News Desk
अन्तर्राष्ट्रियस्तरमा बन्दीपुरको पहिचान
उक्त कार्यक्रममा पर्यटन व्यवसायी आशुतोष प्रधान र हरि लामिछानेले बन्दीपुरको ऐतिहासिक महत्त्व, सांस्कृतिक सम्पदा, प्राकृतिक सौन्दर्य र साहसिक पर्यटन गतिविधिहरूबारे जानकारी गराएका थिए। प्रधानका अनुसार यस अभियानले बन्दीपुरलाई अन्तर्राष्ट्रिय पर्यटन नक्शामा थप उजागर गर्ने लक्ष्य राखेको छ।
पर्यटन प्रवर्द्धनको नयाँ लक्ष्य
बन्दीपुर गाउँपालिकाका अध्यक्ष सुरेन्द्र थापाले हाल वार्षिक एक लाख पर्यटक आउने बन्दीपुरमा भ्रमण वर्ष अभियानपछि सो सङ्ख्या दोब्बर बनाउने लक्ष्य रहेको बताए। गाउँपालिकाका सबै वडामा रहेका पर्यटकीय गन्तव्यहरूको प्रचारलाई प्राथमिकता दिइने उनले उल्लेख गरे।
बन्दीपुरलाई पौराणिक सहरका रूपमा विकास
अध्यक्ष थापाका अनुसार बन्दीपुर बजारलाई अझ आकर्षक बनाउन ऐतिहासिक र सांस्कृतिक कार्यक्रमहरू आयोजना गरिनेछ। "बन्दीपुर विशेष संरक्षित क्षेत्र भएकाले पौराणिकता झल्काउने गतिविधिहरू सञ्चालन गर्ने योजना छ," उनले भने।
नयाँ पर्यटन प्याकेज
भ्रमण वर्षलाई सफल बनाउन बन्दीपुर–छिम्केश्वरी–मनकामना–गोरखा मन्दिर–लिगलिगकोट–भानु जन्मस्थल हुँदै पुनः बन्दीपुर आउने दुई दिनको विशेष पर्यटन प्याकेज तयार गरिएको छ।
यस अभियानले बन्दीपुरलाई राष्ट्रिय र अन्तर्राष्ट्रियस्तरमा थप लोकप्रिय बनाउने विश्वास गरिएको छ।
