महोत्तरी १ बाट गिरिराजमणि पोखरेललाई पराजित गर्दै एमालेका लक्ष्मी कोइरी महतो निर्वाचित
News Desk
Nov-27 , 2022 तारिख 12:49 बेलुका

महोत्तरी  । महोत्तरी प्रतिनिधिसभा निर्वाचन क्षेत्र नम्बर १ बाट एमालेका लक्ष्मी कोइरी महतो निर्वाचित भएका छन् । १५ वर्ष सांसद र पटकपटक मन्त्री भइसकेका माओवादी केन्द्रका उपमहासिचव गिरिराजमणि पोखरेललाई पराजित गर्दै एमालेका महतो निर्वाचित भएका हुन् । 

निर्वाचन आयोगका अनुसार आइतबार बिहान सकिएको महोत्तरी प्रतिनिधिसभा निर्वाचन क्षेत्र नम्बर १ को मतगणना परिणाममा महतो २३ हजार ४ सय २ मत ल्याई विजयी भएका छन् । उनले माओवादीका पोखरेललाई १ हजार ३० को मतान्तरले पराजित गरेका हुन् । पोखरेलले २२ हजार ३ सय ७२ मत प्राप्त गरेका थिए ।

पोखरेल यो निर्वाचन क्षेत्रबाट तीनपटक सांसद जितेका थिए । महोत्तरी क्षेत्र नम्बर १ बाट २०६४ को संविधानसभामा निर्वाचित भएपछि उनले लगातार २०७० को संविधानसभा र २०७४ को प्रतिनिधिसभा सदस्य निर्वाचन पनि जितेका थिए । उनी यसबीचमा पटकपटक शिक्षा र स्वास्थ्यमन्त्री बनेका थिए । 

 

धेरै पढिएको