एन्टिगुवाको सर भिभियन रिचर्ड्स स्टेडियम र बारबुडाको सेन्ट जर्जमा २२ जुनमा जारी आईसीसी पुरुष टी–२० विश्वकप २०२४ को ४७ औँ खेलमा भारतले दिएको १९७ रनको लक्ष्य पछ्याएको बंगलादेशले ५० रनले पराजित भयो । अन्तिम ओभरमा  ५५ रन आवश्यक गलादेशका लागि कप्तान नजमुल हुसेन शान्तोले मात्र ३२ बलमा ४० रन बनाउन सके भने तान्जिद हसन (२९) र रिशाद हुसेन (२४) ले केही रन जोडे। यसबाहेक अन्य ब्याट्सम्यानले १५ रन पार गर्न सकेनन् ।

भारतका लागि कुलदीप यादवले ३ विकेट लिए भने अर्शदीप सिंह र जसप्रित बुमराहले २/२ विकेट लिए । हार्दिक पाण्ड्याले पनि एक विकेट लिए र ‘प्लेयर अफ द म्याच’ घोषित भए ।

यो जितसँगै, भारत अब ४ अंक र +२.४२५ को नेट रनरेटका साथ तालिकाको शीर्ष स्थानमा छ l 

टस हारेर ब्याटिङ गरेको भारतले २० ओभरमा ५ विकेट गुमाएर १९६ रन बनाएर बंगलादेशलाई १९७ रनको लक्ष्य पछ्याउन एन्टिगुआमा दिएको थियो ।  196/5 T20 विश्वकप टूर्नामेंटमा भारतको लागि तेस्रो उच्चतम स्कोर,  नर्थ साउन्डमा T20I मा उच्चतम स्कोर हो। भारतीय ब्याट्सम्यानले आज १३ छक्का प्रहार गरेका छन् । 

भारतका लागि हार्दिक पाण्ड्याले २७ बलमा अविजित ५० रन बनाए भने विराट कोहली (३७), ऋषभ पन्त (३६), शिवम दुबे (३४ र रोहित शर्माले २३) महत्वपूर्ण पारी खेले।

बंगलादेशका लागि तान्जिम हसन साकिब र रिशाद हुसेनले २–२ विकेट लिए भने शकिब अल हसनले १ विकेट लिए ।