News Desk
काठमाडौं । सरकारले राष्ट्रिय कृषि आधुनिकीकरण कार्यक्रमको दोस्रो चरण सञ्चालन गर्न रु. १ खर्ब ४० अर्बको परियोजना तयार गरेको छ। कृषि तथा पशुपालन क्षेत्रको व्यावसायिक विकास, उत्पादन वृद्धि र पूर्वाधार विस्तारमार्फत देशलाई कृषि उपजमा आत्मनिर्भर बनाउने लक्ष्यसहित परियोजना अघि बढाउन लागिएको हो।
परियोजनामा व्यावसायिक कृषि तथा पशुपालन, कृषि पूर्वाधार निर्माण, कृषकलाई तालिम, उत्पादन वृद्धि र अनुदान वितरणलगायत कार्यक्रम समेटिएका छन्। कृषकको आम्दानी बढाउने, कृषिमा आधुनिक प्रविधिको प्रयोग विस्तार गर्ने तथा कृषि क्षेत्रमा रोजगारीका अवसर सिर्जना गर्ने रणनीति प
