गैरसरकारी संस्था महासंघ (एनजीओ फेडेरेसन)को १५ पदाधिकारीसहित ५१ सदस्यीय नयाँ कार्यसमिति चयन भएको छ। राष्ट्रियसभा गृहमा सम्पन्न ११औं राष्ट्रिय महाधिवेशन, ३०औं वार्षिक साधारणसभा तथा राष्ट्रिय नागरिक सम्मेलनमार्फत अर्जुन भट्टराईको नेतृत्वमा सर्वसम्मत नयाँ कार्यसमिति चयन गरिएको हो।

नवनिर्वाचित कार्यसमितिमा वरिष्ठ उपाध्यक्षका रूपमा नानीमाया थापा चयन भएकी छन् भने उपाध्यक्षद्वयमा राजेन्द्र शर्मा र सञ्जय लम्साल चयन भएका छन्। महासचिव पदमा देवी खड्काले जिम्मेवारी पाएका छन् भने भवराज रेग्मी र किरण थापा उपमहासचिवका रूपमा चयन भएका छन्। कोषाध्यक्ष पदमा गोविन्द शाही निर्वाचित भएका छन्।

सातै प्रदेशबाट प्रतिनिधित्व हुने गरी ७ जना सचिव चयन भएका छन्। कोशी प्रदेशबाट सरिता आङदेम्बे, मधेशबाट रामचन्द्र साह, बागमतीबाट बुद्धशरण लामा, गण्डकीबाट राजेन्द्रप्रसाद पौडेल, लुम्बिनीबाट नमस्कार शाह, कर्णालीबाट जजराज शाही र सुदूरपश्चिमबाट सावित्रा घिमिरे (बिक) सचिवका रूपमा चयन भएका छन्।