News Desk
धनकुटा जिल्लाको महालक्ष्मी नगरपालिका–५ स्थित शिवरात्रीमा आगलागी हुँदा एक करोड २ लाख २७ हजार रुपैयाँ बराबरको क्षति भएको छ । आगलागिमा परेर तीन घर जलेर नष्ट हुँदा सो क्षति भएको हो । बिहिबार दिउँसो भएको आगलागीबाट स्थानिय यज्ञबहादुर खड्का, श्रीचन्द्र बुढाथोकी र सुर्यबहादुर श्रेष्ठको घर जलेर नष्ट भएको जिल्ला प्रहरी कार्यालय धनकुटाका प्रहरी नायब उपरिक्षक राजबाबु महर्जनले जानकारी दिनुभयो ।
आगलागीबाट खड्काको ४० लाख ७३ हजार, बुढाथोकीको २५ लाख ५४ हजार र श्रेष्ठको ३६ लाख रुपैयाँ बराबरको क्षति भएको प्रहरीले जनाएको छ । आगलागी नेपाल प्रहरी र स्थानीयको सहयोगमा नियन्त्रणमा आएको छ । आगलागिको कारण भने खुल्न नसकेकाले थप अनुसन्धान भइरहेको प्रहरीको भनाइ छ ।
