काठमाडौं- राज्य मिडिया नेटवर्क प्रालिका अध्यक्ष  सरोज ओझा अन्तरराष्ट्रिय संस्था युनाईटेड  नेशन पिस किपर फेडरल काउन्सिल (युएनपिकेएफसी) बाट विभुषित भएका छन् ।                   
युएनपिकेएफसीद्वारा आईतबार काठमाडौं स्थित होटेल मेरियटमा आयोजित एक कार्यक्रम समारोह माझ उनी युएनपिकेएफसी हुमेनिटेरियन लिडरशिप अवार्डबाट विभुषित भएका हुन ।  संचारकर्मी ओझालाई युएनपिकेएफसीकी अन्तरराष्ट्रिय अध्यक्ष डाटुक डा. अपिनिता चेचेनले सम्मानपत्र र मेडल सहित सम्मान  गरेकी थिईन् ।  सो अवसरमा ओझा सहित वरिष्ठ पर्यटन व्यवसायी तेजेन्द्र शर्मा पौडेल लगायत नेपाल, थाईल्याण्ड, म्यानमार, कोरिया, रसिया, भारत लगायतका देशका धार्मिक गुरुहरु, कुटनितिक नियोगका अधिकारी, मानव अधिकारकर्मी आदी  व्यक्तित्वहरुलाई सम्मान गरिएको थियो ।  

युएनपिकेएफसीको विभिन्न कार्यक्रम एवम् गतिविधीमा सिर्जनशिल  भूमिका सहित पेशागत रुपमा योगदान पुर्याए बापत उनीहरु सम्मानित भएका हुन ।  

ओझा एनटिभी न्युज सचेतना कार्यक्रमका प्रस्तोता एवम् निर्देशक र राज्य दैनिक डटकमका अध्यक्ष हुन भने वरिष्ठ पर्यटन व्यवसायी शर्मा भिटोनका सभापतिका साथै  युएनपिकेएफसिका सल्लाहार हुन ।  

युएनपिकेएफसि शान्ति र मानव अधिकारको क्षेत्रमा कार्य गर्दै आईरहेको संस्था हो ।  यसको मुख्यालय थाईल्याडमा रहेको छ ।