर्ण र दीर्घकालीन कार्य प्रारम्भ गर्ने शुभ समय हो।

सिंह - Leo
(मा, मि, मु, मे, मो, टा, टि, टु, टे)
सराहनीय कार्य गर्दै धेरैलाई सहयोग पुर्‍याउन सकिनेछ। दीर्घकालीन लाभदायक काम सुरु गर्न उपयुक्त समय हो। विशेष अध्ययन वा नयाँ ज्ञानको खोजीमा ध्यान केन्द्रित हुनेछ। गुरुजनहरूको साथले बौद्धिक प्रतिस्पर्धामा अग्रता प्राप्त हुनेछ। अवरुद्ध कामहरू पूर्ण भई नयाँ योजनातर्फ उन्मुख भइनेछ। व्यापारिक क्षेत्रमा पनि लाभ हुने सम्भावना बलियो देखिन्छ। प्रतिष्ठा बढाउने अवसर पाइनेछ।

कन्या - Virgo
(टो, प, पि, पु, ष, ण, ठ, पे, पो)
चुनौतीहरूबीच सम्भावनाहरू खोज्नुपर्ने समय छ। परिणाम कमजोर देखिएपछि कार्यहरू दोहोर्याउनु पर्ने हुन सक्छ। विगतका कमजोरीहरू उजागर हुँदा प्रतिष्ठामा असर पर्न सक्छ। स्वास्थ्यमा कमजोरीले सोचे अनुसारको सफलता तत्काल प्राप्त नहुन सक्छ। आफ्ना गोप्य कुरा बाहिरिने सम्भावना छ, सतर्क रहनु उचित हुनेछ। काम रोकिनाले घरपरिवारमा केही असमझदारी आउन सक्छ।

तुला - Libra
(र, रि, रु, रे, रो, ता, ति, तु, ते)
समयमै योजना बनाएर कार्य सुरु गर्दा राम्रो उपलब्धि प्राप्त हुनेछ। प्रतिस्पर्धीहरू पराजित हुनेछन् र मेहनतको प्रतिफल मिल्नेछ। निरन्तर प्रयत्न गर्दा उपयोगी अवसरहरू प्राप्त हुनेछन्। मित्रहरूको समर्थन पाइनेछ। दीर्घकालीन लाभ दिने कार्यको थालनी हुनेछ। भौतिक साधनको उपलब्धताले योजनाहरूलाई मजबुत बनाउनेछ। व्यापारबाट मनग्गे धनलाभ प्राप्त हुनेछ। सेवामूलक कार्यमा संलग्नताले प्रतिष्ठा बढाउनेछ।

वृश्चिक - Scorpio
(तो, ना, नि, नु, ने, नो, या, यि, यु)
खुसीको खबरले दिन उत्साहपूर्ण रहनेछ। आफ्नो बोलीको प्रभावले लक्ष्यअनुसारको काम सम्पन्न हुनेछ। आफ्नै क्षेत्रमा सशक्त प्रभाव जमाउन सकिनेछ र सम्मानित स्थान प्राप्त हुने सम्भावना छ। प्रशंसनीय कार्यले राम्रो उपलब्धि दिलाउनेछ। सानो प्रयासले ठुलो लाभ मिल्नेछ। व्यापारिक क्षेत्रमा पनि प्रशस्त लाभ सम्भव छ। अध्ययनको रुचिले बौद्धिक क्षितिज विस्तार हुनेछ। नाम र दाम कमाउने अवसर छ।

धनु - Sagittarius
(ये, यो, भ, भि, भु, ध, फा, ढ, भे)
प्रशंसायोग्य कार्य सम्पन्न हुने हुँदा प्रशंसकहरूको संख्या बढ्नेछ। ज्ञान, कला र व्यक्तित्व निखारिने बेला हो। आकर्षक उपहारहरूले हर्ष बढाउनेछ। विविध अवसरहरूले पछ्याउनेछन्। आफन्तहरूसँग रमाइलो भेटघाटको सम्भावना छ। स्वादिष्ट भोजनको अनुभव मिल्नेछ। लक्ष्यअनुसार समयमै कार्यहरू सम्पन्न हुनेछन्। विगतका सफलताहरूले नयाँ अवसर प्रदान गर्नेछन्।

मकर - Capricorn
(भो, ज, जि, खि, खु, खे, खो, गा, गि)
भविष्यका लागि खर्च व्यवस्थापन गर्नुपर्ने अवस्था आउन सक्छ। अवसरको खोजीमा आफन्तजन वा परिवारबाट केही समय टाढिनुपर्ने हुन सक्छ। छरछिमेकमा असमझदारी बढ्न सक्छ। व्यवसायमा थप लगानीको आवश्यकता पर्न सक्छ। उधारोको माध्यमबाट व्यापार सञ्चालन हुन सक्छ। आफ्नै परिश्रमको प्रतिफल अरूले लिने प्रयास गर्नेछन्। अवसर खोज्न केही दौडधुप आवश्यक पर्न सक्छ। लेनदेन र सहयोगमा नगद बाहिरिने सम्भावना छ।

कुम्भ - Aquarius
(गु, गे, गो, सा, सि, सु, से, सो, द)
हिम्मतका साथ काम गरेमा सफलता प्राप्त हुनेछ। आयले उत्साह थप्नेछ। श्रमको उचित मूल्याङ्कन पाइने हुँदा राम्रो प्रतिफल प्राप्त हुनेछ। व्यापारमा प्रगति हुने देखिन्छ। सट्टापट्टा वा लेनदेनमा उल्लेखनीय लाभ मिल्नेछ। मेहनतले लक्ष्यमा पुर्‍याउनेछ। आवश्यक स्रोत-साधनहरू जुट्नेछन्। थन्किएका सामग्रीहरूको सदुपयोग हुनेछ। समाजसेवा तथा सत्कर्ममा खर्च गर्नुपर्ने हुन सक्छ।

मीन - Pisces
(दि, दु, थ, झ, ञ, दे, दो, च, चि)
विभिन्न नयाँ अवसरहरूले पछ्याउनेछन्। कामको सिलसिलामा विशिष्ट व्यक्तिहरूसँग मित्रता विस्तार हुन सक्छ। निरन्तर प्रयासले नाम, धन र सम्मान दिलाउनेछ। जागिर र व्यापारमा लाग्नेहरूलाई फाइदा हुनेछ। भौतिक सम्पत्तिहरू सङ्कलन हुनेछन्। प्रशंसायोग्य कार्यले धेरैको मन जित्न सकिनेछ। रुचिका क्षेत्रमा लगानी बढाउन सकिनेछ, जसले भविष्यमा राम्रो प्रतिफल दिनेछ।