News Desk
काठमाडौं ।उच्च अदालत पाटनले टुकुचा खोलामाथि बनेका भौतिक संरचना नभत्काउन आदेश दिएको छ । काठमाडौं महानगरपालिकाले टुकुचा खोला मिचेर निर्माण गरेका संरचना डोजर लगाएर भत्काउन लागेपछि दायर भएको रिट उपर कार्वाही गर्दै उच्च अदालतले अन्तरकालीन आदेश जारी गरेको हो ।
न्यायाधीश दिपेन्द्रबहादुर बमको एकल इजलासले उक्त आदेश जारी गरेको हो । प्रेसिडेन्ट ट्राभल्स एन्ड टूर्स प्रालिको तर्फबाट भोलाविक्रम थापा समेतले उच्च अदालत पाटनमा मुद्दा दायर गरेका थिए ।
अदालतले रिट दायरकर्ता र विपक्षी महानगरपालिकालाई छलफलका लागि असोज ५ मा झिकाएको छ । टुकुचा मिचेर निर्माण गरेका कमलपोखरीस्थित लक्ष्मी बैंक, जय नेपाल सिनेमा हल लगायतका संरचनाभित्र टुकुचा खोला भेटिएपछि त्यहाँ महानगरले डोजर चलाएको थियो ।
